அமெரிக்கா உலக அரங்கில் நடுநிலை கொள்கையை கடைப்பிடித்தல் நல்லது

உ லகத்தில் சட்டத்தையும், ஒழுங்கையும் நிலைநாட்டும் பலம் மிக்க பொலிஸ்காரனாக இருக்கின்றேன் என்று மார்பு தட் டிக்கொள்ளும் அமெரிக்கா, மற்ற நாடுகளில் இடம்பெறும் மனித உரிமை மீறல்கள் குறித்து எந்நேரமும் பிழை கண்டுபிடி த்து, கண்டனக்குரல் எழுப்புகின்ற போதிலும், அந்நாட்டின் ஆட் சியாளர்கள் தங்கள் நாட்டில் நடைபெறும் மனித உரிமை மீறல் கள் குறித்து உதாசீனப் போக்கை கையாண்டு வருவது மிகவும் வேதனையை அளிக்கின்றது. ஜனாதிபதி ஜோர்ஜ் புஷ் நிர்வாகத்தின் கீழ் அமெரிக்க சிறைக் கூட ங்களில் அடைக்கப்பட்டிருந்த கைதிகள் மீது மனித உரிமை மீற ல்கள் மேற்கொள்ளப்பட்டன என்ற குற்றச்சாட்டுகள் இப்போது பகிரங்கமாகி இருக்கின்றது.

மனித உரிமை மீறல்கள் குறித்து தெளிவான சாட்சியங்கள் இன்று வெளியாகிக் கொண்டிருப்பதனால் இன்றைய அமெரிக்க ஜனாதி பதி பராக் ஒபாமா அது குறித்து உடனடியாக விசாரணைகளை நடத்தி குற்றம் இழைத்தவர்களை தண்டிக்க வேண்டுமென மனித உரிமைகள் கண்காணிப்பகம் வெளியிட்டிருக்கும் 107 பக்க இணை யத்தள அறிக்கையொன்றில் வேண்டுகோள் விடுத்துள்ளது.

டார்பூர், லிபியா மற்றும் இலங்கை போன்ற நாடுகளில் மனித உரிமை மீறல்கள் இடம்பெற்றிருக்கின்றன என்று குற்றம் சாட்டி இந்நாடு கள் மீது சர்வதேச ரீதியில் கடும் சட்ட நடவடிக்கை எடுக்க வேண்டுமென்று வலியுறுத்தி வரும் அமெரிக்க அரசாங்கம், இது விடயத்தில் இரட்டை வேடம் அணிந்து வேற்று நாடுகளை தண் டிக்கவும், தங்கள் நாட்டில் இடம்பெற்ற மனித உரிமை மீறல் களை மூடி மறைக்கவும் எடுத்துவரும் முயற்சிகள் குறித்தும் இவ் வறிக்கையில் கண்டனம் தெரிவிக்கப்பட்டுள்ளது.

உலகில் பலம் வாய்ந்த நாடான அமெரிக்காவில் ஜனநாயக சுதந்தி ரம் தழைத்தோங்கி, வலுப்பெற்று வருகின்றது என்பதை உலக நாடு களுக்கு அமெரிக்க அரசாங்கம் எடுத்துக்காட்ட வேண்டுமாயின், ஒரு மனிதனின் அந்தஸ்து, அவர் வகித்த பதவி ஆகியவற்றை பொருட்படுத்தாமல் மனித உரிமை மீறல்களை எவ்வளவு செல்வாக்கு வாய்ந்தவர்கள் மேற்கொண்டிருந்தாலும் அவர்கள் மீது கடுமையான நடவடிக்கைகளை பாரபட்சமின்றி எடுப்பது மிக வும் அவசியமாகும்.

ஈராக்கின் மீது உலகையே அழிக்கவல்ல படுபயங்கரமான இரசாயன ஆயுதங்கள் இருக்கின்றன என்ற ஆதாரமற்ற போலிக் குற்றச் சாட்டுகளை சுமத்தி அன்றைய ஈராக்கிய ஜனாதிபதி சதாம் ஹ¥சைனின் அரசாங்கத்தின் மீது அமெரிக்காவும் அதன் நேச நாடுகளான பிரிட்டன் போன்றவையும் ஒன்றிணைந்து மேற்கொ ண்ட நியாயமற்ற யுத்தத்தினால் சதாம் ஹ¥சைனும், அவரது மகன்மாரும் அமெரிக்கப் படைகளினால் படுகொலை செய்யப் பட்டது மட்டுமன்றி, யுத்தம் முடிவடைந்து பல்லாண்டு காலமாகி யும் ஈராக்கில் தொடர்ந்தும் இரத்த ஆறு பெருக்கெடுத்து ஈராக் கிய மக்களை ஆறாத்துயரில் இன்று ஆழ்த்தியுள்ளதை நாம் மற ந்துவிட முடியாது.

இலங்கை போன்ற சிறிய நாடுகள் விடயத்தில் அநாவசியமாக தலை யிட்டு அவை மனித உரிமை மீறல்களை மேற்கொண்டு வருகின் றன என்று குற்றம் சாட்டி வரும் அமெரிக்கா, தனது குற்றங்க ளையும் ஒரு தடவை திரும்பிப் பார்த்து அவற்றை சரிசெய்து கொள்ளும் மனப்பக்குவத்தை கொண்டிருப்பது அவசியமாகும்.

இவ்விதம் அமெரிக்கா பக்கச் சார்பற்ற முறையில் அனைத்து நாடுக ளையும், நீதியாகவும் நடுநிலையாகவும் அன்பு செலுத்தி அரவ ணைக்கும் கொள்கையை கடைப்பிடித்தால், அமெரிக்காவுக்கு எதிரான எதிர்ப்பு ஆர்பாட்டங்கள் இன்று உலகில் நாலாபக்கங்க ளிலும் அதிகரித்து வருவதை, அந்நாடு புத்திசாதுரியமாக தவிர் த்துக் கொள்ள முடியும்.

தான் விரும்பும் ஒரு நாட்டில் அராஜகங்கள் ஏற்படும் போது அத னைப் பார்த்தும் பாராமுகப் போக்கை அமெரிக்க அரசாங்கம் கடைப்பிடிப்பதை இனிமேலாவது தவிர்த்துக் கொள்வது அவசிய மாகும். இஸ்ரேல், பலஸ்தீனிய மக்களின் காணிகளை பறித்து, அம்மக்களுக்கு எதிரான கொடுமைகளை புரியும் போது, அது குறித்து பாராமுகக் கொள்கையை கடைப்பிடித்து வரும் அமெரி க்கா, மற்ற நாடுகள் மீது மாத்திரம் கடுமையான முறையில் நட ந்து கொள்வது சரிதானா என்பதை சிந்தித்து, இனிமேலாவது இத் தகைய தவறான போக்கை தவிர்த்துக் கொள்வது நல்லது.

அமெரிக்கா உலக அரங்கில் நடுநிலைக் கொள்கையை கடைப்பிடி த்து மனித உரிமை மீறல் குற்றம் இழைக்கும் நாடுகள் மீது பார பட்சமற்ற முறையில் கண்டனக்குரலை எழுப்பி அவற்றை தண்டி க்க எடுக்கும் முயற்சிகளை நாம் மனப்பூர்வமாக ஆதரிக்கின் றோம்.

அவ்விதம் அமெரிக்கா ஒரு நடுநிலைக் கொள்கையை சர்வதேச ரீதி யில் கடைப்பிடித்தால் உலகநாடுகள் அனைத்தும் அமெரிக்காவை தங்கள் உண்மையான தோழமை நாடு என்று ஏற்றுக் கொள்ள என்றுமே தயக்கம் காட்டப் போவதில்லை.

(தினகரன்)