பருவ நிலை மாற்றத்தால் தீவுகள் விரைவில் மூழ்கும்

உலக அளவில் ஏற்பட்டு வரும் பருவநிலை மாற்றத்தால் கரீபியன் தீவுகள், மாலத்தீவு, ஆசிய பசிபிக் தீவுகள் உள்ளிட்ட பல்வேறு பகுதிகள் கடலில் மூழ்கிவிடும் என தேசிய வளிமண்டல ஆய்வில் தெரிய வந்திருக்கிறது.  பருவநிலை மாறுபாடுகள் மற்றும் சுற்றுச்சூழல் பாதுகாப்பு குறித்து அமெரிக்காவின் தேசிய வளிமண்டல ஆய்வு மையம் ஒரு ஆய்வு நடத்தியது. ஆய்வு முடிவு குறித்து சுற்றுச்சூழல் விஞ்ஞானிகள் கூறியதாவது: நாளுக்கு நாள் பருவநிலை மாற்றம் தீவிரமடைந்து வருகிறது. இதனால் பல்வேறு மாற்றங்கள் ஏற்பட துவங்கியிருக்கிறது. அதன் ஒரு பகுதியாக புவிவெப்பம் அதிகரித்து வருகிறது. இதன் காரணமாக பனிப்படலம், பனிமலைகள் வேகமாகஉருகிவருகின்றன.பசுங்குடில் வாயுக்கள் அதிகமாக வெளியாவதால் ஓசோன் படலத்தில்ஓட்டைஉள்ளிட்ட பிரச்சனைகள் அதிகரித்து வருகிறது. இதன் எதிரொலியாக மனித இனங்கள் மட்டுமின்றி கடல் வாழ் உயிரினங்களும் கடுமையாக பாதிக்கப்பட்டு வருகின்றன.

1980ம் ஆண்டில் இருந்ததை விட புவி வெப்பம் 2010ம் ஆண்டில் 0.17 டிகிரி செல்சியஸ் அதிகரித்திருக்கிறது. இதன் காரணமாக பனிப்பாறைகள், பனிப்படலங்கள் உருகி கடலில் கலக்கிறது. பின்னர் கடலின் நீர் மட்டம் படிப்படியாக உயர்கிறது. அப்படி உயரும் போது கடல் மட்டத்தில் இருந்து மிகக்குறைவான உயரத்தில் இருக்கும் இடங்கள் அப்படியே கடலுக்குள் மூழ்க துவங்கியிருக்கிறது. அதன் படி 2005ம் ஆண்டில் இருந்து கடல் மட்டம் சராசரியாக 2.3மில்லி மீட்டர் உயர்ந்து கொண்டே வருகிறது. இப்படியே சென்றால் 2100ம் ஆண்டு கடல் மட்டம் தற்போது இருப்பதை விட 5 அடி அளவிற்கு உயரும் என்று ஆய்வில் தெரியவந்திருக்கிறது.

அப்படி உயரும் போது முதலில் கரீபியன் தீவுகள், மாலத்தீவு, ஆசிய பசிபிக் தீவுகள் உள்ளிட்ட பல்வேறு தீவுபகுதிகள் கடலில் மூழ்கிவிடும் அபாயம் ஏற்பட்டிருக்கிறது. உலக நாடுகள் அனைத்தும் இணைந்து சுற்றுச்சூழலை பாதுகாக்க 100 சதவீத நடவடிக்கை எடுத்து 2100ம் ஆண்டில் புவி வெப்பத்தை 0.83 டிகிரியாக குறைத்தாலும்கூட, கடல் மட்டம் 14.2 செ.மீ. (ஏறக்குறைய அரை அடி) அளவுக்கும், 2300,ம் ஆண்டில் 24.2 செ.மீ. அளவுக்கும் உயரும்.

பருவ நிலை மாற்றத்தின் காரணமாக ஏற்கனவே ஆழ்கடலில் இருந்து வரும் சீதோசன நிலை மாறியிருக்கிறது. இதனால் ஆழ்கடல் வாழ் உயிரினங்களும் இடம்பெயரத் துவங்கயிருக்கின்றன.பல்வேறு பாதிப்புகளையும் சந்தித்து வருகின்றனஎனவிஞ்ஞானிகள் தெரிவித்துள்ளனர்.

ஆனால் இதற்கெல்லாம் அடிப்படை காரணமாக இருப்பது வளரும் நாடுகள் தான் என பல்வேறு நாட்டில் உள்ளசுற்றுச்சூழல்விஞ்ஞானிகளும் குற்றம் சுமத்தி வருகின்றனர். முதலில் வெப்பமயமாதல் பிரச்சனையை சரி செய்ய வளர்ந்த நாடுகள் சுயகாட்டுப்பாட்டுடன் நடந்து கொள்ள வேண்டும். உலக முதலாளித்துவத்தின் மிருகத்தனமான பேராசை மற்றும் அநீதி இழைக்கும் தன்மையின் விளைவே பருவநிலை மாற்றத்திற்கு அடிப்படை காரணமாக இருக்கிறது. உலக மக்கள் தொகையில் 20 சதவிகிதத்தை கொண்டிருக்கும் வளர்ந்த முதலாளித்துவ நாடுகள் மொத்த கரியமிலவாயுவில் 74 சதவிகிதத்தை வெளியிடுகின்றன. ஆனால் அதே நேரத்தில் 80 சதவிகித மக்கள் தொகையை கொண்டிருக்கும் வளரும் நாடுகள் 24 சதவிகித கரியமில வாயுவையே வெளியேற்றுகின்றன.

கரியமில வாயுவை குறைக்கும் விதமாக மேற்கொள்ளப்பட்ட கிரியோட்டா செயல்திட்ட உறுதிமொழியை வளர்ந்த நாடுகள் இன்று வரை பின்பற்றுவதில்லை. மாறாக அமெரிக்கா கிரியோ செயல்திட்டத்திற்கு பின்னர் 17 சதவிகித கரியமில வாயுவை கூடுதலாக வெளியேற்றி வருகிறது. ஒட்டுமொத்தத்தில் புவி வெப்பம் மற்றும் பருவநிலை சார்ந்த பிரச்சனைகளில் வளர்ந்த நாடுகள் வளரும் நாடுகள் மீது சுமையை அதிகரித்து வருகின்றன. இதற்கெதிராக தற்போது உலக நாடுகள் குரல் கொடுக்க துவங்கியிருக்கின்றன. புவிவெப்பமயமாதல் பிரச்சனையில் உலக நாடுகள் அனைத்தும் ஒருங்கிணைந்து அர்த்தபூர்வமான, சமநிலைத்தன்மை கொண்ட பருவநிலை உடன்பாட்டை காண்பதன் மூலமே எதிர்கால ஆபத்தை ஓரளவு தடுக்க முடியும் என்று சுற்றுச்சூழல் விஞ்ஞானிகள் கருத்து தெரிவித்திருக்கின்றனர்.