நடந்து முடிந்த தேர்தல் அரசாங்கத்துக்கும் பாராளுமன்ற ஜனநாயகத்துக்கும் கிடைத்த வெற்றியாகும்

நடந்து முடிந்த உள்ளூராட்சி மன்றத் தேர்தல் ஜனாதிபதி மஹிந்த ராஜபக்ஷ அவர்களுக்கும், அவரது தலைமையிலான ஐக்கிய மக்கள் சுதந்திர முன்னணிக்கும் நாட்டின் பாராளுமன்ற ஜனநாயக சம்பிரதாயங்களுக்கும் கிடைத்த ஒரு மாபெரும் வெற்றியாகும். 30 ஆண்டு காலம் பயங்கரவாதிகளின் கோரப்பிடியில் சிக்கி ஜனநாயக உரிமைகளையும், சுதந்திரமாக வாக்களிக்கும் உரிமையையும் இழந்து துன்பதுயரத்தில் ஆழ்ந்திருந்த எங்கள் நாட்டு மக்கள் இன்று சுதந் திர பிரஜைகளாக தாங்கள் விரும்பிய கட்சியை அல்லது வேட் பாளரை தெரிவுசெய்யும் பூரண உரிமையை பெற்றிருக்கிறார்கள். இந்த வாய்ப்பு வடபகுதி மக்களுக்கு ஜனாதிபதி அவர்களின் நேர்மை யான தலைமைத்துவத்தின் மற்றும் சிறந்த ஆளுமை மூலமே கிடைத்தது.

இதுபற்றி ஒரு தடவை கருத்துத்தெரிவித்த ஜனாதிபதி, வடபகுதியில் எந்தக் கட்சி வெற்றியீட்டினாலும், எந்தக் கட்சி தோல்வியடைந் தாலும் நான் அதைப்பற்றி அதிகம் பொருட்படுத்தப்போவதில்லை. மக்கள் தாங்கள் விரும்பியவர்களை தெரிவுசெய்திருப்பது ஜன நாயக உரிமைகளுக்கு கிடைத்திருக்கும் சிறந்த அங்கீகாரமாகும்.

எனது இந்த இலட்சியக் கனவை நிறைவேற்றும் முகமாக வட பகுதியில் நீதி, நியாயமான பக்கசார்பற்ற ஒரு தேர்தலை ஆயுதப் படையினரின் அச்சுறுத்தலோ தலையீடோ இன்றி எனது அரசாங் கம் வெற்றிகரமாக நடத்திமுடித்திருக்கிறது என்று தெரிவித்தார்.

தமிழ் மக்கள் 30 ஆண்டு காலமாக பிரச்சினைகளை எதிர்நோக்கி துன்ப துயரத்தில் ஆழ்ந்திருந்தமைக்கு தமிழ்த் தலைவர்கள் தங்கள் அர சியல் இலாபத்துக்காக இன உணர்வையும், இனப்பிரச்சினையை யும் தூண்டிவிடுவதற்கு எடுத்த முயற்சிகளே பிரதான காரண மாகும். அவைதான் காலப்போக்கில் புரையோடி இறுதியில் ஒரு படுபயங்கரமான பயங்கரவாத யுத்தமாக உருவாகியது.

கடந்த காலத்தில் இத்தகைய பாடங்களை தமிழ் அரசியல்வாதிகள் நன்கு கற்றுக்கொண்டிருந்த போதிலும், அவர்கள் இந்தத் தடவை யும் இனவாதத்தை தூண்டிவிட்டு, ஜனாதிபதி அவர்கள் எங்கள் நாட்டை வடக்கு கிழக்கு, தெற்கு, மேற்கு என்று பிரதேச பேத மின்றி அபிவிருத்தி செய்வதற்கு இந்தத் தேர்தலில் முன்வைத்த கொள்கைகள் நிறைவேற்றப்படுவதைத் தடுப்பதற்கு தேர்தல் காலத் தில் இனவாதத்துக்குத் தூபமிட்டனர். எனினும், அரசாங்கத்தைப் பொறுத்தவரையில் அந்த முயற்சி எவ்வித கொள்கைமாற்றத்தையோ தாக்கத்தையோ ஏற்படுத்தவில்லை.

நான் இலங்கை முழுவதற்கும், இந்நாட்டு மக்கள் அனைவருக்கும் ஜனாதிபதியாகவிருந்து சேவையாற்றி வருகிறேன். நாட்டுமக்களின் நல்வாழ்வே எனது முதல் கடமையாகும். மக்கள் அரசாங்கத்தை ஆதரித்தாலும் அல்லது எதிர்த்தாலும் நான் எவ்வித பாரபட்சமு மின்றி எனது நற்பணிகளை அவர்களுக்கு தொடர்ந்தும் செய்வேன் என்றும் ஜனாதிபதி மஹிந்த ராஜபக்ஷ அவர்கள் உறுதியாக அறி வித்திருப்பது இந்நாட்டுமக்களாகிய எங்கள் அனைவருக்கும் பெரும் மகிழ்ச்சியை அளிக்கும் ஒரு விடயமாகும்.

இந்தத் தேர்தல் முடிவுகள் அரசாங்கத்துக்குத் தென்னிலங்கையிலும் வடஇலங்கையிலும் ஒரு மாபெரும் வெற்றியை அளித்துள்ளது. கடந்த தேர்தல்களில் கிடைத்த வாக்குகளைவிட அரசாங்கக் கட்சி க்கு இந்தத் தடவை பலமடங்கு கூடுதலாக வாக்குகள் கிடைத்துள் ளன.

உதாரணமாக கடுவல நகரசபைக்கான தேர்தலில் கடந்த தடவை அரசாங்கக் கட்சிக்கு 52 ஆயிரம் வாக்குகள் கிடைத்தபோதிலும் இந்தத் தடவை அது 60 ஆயிரமாக அதிகரித்துள்ளது. இதே உள் ளூராட்சி மன்றத் தேர்தலில் கடந்த தடவை 21 ஆயிரம் வாக்கு களைப் பெற்ற ஜே.வி.பி. இந்தத் தடவை 3 ஆயிரம் வாக்குகளை மாத்திரம் பெற்று படுதோல்வியடைந்துள்ளது.

இந்தத் தேர்தலில் அரசாங்கக் கட்சிக்கு வெற்றியைத் தவிர தோல்வி க்கு முகம்கொடுக்கும் சந்தர்ப்பம் ஏற்படவில்லை. ஆயினும் ஐக்கிய தேசிய கட்சியினரும், ஜே.வி.பி.யினரும் இத்தேர்தலில் படுதோல்வி யடைந்து மக்களால் குப்பைக்கூடைக்குள் தூக்கி எறியப்பட்டுள் ளார்கள்.

அரசாங்கக் கட்சிக்கு அடுத்தபடியாக இலங்கை தமி ழரசுக் கட்சி இந்தத் தேர்தலில் 18 உள்ளூராட்சி மன்றங்களிலும் தமிழர் விடுதலைக் கூட்டணி 2 உள்ளூராட்சி மன்றங்களிலும் அதிகாரத்தைக் கைப்பற்றி உள்ளன.

இந்தத் தடவை நடைபெற்ற 65 உள்ளூராட்சி மன்றத் தேர்தல்களில் ஒட்டுமொத்தமாக 45 உள்ளூராட்சி மன்றங்களில் அரசாங்கக் கட்சி அதிகாரத்தை கைப்பற்றி இலங்கை மக்களின் தன் நிகரற்ற அரசியல் கட்சியாக உயர்ந்துள்ளது.

இந்தத் தேர்தல் முடிவுகுறித்து மனமகிழ்ச்சி அடைந்துள்ள ஜனாதிபதி அவர்களும் அரசாங்கமும் தொடர்ந்தும் தங்களுடைய அபிவிருத் திப் பணிகளை வட இலங்கையில் தங்குதடையின்றி மேற் கொள்ளுமென்று நாம் அசையாத நம்பிக்கை கொண்டுள்ளோம்.

(தினகரன்)