ஐ.தே.க., ஜே.வி.பியும் சிந்தித்து செயல்படுவது அவசியமாகும்

இந்நாட்டின் தன்னிகரற்ற தலைவர் மஹிந்த ராஜபக்ஷ அவர்கள் என்பதை கடந்த சனிக்கிழமை நடைபெற்ற 65 உள்ளூராட்சி சபை களுக்கான தேர்தல் முடிவுகள் மூலம் மக்கள் வழங்கிய ஆணை உறுதிப்படுத்தியுள்ளது. 2005ம் ஆண்டில் நடைபெற்ற ஜனாதிபதித் தேர்தலில் வெற்றிவாகை சூடி இந்நாட்டின் வரலாற்றில் தென்னிலங்கையில் இருந்து தோன் றிய ஒரு உதய சூரியனாக பிரகாசித்துக் கொண்டிருக்கும் ஜனாதி பதி மஹிந்த ராஜபக்ஷ அவர்களுக்கு அன்றிலிருந்து தொடர்ச்சி யாக மக்களின் வாக்குகளின் எண்ணிக்கை ஒவ்வொரு தேர்தலிலும் அதிகரித்து வருகின்றதை அவதானிக்கும் எவரும் ஒரு தேசத் தலைவரின் நேர்மையான ஆளுமையும் பாரபட்சமற்ற நிர்வாக முமே இதற்கான பிரதான காரணமென்று சான்று பகர்வார்கள்.

தேர்தலுக்கு தேர்தல் ஜனாதிபதி அவர்களின் அரசாங்கத்திற்கு அதி கரித்து வரும் மக்கள் ஆதரவு இன்றைய அரசாங்கத்தின் நல்லாட் சிக்கு அளிக்கும் ஒரு அங்கீகாரமாக இருக்கின்றது.

பொதுவாக இடைநடுவில் உள்ளூராட்சி மன்றத் தேர்தல்கள், மாகாண சபைத் தேர்தல்கள் அல்லது இடைத் தேர்தல்கள் நடைபெறும் போது அரசாங்க கட்சிக்கு எதிர்ப்பைக் காட்டும் முகமாக எதிர்த்து வாக்க ளிப்பதுண்டு. இத்தகைய உள்ளூராட்சி மன்றத் தேர்தல்களினால் அரசாங்கத்தை பதவி நீக்கம் செய்ய முடியாவிட்டாலும் அரசாங் கத்திற்கு எதிரான மக்களின் எதிர்ப்பை வலுப்படுத்துவதற்கு பொதுவாக எதிர்க்கட்சிகள் பெருமளவு பணத்தை இத்தகைய தேர் தலுக்கு செலவழித்து வெற்றிபெறுவதற்கான பெரு முயற்சிகளில் ஈடுபடுவதுண்டு.

ஜனாதிபதி மஹிந்த ராஜபக்ஷவின் அரசாங்கம் வெற்றியடைந்து அதி கார பீடத்தில் அமர்வதற்கு முன்னர், இருந்த அரசாங்கங்கள் அனைத் திற்கும் எதிராக எதிர்க் கட்சியினர் மேற்கொண்ட எதிர்ப்பு ஆர்ப் பாட்டங்கள் பெரும் வெற்றி அடைந்து அரசாங்கக் கட்சியை பல்வேறு சந்தர்ப்பங்களில் பலவீனப்படுத்தியிருக்கிறது.

இது வரலாறு. ஆனால், இன்று ஜனாதிபதி மஹிந்த ராஜபக்ஷவின் அரசாங்கம் மக்களின் பேராதரவினால் மிகவும் வலுப்பெற்று, நல்லாட்சி புரிந்து வருவதனால் எதிர்க் கட்சியினரின் போலிப் பிரசாரங்களுக்கும் அவர்கள் வீசியெறியும் பணத்திற்கும் மக்கள் தங்கள் வாக்குரிமையை விட்டுக் கொடுக்காமல், சொல்வதை செய் வேன் செய்வதை சொல்வேன் என்று பகிரங்கமாக அறிவிக்கும் இன்றைய தலைவரின் மீது மக்கள் அசையாத நம்பிக்கையையும் விசுவாசத்தையும் வைத்து அரசாங்கக் கட்சியை ஆதரித்து வாக் களித்த அதே வேளையில், ஐக்கிய தேசிய கட்சியையும், தென் னிலங்கை சிங்களவர்களின் பிள்ளைகள் என்று தங்களை பறை சாற்றிக் கொள்ளும் ஜே.வி.பியினரையும் படுதோல்வியடையச் செய்து அவர்களை செல்லாக்காசாக்கி, அரசியல் குப்பைக் கூடைக்குள் இன்று வீசியெறிந்து விட்டார்கள்.

ஜனாதிபதியின் இன்றைய அரசாங்கத்திற்கு எதிராக, தரம் குறைந்த எரிபொருளை விநியோகித்தார்கள். ஹெஜின் வங்கி மோசடி, விலை வாசி உயர்வு, மனித உரிமை மீறல் போன்ற பலதரப்பட்ட போலிக் குற்றச் சாட்டுக்களை சுமத்தி, மக்கள் ஆதரவை இந்தத் தேர்தலில் பெறுவதற்கு எடுத்த முயற்சிகள் அனைத்துமே மக்களின் வாக்குப் பலம் என்ற ஒரு சக்தி தவிடு பொடியாக்கிவிட்டது.

எனவே, இனிமேலாவது ஐக்கிய தேசியக் கட்சியினரும், ஜே.வி.பி. யினரும் யதார்த்தம் எதுவென்பதை புரிந்துகொண்டு, புத்திசாலித் தனமாக தங்கள் எதிர்கால அரசியல் செயற்பாடுகளை மக்களை ஏமாற்றாத வகையில் மேற்கொள்வது மிகவும் அவசியமாகும். அவ் விதம் செய்தால் சில சந்தர்ப்பங்களில் மக்கள் அவர்கள் மீது பாவம் பார்த்து ஏதாவது சில உள்ளூராட்சி மன்றங்களில் ஓரிரு ஆசனங் களை வெற்றி பெறுவதற்காக ஆதரவளிக்கும் வாய்ப்பும் ஏற்படலாம்.

அதைவிட்டு வெறுமனே அரசாங்கத்தை தூசிக்கக்கூடிய முறையில் பகிரங்கமாக எதிர்க்கட்சியினர் நடந்தால் அவர்கள் மீதான மக்கள் எதிர்ப்பு வலுப்பெற்று அக்கட்சிகளின் வளர்ச்சிக்கு பெரும் பாதிப்பு ஏற்படுவது திண்ணம்.

அரசாங்கத்தை ஏதாவது தில்லுமுல்லுகள் செய்து வெளிநாட்டு நாசகார சக்திகளின் ஆதரவுடன் கவிழ்த்து விடுவதற்கு ஐக்கிய தேசியக் கட்சியின் தலைவர் ரணில் விக்கிரமசிங்க மேற்கொண்ட திருகு தாளங்கள் இனிமேலும் எடுபடப் போவதில்லை.

ஆகவே அவர் அரசாங்கத்திற்கு எதிரான பிரசாரங்களையும் எதிர்ப்பு நடவடிக்கை களையும் மூட்டை கட்டி வைத்துவிட்டு தனக்கு தனது கட்சிக்குள் இருக்கும் எதிர்ப்புக்களை தணித்துக் கொண்டு தனது தலைமைத் துவ ஆசனத்தை காப்பாற்றிக் கொள்வதில் முழுக்கவனத்தையும் செலுத்துவது அவசியமாகும்.

ரணில் விக்கிரமசிங்க அவ்விதம் கட்சியின் தலைமைத்துவத்தை மற்ற வர்களிடமிருந்து காப்பாற்றிக்கொண்டால் 2016ம் ஆண்டில் நடை பெறவுள்ள ஜனாதிபதித் தேர்தலில் இன்றைய ஜனாதிபதி மஹிந்த ராஜபக்ஷவை எதிர்த்து போட்டியிட்டு மீண்டுமொரு தடவை படு தோல்வியடைந்தவர் என்ற சாதனையை ரணில் விக்கிரமசிங்க வினால் எமது நாட்டின் வரலாற்றுப் புத்தகங்களில் பதித்துக் கொள்ள முடியுமென்பதை நாம் ஞாபகப்படுத்த விரும்புகிறோம்.

இதே யோசனையை நாம், இன்று நாடெங்கிலும் மக்கள் ஆதரவை இழந்து ஒதுக்கப்பட்டு வரும் ஜே.வி. பியினருக்கும் தெரிவித்துக் கொள்ள விரும்புகிறோம். தொடர்ந்தும் இதே போக்கில் ஜே.வி.பி. செயற்பட்டால் அக்கட்சி வெறுமனே அறிவிப்பு பலகைகளை மாத்திரம் கொண்டிருக்கும் மக்களால் முற்றாக புறக்கணிக்கப்பட்ட ஒரு கட்சியாக மாறுவதற்கான வாய்ப்புகள் அதிகம் இருக்கின்றது என்பதையும் நினைவுபடுத்த விரும்புகிறோம்.

(தினகரன்)