ஞாபகம் வருதே! ஞாபகம் வருதே! பழைய ஞாபகம் வருதே! தலைவா..!-

(கி.பாஸ்கரன்)

வருடாவருடம் வெகுவிமர்சையாக, எங்கள்   ‘சூரியதேவன்’ பிரபாகரனுக்கு    ‘பொங்கு தமிழ் விழா’ எடுத்து பொங்கி மகிழும் புலம்பெயர்  வாழ்  சூரிய தேவனின் பக்தர்கள் கடந்த இரண்டு வருடங்களாக இவ் விழாவை செய்யாமல் கைவிட்டுள்ளனர்.காரணம் என்னவென்பதை அவர்கள் உத்தியோக பூர்வமாக அறிவிக்கவுமில்லை.  அதை பற்றியும்   எதுவும் பேசவும் மறுக்கிறார்கள்.  தமிழ் மக்களை (மக்குகளை) ஒன்று திரட்டுகின்ற ஓர் நல்ல விழாவாக பல காலங்களாக நடந்த இவ்விழா  திடீரென  ஏன் நிறுத்தப்பட்டது?  என்பதை சம்பந்தப்பட்டவர்கள்   அறியத்தந்தால்  நல்லது.

நாங்கள் அறிந்தவரை ‘சூரியன்தேவன்’ மறைந்திருப்பதாக தமிழ் நாட்டில் உள்ள ‘சுவாமிகள்’ சொல்லிக்கொண்டிருக்கிறார்கள்.  உண்மையில் சூரியதேவன் மறைந்திருக்கிறாரா? அல்லது  மறைந்தேபோய்விட்டாரா?   என்பது  புரியாத  புதிராகவேயுள்ளது.  சூரியதேவன்  உதயமாவார் என புல்லுகள், பூண்டுகள்  கூட  ஆவலுடன்  எதிர்பார்த்துக்கொண்டிருக்கிறார்கள்  என்பதை  ‘சூரியன்தேவன்’ அறியாரோ?

கடைசியாக,  ஐரோப்பிய    நாடாளுமன்றத்திற்கு  விஐயம்  செய்த   பிரபாகர  சுவாமியின்  சீடனான   ‘கோபால சாமி’ என்பவர்  கூறுகையில்……

‘மாவீரர்களின்   ஆவிகள் யுத்தத்துக்கு எழுந்து விட்டனவாம்,  உருவிய வாளோடும் (துப்பாகியோடு செய்தவர்கள் வாளோடு வருகிறார்களாம்) வருகிறார்களாம்,  ஐ.நா. சபைக்கு  எங்கள் தமிழ் ஈழ தேசக் கொடியும் பறக்கபோகிறது…. என்றுசொல்லியிருக்கிறார்’ .

பிரபாகரன் காலத்தில் ‘தமிழீழம்’ அமையும் என்றார்கள். இப்பொழுது இறந்த மாவீரர்கள் யுத்தம் செய்து தமிழீழத்தை அமைத்து தருவார்கள் என பிரபாகரனின் சீடர்கள் சொல்லுகிறார்கள்.    (செத்தவனையே   உயிருடன்   இருக்கிறான்    என்று  சொன்னால்  கூட   நம்பக்கூடிய   மடமைகள்  இருக்கும் போது   வைக்கோ சாமி போன்றவர்கள்   எப்படியும்  பேசலாம்)

மாவீரர்கள் தமிழீழத்தை அமைத்துத் தந்தால் என்ன, மாவீரர்களின் ஆவிகள் தமிழீழத்தை அமைத்து தந்தால் என்ன ‘தமிழீழம்’ கிடைத்தால் நல்லதுதான் ஆனால் கிடைக்குமா?

‘கிடைக்கும் என்றால் கிடைக்காது கிடைக்காது என்றால் கிடைத்துவிடும்’.

‘சூரியதேவன்’ பிரபாகரன் தமிழீழத்தை  அமைத்து  தரமுன்னரே, அவரின்  பக்தகோடிகள்,  அவரின் படத்துடன்  எப்படி, எப்படியொல்லாம் காவடியெடுத்தார்கள்  என்பதை  உலகத் தமிழினம்  இன்னும்  மறந்திருக்காது  என  நினைக்கின்றேன்.

ஆனால்  எங்கட ‘சூரியதேவன்’ பிரபாகரன்   ஒரு வேளை  தமிழீழத்தை  பிரசவம்  பண்ணியிருந்திருந்தால், அவரை  அவரின்  பக்தர்கள்  எப்படியெல்லாம்  தலையில்  தூக்கிகொண்டு  திரிந்ருப்பார்கள்  என்பதை காணொளி  காட்சியில்   பார்க்க  விரும்புகிறீர்களா?

இந்த   காணொளியை முழுமையாக  பாருங்கள்… இந்த காணொளியில்   காணப்படுகின்ற பக்தகோடிகள்  போன்றவர்கள் தான்  சூரிய தேவன் பிரபாகரனையும் ஆதரித்தவர்கள்.  இந்த  மாதிரியான மனிதர்களுக்கு   நாடு  கிடைக்குமா?  என்பதை  நீங்களே   பார்த்த பின்  முடிவெடுங்கள்.

காணொளியை  இணைப்பு