அரசியல் கட்சிகள் நற்பண்பாளர்களை வேட்பாளர்களாக நியமிக்க வேண்டும்

ஒரு தார்மீக சமுதாயத்தை ஒரு நாட்டில் ஏற்படுத்துவதற்கு மாதா, பிதா, குரு, மற்றும் சமூகத் தலைவர்களின் முன்மாதிரியும், நல்வழிகாட்டல்களும் அவசியம் என்று முதாதையர் கூறுவார் கள். இவர்களுடன் அரசியல் தலைவர்களும் கீழ் மட்டத்தில் உள்ள உள்ளூராட்சி மன்றங்களின் பிரதேச ரீதியிலான தலைவர் களும் ஒரு நாட்டில் தார்மீக சமுதாயம் ஒன்றை கட்டியெழுப்பு வதற்கு தங்களின் பூரண பங்களிப்பையும் ஆதரவையும் அளிப் பது அவசியமாகும். இவ்விதம் அரசியல்வாதிகள் மக்களுக்கு முன்மாதிரியாக இருந்து நாட்டில் வன்முறை அற்ற அமைதியான தார்மீக சமுதாயத்தை கட்டியெழுப்புவதற்கு உதவி செய்வதாயின், அரசியல்வாதிகள் அப்பழுக்கற்ற நேர்மையான வாழ்க்கையை நடத்துபவர்களாக இருக்க வேண்டும். அத்தகைய அதி உன்னதமானவர்களையே மக்கள் தங்கள் தலைவர்களாக ஏற்றுக் கொண்டு அவர்களின் வழியில் தேசப்பற்றுடன் நாட்டின் மேம்பாட்டுக்காக உழைப்பார்கள்.

அரசியல்வாதிகளை எவ்விதம் நல்லவர்களாக மாற்ற முடியும் என்ற கேள்விக்கு ஒரு இலகுவான பதில் இருக்கிறது. அரசியல் கட்சித் தலைவர்கள் குற்றம் இழைக்காத நல்லவர்களை தேர்ந்தெடுத்து தங்கள் கட்சியின் சார்பில் தேர்தலில் போட்டியிடும் வேட்பாளர் களாக நியமிப்பதே இதற்கான சிறந்த வழியாகும்.

குற்றவியல் சட்டக் கோவையின் கீழ் நீதிமன்றத்தினால் தண்டிக்கப் பட்டவர்கள், பெண்களை மானபங்கப் படுத்தியவர்கள், புதையல் களைத் தோண்டி கொள்ளை இலாபம் அடிப்பவர், வன்முறையில் ஈடுபட்டதனால் நீதிமன்றத்தினால் தண்டனை பெற்றவர்கள், ஒன்று க்கு மேற்பட்ட திருமணங்களைச் செய்தவர்கள், கொலை கொள்ளை சம்பவங்களில் தொடர்பு உடையவர்கள் ஆகியோரை இனங்கண்டு, வேட்பு மனுவைத் தாக்கல் செய்பவர்கள் கோடீஸ்வரர்களாகவோ அல்லது ஏழைகளாக இருந்தாலும் எவ்வித பாரபட்சமும் காட் டாமல் அத்தகைய விண்ணப்பதாரிகளுக்கு தங்கள் கட்சியின் சார்பில் வேட்பு மனுக்களை தாக்கல் செய்வதற்கு அரசியல் கட்சி கள் அனுமதிக்கலாகாது.

இந்த நடைமுறை உள்ளூராட்சி மன்றத் தேர்தல்கள், பிரதேச சபைத் தேர்தல்கள், மாகாண சபைத் தேர்தல் கள், பாராளுமன்றத் தேர்தல்களில் ஒவ்வொரு அரசியல் கட்சி களும் நேர்மையான முறையில் கடைபிடிப்பது அவசியமாகும். இவ்விதம் நல்ல நேர்மையான நற்குணசீலர்களை ஒவ்வொரு அரசியல் கட்சியும் சல்லடை போட்டு தேர்ந்தெடுக்க வேண்டும்.

அவ்விதம் நல்லவர்களை அரசியல் கட்சிகள் தேர்ந்தெடுத்தால் மக்கள் இந்த நல்ல மனிதர்களில் தங்களுக்கு சிறந்த சேவையை அளிக்கக் கூடியவர்களை இனம் கண்டு அவர்களை உள்ளூராட்சி மன்றங்களுக்கோ, பிரதேச சபைகளுக்கோ, மாகாண சபைகளுக்கோ அல்லது பாராளுமன்றத்துக்கோ தேர்ந்தெடுத்து அனுப்புவது இலகு வாக இருக்கும்.

இவ்விதம் நற்பண்பாளர்களை மக்கள் தங்கள் பிரதிநிதிகளாக நக ராட்சி மன்றங்கள், உள்ளூராட்சி மன்றங்கள், பிரதேச சபைகள் மாகாண சபைகள் மற்றும் பாராளுமன்றங்களுக்கு தேர்ந்தெடுத்து அனுப்பும் போது பாராளுமன்றம் உட்பட இந்த ஆட்சிமன்றங் களில் ஊழல்கள், வன்முறைகள், சண்டை சச்சரவுகள் ஏற்படுவதை முற்றாகத் தடுத்து விடலாம்.

இவ்விதம் தெரிவு செய்யப்படும் உறுப்பினர்கள் தங்கள் கட்சிக்கு விசுவாசமாகவும் கட்சி கொள்கையை கடைப் பிடிப்பவர்களாக இருந்தாலும் மற்றக் கட்சிகளின் உறுப்பினர்களை தங்கள் எதிரி களாகப் பார்க்காமல் நாட்டைக் கட்டி எழுப்பும் பணியில் தங்க ளுடன் இணைந்திருக்கும் பங்காளிகளாகவும், தோழர்களாகவுமே பார்ப்பார்கள். இதனால் அரசாங்கக் கட்சி எதிர்க்கட்சி என்ற பகைமை உணர்வு நீங்கி இரு சாராரும் நாட்டின் மேம்பாட்டுக்காக தத்தமது பிரதேசங்களில் கடுமையாக உழைத்து அபிவிருத்திப் பணிகளை உத்வேகப்படுத்தி நாட்டின் பொருளாதாரத்தை வளர்ப் பதற்கு தங்களின் முழுமையான பங்களிப்பை அளிக்க கூடியதாக இருக்கும்.

அமெரிக்கா, பிரிட்டன் போன்ற ஜனநாயக பாரம்பரியங்களைக் கடைப் பிடிக்கும் மேற்கத்தைய நாடுகளில் அரசாங்கக் கட்சியினருக்கும் எதிர்க் கட்சியினருக்கும் இடையில் போட்டா போட்டிகளும் பொறாமைகளும் இருந்தாலும் நாட்டுக்கு நன்மை செய்யும் ஒரு திட்டத்தை முன்வைக்கும் போது இருசாராரும் பகைமை உணர்வை மறந்து அரசாங்கம் எடுக்கும் நற்பணிகளை ஆதரிப் பார்கள். அது போன்று எதிர்க் கட்சியினர் நாட்டின் நன்மைக்காக முன்வைக்கும் நல்ல யோசனைகளையும் அரசாங்கம் ஏற்றுக் கொண்டு அதனை நடைமுறைப்படுத்தும்.

இதன் மூலமே ஒரு நாட்டில் பாராளுமன்ற ஜனநாயகம் தழைத் தோங்க முடியும். இதனை மனதில் வைத்து எதிர்வரும் உள்ளூ ராட்சி மன்றத் தேர்தல்களிலும் சகல அரசியல் கட்சிகளும் நல்ல வர்களையும், ஒழுக்க சீலர்களையும், நாட்டுக்காக அர்ப்பணிப்பு டன் பாடுபடக் கூடியவர்களையும் தங்கள் கட்சிகளின் வேட்பாளர் களாகத் தெரிவு செய்து அவர்களை இந்தத் தேர்தலில் போட்டி யிட வைக்க வேண்டும்.

நாம் இவ்விதம் செய்தால் எந்தக் கட்சி வெற்றி பெற்றாலும், எந்தக் கட்சி தோல்வியடைந்தாலும் நாட்டுப் பற்றுடன் நாட்டுக்காகப் பணியாற்றக் கூடியவர்களை நாம் இந்தத் தேர்தல்களில் தெரிவு செய்துள்ளோம் என்ற மன நிறைவைப் பெற முடியும்.

(தினகரன்)