எகிப்து

போராட்டம் காத்திருக்கிறது

முஸ்லிம் பிரதர்ஹூட்டின் ஃப்ரீ டம் மற்றும் ஜஸ்டிஸ் கட்சி (ஆரளடiஅ க்ஷசடிவாநசாடிடின’ள குசநநனடிஅ & துரளவiஉந ஞயசவல) யின் வேட் பாளர் முகமது மோர்சி, தனக்கு எதிராக, பழைய முபாரக் ஆட்சியின் சார்பில் போட்டியிட்ட வேட்பாளரும், ராணு வத்தைச் சேர்ந்தவருமான அகமது சஃ பீக்கைத் தோற்கடித்து அதிபராகத் தேர்வு செய்யப்பட்டிருக்கிறார். மோர்சி மிகவும் குறுகிய வித்தியாசத்தில்தான் வெற்றி பெற்றிருக்கிறார். (இவருக்கு 51.7 விழுக் காடு வாக்குகளும், சஃபீக்கிற்கு 48.2 விழுக்காடு வாக்குகளும் கிடைத்திருக் கின்றன.)

தேர்தல் முடிவுகள் அறிவிக்கப்படு வதற்கு முன்னர், சஃபீக் வெற்றி பெற்ற தாக அறிவிக்கக்கூடிய வகையில் வாக்கு எண்ணிக்கையின்போது தில்லுமுல்லு கள் நடைபெறலாம் என்கிற ஐய உணர்வு இருந்தது. இறுதியில் மோர்சி வெற்றி பெற்றதாக அறிவிக்கப்பட்டிருக்கிறார். ஆயினும், அதிபரைத் தேர்ந்தெடுப்பதற் காக நடைபெற்ற முதல் ஜனநாயகத் தேர்தலின் முக்கியத்துவத்தைக் குறைத் துக் காண்பிக்கும் வகையில் பல்வேறு நடவடிக்கைகள் அங்கே நடைபெற்றுக் கொண்டிருக்கின்றன. 2011 நவம்பருக்கும் 2012 மார்ச்சுக்கும் இடையே தேர்வு செய்யப்பட்ட நாடாளுமன்றம் அர சமைப்பு நீதிமன்றத்தால் (ஊடிளேவவைரவiடியேட ஊடிரசவ) கலைக்கப்பட்டிருக்கிறது. நாடா ளுமன்றம் புதிய அரசமைப்புச் சட் டத்தை உருவாக்க வேண்டிய நிலையில் இருந்தது. நாடாளுமன்றம் கலைக்கப் பட்டதை அடுத்து, நாட்டின் ஆட்சியை நடத்திக்கொண்டிருக்கும் ஆயுதப் படைகளின் சுப்ரீம் கவுன்சில் (ளுஊஹகு-ளுரயீசநஅந ஊடிரnஉடை டிக வாந ஹசஅநன குடிசஉநள), ஒரு துணை அரசமைப்புப் பிரகடனத்தை வெளியிட்டிருக்கிறது. இந்தப் பிரகடனம் அதிபரின் அதிகாரங்களை வெட்டிக் குறைத்திருப்பதுடன், தன்னிடமே அபரிமிதமான அதிகாரங்களைத் தக்க வைத்துக் கொண்டுள்ளது. இவ்வாறு ஏற்பட்டுள்ள “மென் சதி’’(“ளடிகவ உடிரயீ,”) நடவடிக்கைகள் மூலம் இப்போது தேர்ந் தெடுக்கப்பட்டுள்ள அதிபர் அந்நாட்டின் ஆயுதப் படைகளின் கமாண்டராக இருக்க மாட்டார். ராணுவம், நாட்டில் அமைதியை நிலை நாட்டுவதற்காக அனைத்து நடவடிக்கைகளையும் மேற் கொள்ளும். எவரையும் கைது செய்ய, எந்த இடத்தையும் சோதனை செய்யக்கூடிய வகையில் அளவிடற்கரிய அதிகாரங் களைத் தன்னகத்தே வைத்துக் கொண் டுள்ளது.

இஸ்லாமிய முஸ்லிம் பிரதர்ஹூட் வேட்பாளருக்கும், பழைய ஆட்சியின் சார்பில் போட்டியிட்ட வேட்பாளருக்கும் இடையேயான போட்டி என்பது, மதச் சார்பற்ற, ஜனநாயக மற்றும் முற்போக்குப் பிரிவு மக்கள் மத்தியில் ஆழமான அள வில் சிரமங்களை ஏற்படுத்தியுள்ளது. அதிபர் தேர்தலின் முதல் சுற்றில் 20.7 விழுக்காடு (4.8 மில்லியன்) வாக்குகளைப் பெற்ற ஹம்தீன் ஸபாஹி என்னும் மத்திய-இடது வேட் பாளர் உட்பட பலர் நீக்கப்பட்டுவிட்டனர். தகுதி இழப்புக்கு ஆளான அமைப்பு களில் சிலவும், வேட்பாளர்களில் சில ரும் தேர்தலைப் புறக்கணிக்குமாறு அழைப்பு விடுத்திருந்தனர். மற்றவர்கள் செய்வதறியாது திகைத்து ஒதுங்கிக் கொண்டனர். இது தேர்தலிலும் பிரதி பலித்து, மொத்த வாக்காளர்களில் 51 விழுக்காட்டினர் மட்டுமே வாக்களித் துள்ளனர்.

ஆயினும், இவர்களில் பலர் மோர் சிக்கு வாக்களித்துள்ளனர். ஏனெனில், சஃபீக்கை முந்தைய முபாரக் ஆட்சி மற் றும் ராணுவத்தின் பிரதிநிதியாக அவர்கள் பார்த்தனர். மோர்சி, பிரதமர் பதவியை பிரதர்ஹூட் அல்லாத கட்சியைச் சேர்ந்த ஒருவருக்கு வழங்குவதாகவும், மதச்சார்பற்ற கட்சிகளின் பிரதிநிதி களை அமைச்சரவையில் இணைத்துக் கொள்வதாகவும் உறுதி அளித்திருக் கிறார்.

ஆயினும் இதற்கு ஆயுதப் படை களின் சுப்ரீம் கவுன்சில் மற்றும் ராணுவம் எந்த அளவிற்கு இடம் கொடுக்கும் என்று தெரியவில்லை. தற்போது எகிப்திய ராணுவம் அமெரிக்காவிடமிருந்து ஆண் டொன்றுக்கு 1.3 பில்லியன் டாலர்களை மானியமாகப் பெற்று வருகிறது. இந்தத் தொகையானது எகிப்தின் பொருளாதாரம் மற்றும் வர்த்தகத்துறையில் மிகவும் ஆழ மாக வேரூன்றியிருக்கிறது. நமக்குக் கிடைத்திருக்கிற தகவல்களின்படி, நாட்டின் மொத்த தேசிய உற்பத்தியில் (ழுசூஞ) 40 விழுக்காடு தொகை இதுவாகும். மக்கள் எழுச்சியால் மலர்ந்த ஜனநாயக ஆதாயங்களை மறுதலித்திட வேண்டும் என்றே ஆயுதப் படையினரும் முந்தைய ஆட்சியும் கோரி வருகின்றன. இதன் காரணமாகவே நாடாளுமன்றம் கலைக் கப்பட்டது. அதிபர் தேர்தலில் போட்டி யிட்ட பல வேட்பாளர்களைத் தகுதி இல்லாதவர்கள் என்று அறிவித்தது. அகமது சஃபீக்கை எப்படியாவது வெற்றி பெற வைத்திட வேண்டும் என்று கங் கணம் கட்டிக்கொண்டு அனைத்து விதமான நடவடிக்கைகளிலும் இறங்கி செயல்பட்டது.

இந்தப் பின்னணியில் பார்க்கும் போது, மோர்சியின் வெற்றி முந்தைய ஆட்சிக்கு எதிரான போராட்டத்தில் ஒரு சிறிய அளவில் முன்னேற்றம் என்று கொள்ளலாம். முஸ்லிம் பிரதர்ஹூட் கட்சியின் நம்பகத்தன்மை குறித்தும் எண்ணற்ற தகவல்கள் கசிந்து கொண்டிருக்கின்றன. இக்கட்சி ஆயுதப் படைகளுடன் சேர்ந்துகொண்டு பத் தாண்டிற்கு முன் துருக்கியில் இருந்தது போன்ற ஒரு ஜனநாயக அமைப்பை உருவாக்கிடலாம் என்று கூறுகிறார்கள். அத்தகையதொரு நட்பு பிரதர்ஹூட் கட்சிக்கும், ராணுவத்திற்கும் இடையே ஏற்பட வேண்டும் என்றுதான் அமெரிக் காவும் விரும்புகிறது. அதே சமயத்தில், ஜனநாயகத்திற்காக நடைபெற்ற மக்கள் எழுச்சி இஸ்லாமிய அமைப்பிடமும் தாக்கத்தை ஏற்படுத்தி இருக்கிறது. நாட்டில் ஏற்பட்டுள்ள ஜனநாயக இயக் கத்தின் ஆதாயங்களைப் பாதுகாத்திட வேண்டும் என்று அது விரும்பினால், ஆயுதப் படையினருக்கு எதிரான போராட்டத்தில் உறுதியுடன் நின்று, இழந்த அதிகாரங்களை மீண்டும் வென் றெடுத்திட அது முன்வர வேண்டும்.

சமீபத்திய நிகழ்வுகள் வரலாற்றுச் சிறப்புமிக்க மக்கள் எழுச்சியை முன் னின்று நடத்திய பல்வேறு குழுக்கள் மற்றும் பிரிவினர் சிலரிடையே விரக்தியை ஏற்படுத்தி இருக்கின்றன. இவர்களில் சிலர் புரட்சி அத்தியாயம் முடிந்துவிட் டது என்று பிரகடனம் செய்திருக்கின் றனர். ஆனால் அவர்களின் இக்கூற்று எதிலும் குறைகாணும் மனோபாவமே (யீநளளiஅளைவiஉ யனே னநகநயவளைவ)யாகும். தொழி லாளி வர்க்கம் மிகவும் சுறுசுறுப்புடன் இயங்கிக் கொண்டிருக்கிறது. கடந்த ஓராண்டில் மட்டும் எண்ணற்ற வேலை நிறுத்தப் போராட்டங்கள் நடைபெற்றுள் ளன. தஹ்ரீர் சதுக்க எழுச்சி போன்று மீண்டும் ஒருமுறை ஏற்பட முடியாது போகலாம். ஆயினும் ஜனநாயகப்படுத்த லுக்கான போராட்டம் பல்வேறு வடிவங் களிலும், பல்வேறு மட்டங்களிலும் தொடரும்.

அதிபர் மோர்சி அமைத்திடவிருக்கும் அரசாங்கத்தின் தன்மை நாட்டில் உள்ள நிலைமைகள் எப்படி உருக் கொள்கின் றன என்பதற்கான அடையாளமாகும். மதச்சார்பற்ற மற்றும் ஜனநாயக சக்தி களை உள்ளடக்கியதொரு அரசாங் கத்தை அமைத்திடுவோம் என்று அதிபர் மோர்சியும் ஆளும் கட்சியும் மக்களுக்கு அளித்துள்ள உறுதிமொழிகளை நிறை வேற்ற வேண்டியது முக்கியம். தேர்ந் தெடுக்கப்பட்ட நாடாளுமன்றத்தையும் ஜனநாயக அரசமைப்புச் சட்டத்தையும் ஏற்படுத்துவதற்கான போராட்டமும் நடத்தப்பட வேண்டும். எகிப்தின் எதிர் காலம் விழிப்புணர்வு பெற்றுள்ள மக்கள், அரசியல் உணர்வினை வெளிப் படுத்துவதிலும் உரிமைகளுக்கான போராட்டத்தில் காட்டும் ஆர்வத்தை யுமே சார்ந்திருக்கிறது.

தமிழில்: ச. வீரமணி