உலகை எதிர்நோக்கிய பேராபத்து இன்று தெய்வாதீனமாக நீங்கியுள்ளது

அண்டவெளியில் கோடானகோடி நட்சத்திரங்களும், நாம் வாழும் உலகைப் போன்று உயிர்கள் நிலைத்திருக்கும் லட்சக்கணக்கான விண்கோள்களும் இருக்கின்றன. இவை காலத்திற்கு காலம் ஒன்றோடு ஒன்று மோதி, இயற்கை அழிவை எதிர்நோக்குவதுண்டு. இதுபோன்று எங்கள் உலகமும் 65 மில்லியன் வருடங்களுக்கு முன்னர், இத்தகைய பேரழிவை எதிர்நோக்கியது. அன்று, அரை கிலோமீற்றர் அகலத்தையும், ஒரு கிலோமீற்றர் நீளத்தை யும் கொண்ட வேறு ஒரு கோளத்திலிருந்து உடைந்து சூரியமண்ட லத்தில் சஞ்சரித்துக்கொண்டிருந்த ஒரு பாரிய கற்பாறை பூமியில் வந்து மோதுண்டது. இந்த கற்பாறை தற்போதைய மெக்சிக்கோ நாட்டின் மீது விழுந்து பேரழிவை ஏற்படுத்தியது. இன்றும் கூட மெக்சிக்கோவில் ஒரு கல்வெட்டைப் போன்று இதனால் ஏற்பட்ட தாக்கத்தை நாம் பார்க்கக் கூடியதாக இருக்கிறது.

அன்று, இந்த கற்பாறை உலகில் வந்து விழுந்ததனால் நாம் வாழும் இந்த பூமியில் ஒரு பெரும் பிரளயமே ஏற்பட்டது. இதன் தாக்கத் தினால் பூமியில் நெருப்பு விஸ்வரூபம் எடுத்து, எரிய ஆரம்பித்தது. நெருப்பு சுவாலைகள் சுமார் 5,6 கிலோ மீற்றர் வரை உயர்ந்து, உலகிலுள்ள மனித மற்றும் விலங்கினங்களையும், தாவரங்களையும் முற்றாக அழித்துவிட்டது. இதனால் தான் உலகில் வாழ்ந்த இராட்சத இன டைனோசர்ஸ் என்ற விலங்கினமும் அழிந்துபோனது.

இந்த நெருப்பினால் ஏற்பட்ட கரும் புகை உலகை முற்றாக சூரிய ஒளி பரவாத வகையில் மூடிவிட்டது. அதனால் 10 ஆண்டுகளுக்கு சூரிய ஒளி உலகின் மீது விழாத காரணத்தினால் உலகம் ஒரு ஐஸ் கட்டி யாக மாறிவிட்டது. பத்தாண்டுகளுக்கு பின்னர் படிப்படியாக கரும் புகை அண்டவெளியில் மற்ற இடங்களுக்கு பரவ ஆரம்பித்ததை அடுத்து, உலகின் மீது சூரிய ஒளி விழுந்தது.

அதனால், படிப்படியாக உயிரினங்களும், தாவரங்களும் மீண்டும் உரு வாகின. இவ்விதம் மீள்வாழ்வைப் பெற்ற உலகிலேயே நாம் இன்று வாழ்ந்து கொண்டிருக்கிறோம். அன்று, இயற்கை அன்னையின் சீற்றம் உலகில் இத்தகைய பேர் அனர்த்தத்தை ஏற்படுத்தியது. இன்று மனிதனின் சுயநலம் காரணமாக இதுபோன்ற பிரளயங்கள் ஏற்படு வதற்கு மனிதனே சுற்றாடலை அழித்துவிடுவதனால், அதுபோன்ற பிரளயம் ஏற்படுவதற்கான சிறந்ததோர் அடித்தளத்தை அமைத்துக் கொண்டிருக்கிறான்.

65 மில்லியன் வருடங்களுக்கு முன்னர் உலகின் மீது விண்ணிலிருந்து வந்து விழுந்த பாரிய கற்பாறை பேரழிவை ஏற்படுத்தியது. இது போன்று இன்னுமொரு பேராபத்து இன்று திங்கட்கிழமை இவ்வுல கின் மீது வந்து விழும் விண்கல்லினால் ஏற்படவிருந்தது. எங்களை என்றும் காப்பாற்றும் எல்லாம்வல்ல இறைவனின் அனுக்கிரகத்தி னால் மயிரிழையில் தவிர்த்துக்கொள்ளக் கூடிய மகிழ்ச்சிக்குரிய சம்பவம் இடம்பெறவுள்ளது.

நியூமெக்சிக்கோ நகரில் உள்ள ஒரு இராட்சத ரெலஸ்கோப் மூலம் கடந்த புதன்கிழமை உலகத்திற்கு அருகில் 10 முதல் 50 யார் விட்டத்தை கொண்ட ஒரு கருங்கல் பாறை உலகை நோக்கி வேக மாக வந்து கொண்டிருப்பதை விண்வெளி விஞ்ஞானிகள் அவ தானித்து ஊர்ஜிதம் செய்துள்ளார்கள். இந்த கற்பாறை பூமிக்கும், சந்திரனிற்கும் இடையில் உள்ள தூரத்தை விட 23 தடவைகள் நெருக்கமாக அதாவது பூமிக்கு மிக அருகில் 11 ஆயிரம் மைல் தொலைவில் பூமியை கடந்து செல்லும் என்பதை விஞ்ஞானிகள் இப்போது ஊர்ஜிதம் செய்துள்ளார்கள்.

விண்வெளியின் தூரத்தை கணக்கிடும் போது, 11 ஆயிரம் மைல் என் பது பூமியில் சுமார் 50,60 மீற்றர் தூரத்துடன் ஒப்பிடக்கூடிய இடைவெளி என்பதை நாம் உணர்ந்துகொண்டால் இன்று நடை பெறவிருந்த பேரனர்த்தத்தை இறைவனை விட வேறு யாரும் தவிர்த் திருக்க முடியாது என்ற உண்மையை புரிந்துகொள்ள முடியும்.

இன்று பூமியின் தென்பகுதியில் கடந்து செல்லவுள்ள இந்த கற்பாறை க்கு இந்த விஞ்ஞானிகள் 2011 எம்.டி. என்று பெயர் சூட்டியுள்ளார் கள். இதனை நாளை தென் அமெரிக்காவிலிருந்து சில விநாடிக ளுக்கு அவதானிக்க முடியும் என்று விஞ்ஞானிகள் கூறுகிறார்கள்.

பிரிட்டனில் உள்ள விண் கற்பாறைகள் பற்றிய நிபுணரான டொக்டர் எமிலி வோல்ட்வின், இந்த கற்பாறை உலகின் மீது வந்து விழாது என்பதை நாம் இப்போது திட்டவட்டமாக கூறமுடியும் என்று அபிப்பிராயம் தெரிவித்துள்ளார்.

இவ்வாண்டு நவம்பர் 8ந் திகதியன்று 400 மீற்றர் விட்டத்தைக் கொண்ட 500 மில்லியன் தொன் எடையுடைய 2005 வை. யூ. என்று பெயர் சூட்டப்பட்டிருக்கும் ராட்சத கருங்கற் பாறை ஒன்று சந்திரனை சுற்றி வலம் வரலாம் என்றும் விஞ்ஞா¡னிகள் இன்னுமொரு புதிய கண்டுபிடிப்பை வெளியிட்டுள்ளார்கள்.

இந்த கற்பாறை பூமியிலிருந்து 2 இலட்சத்து ஓராயிரம் மைல் தொலை வில் கடந்து செல்லும் என்றும், இதுவே 65 மில்லியன் ஆண்டுக ளுக்கு பின்னர் பூமிக்கு மிக அருகில் செல்லவுள்ள ஒரு கற்பாறை என்றும் விஞ்ஞானிகள் கூறுகிறார்கள்.

தெய்வாதீனமாக இந்த கற்பாறை நவம்பர் 8ந் திகதியன்று சந்திரனின் மீது போய் மோதுவது தவிர்க்கப்பட்டுள்ளது. இத்தகைய ஒரு அசம்பாவிதம் நடந்திருந்தால் நிச்சயம் அது எமது பூமிக்கும், பெரும் ஆபத்தை ஏற்படுத்துவதற்கான வாய்ப்புக்கள் இருந்திருக் கும் என்று விஞ்ஞானிகள் கூறுகிறார்கள்.

இன்றைய நவீன உலகில் பணத்தையும், புகழையும் தேடி நேரத்தை போக்கிக்கொண்டிருக்கும் மனித இனம் நாளொன்றுக்கு சிறிது நேரமாவது எங்களை பேராபத்துக்களிலிருந்து காப்பாற்றிக் கொண்டிருக்கும் எல்லாம்வல்ல இறைவனை துதித்து அவருக்கு நன்றி செலுத்தவும் மறக்கக் கூடாது.