கட்சிகளின் புனரமைப்புப் பணிகளும் மாகாண சபைத் தேர்தல்களும்

வடமத்திய மற்றும் சப்ரகமுவ மாகாண சபைகளை கலைத்து அவற்றுக்கான தேர்தல்களை செப்டம்பரில் நடத்துவதென தீர்மானிக் கப் பட்டுள்ளது. குறித்த சபைகள் கலைப்பு மற்றும் முற்படுத்தப்படுகின்ற தேர்தல்களுக் கான காரணம் எதிர்வரும் செப்டம்பர் மாதத் தில் ஜெனீவாவில் மனித உரிமைகள் ஆணைக்குழுவின் அமர்வுகள் இடம் பெறு கையில் அரசாங்கத்தின் மக்கள் செல்வாக்கை எண்பிப்பதே என்று தெரிவிக்கப்பட்டது.

சம்பந்தப்பட்ட நோக்கத்துக்காக வாக் கெடுப்பு இடம்பெறவுள்ள மாவட்டங் களான அநுராதபுரம், பொலநறுவை, திருமலை, மட்டக்களப்பு, அம்பாறை, இரத்தினபுரி போன்ற மாவட்டங்களில் சுதந்திரக்கட்சியின் புனரமைப்புப்பணி களை முடுக்கிவிட்டும், துரிதப்படுத்தியும் நகர்த்தல் நடவடிக்கைகள் நடந்து முடிந்துள்ளதாகவும் நடந்துகொண்டிருப்ப தாகவும். விளக்கமளித்த சுதந்திரக்கட்சி முக்கியஸ்தர் ஒருவர் சுதந்திரக்கட்சியை மீள்ஏற்பாடுசெய்தல், மற்றும் புதிய அங்கத்தவர்களை இணைத்துக்கொள்தல் போன்ற செயற்பாடுகள் திட்டமிட்டப் படி குறித்த அந்தந்த மாவட்டங்களில் கிரமமாக இடம்பெற்றுவருவதாக கூறினார்.

செல்வாக்கும், பரீட்சிப்பும்

அரசாங்கம் தனது மக்கள் செல்வாக்குத்தளம் சரிவு இன்றி காணப்படுகின்றது. அல்லது பதவியில் இருக்கும் 07 வருடங்களுக்கும் பிறகும் செல்வாக்கு பெருகியுள்ளது என்பதை ஓர் அளவு கோலாக தேர்தல் முடிவுகளை பயன்படுத்தி இலங்கையின் உள்விவகாரங்களில் தலையிடுவதை நிறு த்துமாறு சர்வதேச சமூகத்துக்கு ஒரு தக வலை வழங்க எதிர்பார்ப்பதாக அரசி யல் வட்டாரங்கள் தெரிவிக்கின்றன. செ ப்டம்பரில் ஐ.நா மனித உரிமை ஆணை க்குழு ஜெனீவாவில் இலங்கையின் மனித உரிமைநிலமைகள் தொடர்பாக மீள்பரிசீலனைக்கு எடுக்கும் அமர்வுகா லப் பகுதியை ஒத்து இணங்கக் கூடிய தாகவே தேர்தல் திகதி நிர்ணயிக்கப்ப டலாம் என எதிர்பார்க்கப்படுகிறது.

ஐ.நா மனித உரிமை ஆணைக்குழு நிகழ்ச்சி நிரலில் தற்போது இலங்கை ஒரு நிரந்தர அம்சமாகிப்போய்விட்டது. ராஜதந் திர ரீதியாக அணுகவேண்டியதை யார் பலசாலி என்பதை காண்பிக்க முனைவது போன்று உலக பளுக்களுடன் கூடிய அமைப்புக்களை உள்நாட்டு மாகாண நாடித் துடிப்புகளைக் கொண்டு மடக்கிப்போட இலங்கை முனைவதாக நோக்கர்கள் தெரிவிக்கின்றனர். ,அவ்வாறு வெற்றிய ளித்தால் கூட இலங்கைக்குப் பெருமையே.

ஜனாதிபதி தாய்லாந்து செல்ல முன்பு பொலநறுவையில் தொடராக நிகழ்ச்சிகள் பலவற்றில் பங்கேற்றார். ஐ.தே.க தலைவர் நியூஸிலாந்து பயணமாகுமுன்பு மட்டக்களப்புக்கு விஜயம் செய்தார். அங்கு மாவட்டத்தில் உள்ள கட்சியின் அமைப்பாளர்களுடன் கலந்துரையாடல்களை நடத்தினார். கடந்தகாலப்பகுதியில் மு.கா தலைவர் கிழக்கில் பல கூட்டங்களில் கலந்து கொண்டிருந்தார். காத்தான்குடிக்குசென்று அவர்திறந்து வைக்கவிருந்த மு.கா அலுவலகம் தீக்கிரையாக்கப்பட்ட தாகவும் செய்திகள் வெளியாகியிருந்தன. தமிழ் கூட்டமைப்பும் மட்டக்களப்பில் தமிழரசுக்கட்சி மாநாட்டை நடத்தியிருந்தது.

அமோகமும் வியூகமும்

அரசாங்கம் வகுத்துள்ள வியூகத்தில் வடமத்திய மற்றும் சப்ரகமுவ மாகாணங்கள் தேசியவாத சிந்தனைமிக்க மக்களைக்கொண்டது என்ற வகையில் அமோக வெற்றி பெறமுடியும் என்ற நம்பிக்கையில் தனது பயணத்தை ஆரம்பிக்கவுள்ளது. சப்ரகமுவ மாகாணத்தை எடுத்துக்கொண்டால் கேகாலை, இரத்தினபுரி மாவட்டங்களில் எதிர்க்கட்சிகள் தங்களது பிடியை இழந்துகாணப்படுவதால் ஆளும் கூட்டமைப்பு மாகாணத்தில் அதிகம் ஆதிக்கம்பெற்றிருப்பதன் நிமித்தம் அமோக வெற்றி பெறமுடியும் என்ற நம்பிக்கையில் முதல் கட்டத்தேர்தல்களுக்கு அந்தமாகாணம் தேர்ந்தெடுக்கப்பட்டிருக்கலாம். என்று அரசியல் ஆய்வாளர்கள் கூறுகின்றனர். இதே நிலைமையே அநுராதபுரம், பொலநறுவை மாவட்டங்களிலும் காணப்படுவதாக கூறப்படுகின்றது.

வடமத்திய மாகாண சபைக்கு கடந்த முறை நடத்தப்பட்ட தேர்தல் 2008 ஆம் ஆண்டு மே மாதம் 10ம் திகதி இடம்பெற்றது. மொத்தமான 33 ஆசனங்களில் 20 ஆசனங்கள் ஆளும்கூட்டமைப்புக்கும் ஐ.தே.கவுக்கு 12 ஆசனங்களும், ஜே.வி.பிக்கு ஒரு இடமும் கிடைத்தது. 37 ஆசனங்களைக் கொண்ட கிழக்கு மாகாண சபையைக் கைப்பற்றிய ஐ.ம.சு.கூட்டமைப்புக்கு கிடைக்கப்பெற்ற ஆசனங்களின் எண்ணிக்கை 20 ஆகும். ஐ.தே.க 15 இடங்களையும், தமிழ்ஐனநாயக தேசியமுன்னணி 01 இடத்தையும், ஜே,.வி.பி 01 இடத்தையும் பெற்றன. சப்ரகமுவ மாகாணசபையில் மொத்தமாகவுள்ள 44 ஆசனங்களில் ஜே.வி.பி. 02 ஆசனங்களையும், ஐ.தே.க 17 ஆசனங்களையும்பெற 25 ஆசனங்களை தமதாக்கிய ஆளும் கூட்டமைப்பு சபையைகைப்பற்றியது.

ஜனாதிபதியின் கருத்து

நாடு ழுமுவதும் அரசாங்கம், மக்களின் முழு நம்பிக்கையையும் தக்கவைத்துக் கொண்டுள்ளதால் தேர்தல்களுக்கு முகங்கொடுக்கத்தயார் என்று ஜனாதிபதி சமீபத்தில் தெரிவித்திருந்தார். எந்த மட்டத்திலும் தேர்தல்களை எதிர்கொள்வதில் கவலை கொள்வது எதிர்க்கட்சியே என்று சுட்டிக்காட்டிய ஜனாதிபதி பொதுமக்களின் நம்பிக்கையை வென்றெடுக்க முடியாததன் காரணமாக சட்ட வழிமுறைகளைக்கையாண்டு தேர்தல்களை ஒத்திவைக்கவேண்டுமென அல்லது உரிய காலத்துக்கு முன்பு நடத்தக்கூடாதென கட்டளைகளை பெற்றுக் கொள்ள எதிர்க்கட்சிகளின் பல்வேறு பிரிவினரும் முயற்சிப்பதாக தெரிவித்தார். கட்சிப்புனரமைப்புப் பணிகள் வாக்குகளை வென்றெடுக்கும் நோக்கங்கொண்டதல்ல.

(தொடரும்...)

பெரும்பான்மையானமக்கள் இந்த அரசாங்கத்துடனேயே இருக்கிறார்கள். ஆனால் இத்தகைய முன்னெடுப்புகள் கிராமத்தவர்கள் தங்களது பல்வேறு பிரச்சினைகளை தீர்த்துக்கொள்ளவும் தத்தமது பிரதேச அபிவிருத்திகளை துரிதப்படுத்திக்கொள்ளவும் ஓர் அரிய வாய்ப்பை வழங்கும் பயங்கரவாதத்தை தோற்கடித்து அமைதியை நிலைநாட்டிய பின்பு ஒரு பாரிய அபிவிருத்தி வேலைத்திட்டத்தை முன்னெடுத்திருப் பதையிட்டு அரசின் சாதனையையும், வெற்றியையும் எண்ணி பலரும் பெருமை கொள்ளும் தருணத்தில் சில பிரிவினர் சாதனைகளையிட்டு வேதனையும், பொறாமையும் கொண்டுள்ளதாக ஜனாதிபதி சுட்டிக்காட்டினார்.

அரசாங்கமானது வெற்றியையும் அபிவிருத்தியையும் ஏககாலத்தில் சுவைக்கிறது. நாடு ஏற்கனவே அரசியல் தன்னிறைவு கண்டுள்ளது. எதிர்காலத்தில் பால் உற்பத்தியிலும் தன்னிறைவுகாணும் உள்ளூர் பால் பண்ணையாளர்களை பாதுகாக்கும் நோக்குடனேயே இறக்குமதி செய்யப்படுகின்ற பால்மா மீது வரிவிதிக்கும் கட்டாயத்துக்கு அரசு தள்ளப்பட்டது என்பதை ஜனாதிபதி விபரித்தார். இது வெளிநாட்டு நாணயமாற்றை பெரியளவில் சம்பாதிக்க உதவும். மாணவர்களுக்கு நவீன தொழில்நுட்ப அறிவை வழங்கும் முக்கியத் துவத்தையும், அதன் நோக்கத்தையும் கைவி டவில்லை. ஏனைய பாடங்களுக்கு மேல திகமாக கணனி விஞ்ஞானம் மற்றும் ஆங் கில பாடங்களை கற்கும் வாய்ப்பை கிராம ப்புற பிள்ளைகளுக்கும் அரசு வழங்கி யுள்ளது.

ஒரு பன்மைத்தன்மை கொண்ட சமூகத்தில் சகல சமூகத்தவரும் அமைதியான முறையில் ஒன்றிணைந்து வாழக்கூடிய அபிவிருத்தி பொறிமுறையை கட்டி எழுப்பக்கூடிய அர்ப்பணிப்பை அரசாங்கம் கொண்டிருப்பதாக ஜனாதிபதி வலியுறுத்திக் கூறினார்.

புனரமைப்பு - புளகாங்கிதம்

கட்சிகள் பலவும் தத்தம் கட்சிப்புனரமை ப்பு பணிகளை மேற்கொள்கின்ற தொடர்நி கழ்வுகளிடையே, ஆளும் கூட்டமைப்பு ஐக்கிய மக்கள் சுதந்திரக்கூட்டமைப்பை பலப்படுத்துவதற்காக புனரமைப்புப்ப ணிகளை முன்னெடுக்காமல் சுதந்திரக்கட் சியை பலப்படுத்துவதற்காக புனரமைப்புப் பணிகளில் ஈடுபடுவதை அரசியல் நோக் கர்கள் குறிக்கோள் கண்கொண்டு நோக்கு கின்றனர்.

தீர்க்கம் - தீர்மானம்

அந்த வகையில் உத்தேச மாகாண சபைத்தேர்தல்கள்- அரசாங்கத்தின் செல்வாக்கை தீர்மானிப்பதேயன்றி அரசாங்கத்தை தீர்மானிப்பதல்ல என்ற வகையில் தனது கட்சியை மெருகூட்டுவதற்கும் தீர்க்கமான தருணமென்று ஆய்வாளர்கள் கருதுகின்றனர். தனது கட்சியின் சின்னமான யானைச்சின்னம் தொடர்பில் என்றும் அதிவிசுவாசம் கொண்ட ஐ.தே.க எதிர்வரக்கூடிய தேசியத் தேர்தல்களில் பொதுச்சின்னத்தை அறிமுகம் செய்வது தொடர்பில் தீவிரமாக கருத்தில் கொண்டுள்ளது.

இது இவ்வாறிருக்க சுதந்திரக்கட்சி பொதுச்செயலாளர் கருத்துக்கூறுகையில் கட்சி மறுசீரமைப்பு பணிகள் 2009 இல் முன்னெடுக்கப்பட்டன. அத்தகைய மற்றுமொரு நடவடிக்கைக்கு இக்காலம் தக்க தருணம் என எண்ணுகிறோம். இவ்வாறான மறுசீரமைப்பின் மூலம் எவ்வேளையிலும் எத்தகைய தேர்தலுக்கும் தயாராக உள்ளோம். இத்தகைய மறுசீரமைப்பு வேலைகள் திட்டமாக காலத்துக்கு முந்திய மாகாண சபைத்தேர்தல்களை குறிக்கோளாகக் கொண்டதல்ல என்றும் தெரிவித்தார்.

வேட்கையும் வேட்பாளர்களும்

உண்மையிலேயே தேர்தல்களை எடுத்துக் கொண்டால் சிற்சில வெறுக்கத்தக்க மனிதர்களையும் பிரதிநிதிகளாக்கி விடுகின் றது. பிரதிநிதித்துவ ஜனநாயகம் நிஜமாகவே நேரடியாக தீர்மானம் எடுப்பதை ஒரு குறிப்பிட்ட எண்ணிக்கையான பிரதிநிதிக ளிடம் பொறுப்பாக்கிவிடுகிறது. அத்தகைய பிரதிநிதிகளை தேர்ந்தெடுப்பதற்கு தேர்தல்கள் துணைநிற்பதாகவே பொருள்படுத்தப்படுகிறது.

அந்தவகையில் மக்கள் தேர்ந்தெடுப்பதற்கு தகுதியான பிரஜைகளை வேட்பாளர்களாக்கும் பொறுப்பு அரசியல் கட்சிகளையே சாரும். மக்களைப்பற்றிய கூடுதல் அக்கறை, நேர்மை, சட்டம் ஒழுங்கை மதிக்கும் மரியாதை கொண்ட, எடுத்துக்காட்டான பண்புகளையுடையோரையே வேட்பாளர்களாக நியமிக்கவேண்டும் என்பதே பலரதும் வேட்கையாகும்.

சட்டத்தரணி
இஸ்மாயில்
பி. மஆரிஃப்
(தலைவர் சுயாதீன தேசிய முன்னணி (ஐநா)