தென்னை மரங்களை காப்பாற்றுவது மக்களின் கடமையாகும்

நாட்டு மக்களின் நாளாந்த உணவுத் தேவையின் பிரதான அங் கமாக விளங்கும் தெங்கு பொருட்களை தங்குதடையின்றி, நியாய விலைக்கு மக்களுக்கு பெற்றுக்கொடுக்கும் நோக்கத் துடன் தெங்கு அபிவிருத்தி மற்றும் மக்கள் பெருந்தோட்ட அபிவிரு த்தி அமைச்சு, 2010 ஆம் ஆண்டு முதல் 2012 ஆம் ஆண்டு வரை யில் 10 மில்லியன் தென்னங் கன்றுகளை நாட்டுவதற்கான பாரிய திட்டமொன்றை நடைமுறைப்படுத்தி வருகிறது.

இதனடிப்படையில் 2016 ஆம் ஆண்டில், 32 மில்லியன் தென்னங் கன்று கள் நாடெங்கிலும் நாட்டப்படும். தென்னை மரம் மக்களுக்கு பல் வகையில் பயன்படும் ஒரு சிறந்த மரம். நாளாந்த சமையலுக்குத் தேவை யான தேங்காயையும், மக்களின் உடல் நலத்திற்கு அருமருந்தாக இரு க்கும் இளநீரையும் தென்னை மரங்கள் தருகின்றன.

இவை எல்லாவற்றையும் விட தென்னை மரங்கள் மனிதர்கள் குடியி ருக்கும் வீடுகளைக் கட்டுவதற்கும் பயன்படுத்தப்படுகின்றன. வீட்டுக் கூரைகளை போடுவதற்கு மட்டுமன்றி, வீட்டுக்குத் தேவையான தள பாடங்களையும் தென்னை மரங்களின் மூலம் மக்கள் தயாரிக்கிறார் கள். ஏழைகளின் குடிசைகளுக்குக் கூரையாக தென்னோலை வேயப் படுகின்றன. வீட்டையும், தோட்டத்தையும் சுத்தப்படுத்துவதற்காக தும் புக்கட்டை, விளக்குமாறு போன்றவையும் தென்னை மரத்திலிருந்து தயாரிக்கப்படுகின்றன.

கோயில்களிலும், விகாரைகளிலும், தேவாலயங்களிலும், வழிபாடல்களின் போது, விளக்குகளை எரிய வைப்பதற்கும் தேங்காய் எண்ணெய் மாத்திரமே பயன்படுத்தப்படுகின்றன. இவ்விதம் மனிதனின் நெருங் கிய நண்பனாக விளங்கிவரும், தென்னை மரங்கள் இன்று மனித னால் புறக்கணிக்கப்படுகின்றன. தென்னந்தோட்டங்களின் உரிமையா ளர்கள் அவற்றைப் பராமரிப்பதற்கான செலவும், உரத்திற்காக செல விடும் பணமும் அதிகரித்து வருகிறது என்று கூறி, தென்னந்தோட் டங்களை இன்று கூறுபோட்டு ஏல விற்பனைகள் மூலம் காணித் துண்டுகளாக வீடுகளைக் கட்டுபவர்களுக்கும், ஹோட்டல்களை நிர் மாணிப்பவர்களுக்கும் விற்று வருகிறார்கள்.

இனிமேலும் இந்த நிலை நீடித்தால், நாட்டின் தேவைக்கான தேங்காயை இந்தியாவின் கேரள மாநிலத்திலிருந்து தருவிக்க வேண்டிய அவசி யம் ஏற்படலாம் என்று தென்னந்தோட்டங்களை நிர்வகிப்பதில் அனு பவமிக்கவர்கள் இப்போது எச்சரிக்கை செய்ய ஆரம்பித்துள்ளார்கள்.

இந்த நிலையை மாற்றுவதற்காக தெங்கு அபிவிருத்தி மற்றும் மக்கள் பெருந்தோட்ட அபிவிருத்தி அமைச்சர் ஜகத் புஷ்பகுமார தேசிய ரீதியில் தென்னங் கன்றுகளை நாட்டும் திட்டங்களை அங்குரார்ப் பணம் செய்த வண்ணம் இருக்கிறார்.

இத்திட்டத்தின் ஓர் அங்கமாக யிளிசி ஆஸ்பத்திரி வளவில் அமைச்சர் புஷ்பகுமார சுகாதார அமைச்சின் அனுசரணையுடன் 500 மேற்பட்ட தென்னங் கன்றுகளை நாட்ட இருக்கிறார். உள்ளூரில் வீட்டுத் தேவைகளைப் பூர்த்தி செய்வதற்காக வருடாந்தம் 3500 மில்லியன் தேங்காய்கள் தேவைப்படுகிறது என்று தெரிவித்த அமைச்சர், இன்று நாம் 2400 முதல் 3000 மில்லியன் தேங்காய்களை வருடா வருடம் உற்பத்தி செய்கிறோம் என்றும் சுட்டிக் காட்டினார்.

தென்ன மரங்களுக்குத் தேவையான உரத்தை மானிய விலையில் மக்க ளுக்கு விற்பனை செய்வதன் மூலம், தென்னை மரங்களை செழிப் பாக வளர்த்து, அதன் மூலம் கூடுதலான உற்பத்தியை பெற முடியும் என்று அமைச்சர் நம்பிக்கை வைத்திருக்கிறார். அமைச்சரின் இந்த திட்டங்கள் காலப் போக்கில் வெற்றியடையும் போது, 2016 ஆம் ஆண்டில் 4000 மில்லியன் தேங்காயை வருடமொன்றுக்கு உற்பத்தி செய்யக் கூடியதாக இருக்கும் என்று எதிர்பார்க்கப்படுகிறது.

தற்போது, இலங்கையில் ஒரு மில்லியன் ஏக்கர் காணியில் தென்னை மர ங்கள் வளர்க்கப்படுகின்ற போதிலும், 1 ஏக்கர் காணியில் 40 தென்னை மரங்கள் மாத்திரமே இருக்கின்றன என்று சுட்டிக்காட்டப்படுகின்றது. தென்னந் தோட்டங்களிலிருந்து கூடுதலான உற்பத்தியை பெற வேண்டுமாயின், 1 ஏக்கர் காணியில் குறைந்த பட்சம் 67 தென்னை மரங்களையாவது வளர்ப்பது அவசியமாகும்.

தென்னை மரங்கள் நாட்டின் தேசிய பொருளாதாரத்தை வளர்ச்சியடை யச் செய்வதற்கு ஒரு பெரும் பங்களிப்பை கடந்த காலத்தில் வகித்து வந்தது. அதனால் தான் தேயிலை, றப்பர், தென்னை ஆகியவற்றை அன்று நாம் காசுப் பயிர்கள் என்று அழைத்து, அவற்றின் முக்கியத் துவத்தை வெளிப்படுத்தினோம்.

1970ஆம் ஆண்டு தசாப்தத்தின் ஆரம்பத்தில் லங்கா சமசமாஜ கட்சி யைச் சேர்ந்த அனுபவமிக்க அரசியல்வாதியான டொக்டர் கொல் வின் ஆர்.டி சில்வா, பெருந்தோட்ட அபிவிருத்தி அமைச்சராக இரு ந்த கால கட்டத்தில் தென்னை மரங்கள் ஒரு கொடிய நோயினால் பாதிக்கப்பட்ட காரணத்தினால் பல்லாயிரக்கணக்கான தென்னை மரங் கள் நாட்டில் வெட்டப்பட்டு பேரழிவை எதிர்நோக்கியிருந்தன.

அப்போது, அமைச்சர் கொல்வின் ஆர் டி சில்வா தென்னை மரங்களை காப்பாற்றுவதை ஒரு தேசிய போராட்டமாக முன்னெடுத்துச்சென்று வெளிநாட்டு உதவிகளுடன் 6 மாதங்களில் தென்னை மரங்களை பிடித்திருந்த அந்த நோயை முற்றாக அழித்துவிடும் சாதனையையும் ஏற்படுத்தினார். அதனால் தான் இன்றும் தென்னை மரங்கள் நாட்டின் நாலா பக்கங்களிலும் செழிப்பாக தலைநிமிர்ந்து நிற்கின்றன.

பொதுமக்களாகிய நாம் கூடிய வரையில் தென்னை மரங்களை பாதுகாப் பதற்கு அக்கறை எடுக்க வேண்டும். தவிர்க்க முடியாத காரணங்களு க்காக மாத்திரமே தென்னை மரங்களைத் தறிக்க வேண்டும் என் பதை புரிந்துகொண்டு செயற்பட்டால், தென்னை பல நூற்றாண்டுகளு க்கு மனித சமுதாயத்திற்கு தனது பங்களிப்பை வழங்கும் என்பது திண்ணம்.