தினகரன் ஆசிரியர் தலையங்கம் இப்படிக் கூறுகின்றது

சனல் 4 தொலைக்காட்சி எல்.ரி.ரி.ஈ.யின் டொலர்களுக்காக ஆட்டம் போடுகிறது

பிரிட்டனின் சனல் 4 தொலைக்காட்சி நிலையம் இலங்கை அரசாங்கத்தையும் அதன் தலைவர்களையும் நாட்டு மக்களையும் இழிவுபடுத்தக்கூடிய வகையில் எல்.ரி.ரி.ஈ. டொலர்களுக்கு அடிமையாகி உலக அரங்கில் பொம்மலாட்டம் போட்டு வருவது குறித்து நாம் எமது கடும் கண்டனத்தை வெளியிட விரும்புகிறோம்.ஆதாரமற்ற, போலியாக ஜோடிக்கப்பட்ட வீடியோ காட்சிகளை வைத்துக் கொண்டு எல்.ரி.ரி.ஈக்கு எதிரான 30 ஆண்டுகால யுத்தத்தின் இறுதி நாட்களின் போது இலங்கை இராணுவத்தினர் பொதுமக்களை மிலேச்சத் தனமாக சுட்டுக் குவித்து யுத்தக்குற்றங்களை புரிந்தார்கள் என்று பிரிட்டனின் சனல் 4 தொலைக்காட்சி நிலையம் செய்தி அறிக்கைகளை யும் விவரண குறும்படங்களையும் உலக நாடுகளுக்கு அனுப்பி வைத்து, இலங்கையின் நற்பெயரை இழிவுபடுத்தும் சட்டவிரோதமான செயற்பாடுகளில் ஈடுபட்டது.

அத்துடன் இந்த யுத்தக்குற்றச்சாட்டுகளுக்கு அரசாங்கத்தின் தலைவரும் ஆயுதப் படைகளின் பிரதம தளபதியுமான ஜனாதிபதி மஹிந்த ராஜபக்ஷவும், பாதுகாப்பு அமைச்சின் செயலாளர் கோத்தபய ராஜபக்ஷவும் பொறுப்பை ஏற்க வேண்டுமென்றும் அவர்கள் இருவரும் சர்வதேச நீதிமன்றத்தின் முன் நிறுத்தப்பட்டு யுத்தக்குற்றச்சாட்டுகள் மீதான விசாரணையை நடத்தி தண்டிக்கப்பட வேண்டுமென்றும் சனல் 4 தொலைக்காட்சி நிலையம் தொடர்ந்தும் சுமார் 4 ஆண்டுகளாக பொய்யான பிரசாரங்களை உலக நாடுகளில் செய்து வருகின்றது.

நோ பயர் ஸோன் என்ற, ஆதாரமற்ற தகவல்களையும் போலியான நடிகர்களை வைத்து எடுக்கப்பட்ட வீடியோ காட்சிகளையும் ஒன்றிணைத்து தயாரிக்கப்பட்ட விவரண குறுந்திரைப்படம் முதலில் சில வாரங்களுக்கு முன்னர் மலேசியாவில் திரையிடுவதற்கு எடுத்த முயற்சி அவ்வரசாங்கத்தினால் தடை செய்யப்பட்டு சனல் 4 தொலைக்காட்சி நிலையத்தின் பணிப்பாளரை கைது செய்து விசாரணை செய்யவிருந்த நிலையில், கெலம் மெக்ரே என்ற அந்த பொல்லாத மனிதன் மலேசியாவில் இருந்து தப்பியோடிவிட்டான்.

பின்னர் இத்திரைப்படம் கடந்தவாரம் கனடாவின் டொரண்டோ நகரில் திரையிடப்பட்ட போது இந்த நிகழ்வை உலகெங்கிலும் உள்ள எல்.ரி. ரி.ஈயை ஆதரிக்கும் புலம்பெயர்ந்த தமிழர்கள் முழுமையாக ஆதரித் தார்கள்.

இந்த திரைப்படம் காண்பிக்கப்பட்ட நிகழ்வில் உரையாற்றிய கெலம் மெக்ரே, ஜனாதிபதி மஹிந்த ராஜபக்ஷவும், பாதுகாப்பு செயலாளர் கோத்தபய ராஜபக்ஷவும் ஏனைய யுத்தக் குற்றமிழைத்த இலங்கையர் அனைவரும் சர்வதேச யுத்த குற்றச்சாட்டுகளை விசாரணை செய்யும் நீதிமன்றத்தில் நிறுத்தப்பட்டு தண்டிக்கப்படும் வரை தனக்கு தூங்க முடியாதென்று அகங்காரமான முறையில் பேசியிருப்பது அந்த மனிதன் எல்.ரி.ரி.ஈயின் டொலர் நோட்டுகளுக்கு எதையும் செய்யக்கூடிய ஒரு பெரும் குற்றவாளி என்பதை தெட்டத் தெளிவாக எடுத்துக்காட்டுகிறது.

இந்த நிகழ்வில் தமிழ்த் தேசியக் கூட்டமைப்பின் தலைவர் ஆர். சம்பந்தன் கலந்து கொள்ளுமாறு அழைப்பைப் பெற்றிருந்த போதிலும், அவர் ஸ்கைப் மூலம் இந்த நிகழ்வின் வெற்றிக்கு தனது வாழ்த்துக்களை வெளியிட்டிருக்கிறார்.

கெலெம் மெக்ரே தன்னை ஓர் ஊடகவியலாளர் என்று அறிமுகம் செய்து கொள்கின்ற போதிலும், அவர் ஊடகவியலாளர்களின் ஒழுக்க நெறி களை உதாசீனம் செய்து தான்தோன்றித்தனமான, இத்தகைய போலியான குற்றச்சாட்டுகளை இலங்கை அரசாங்கத் தலைவர்களுக்கு எதிராக சுமத்துவது மன்னிக்க முடியாத குற்றமாகும்.

ஐக்கிய தேசியக்கட்சியுடன் இப்போது ஒட்டிக் கொண்டிருக்கும் பாராளுமன்ற உறுப்பினர் மங்கள சமரவீர, தனது மனசாட்சிக்கு எதிராக இலங்கை அரசாங்கத் தலைவர்களும், இராணுவத்தினரும் யுத்தக்குற்றச்சாட்டுகளை புரிந்திருக்கிறார்கள் என்று பொதுநலவாய நாடுகளுக்கு எழுதியிருக்கும் கடித மொன்றில் குறிப்பிட்டிருப்பது அவர் எந்தளவுக்கு நாட்டுப் பற்றுடையவர் என்பதற்கு சான்று பகர்வதாக இருக்கின்றது.

கெலெம் மெக்ரே எவ்விதம் எல்.ரி.ரி.ஈயின் கைம்பொம்மையாக மாறினார் என்பதற்கு இப்போது ஆதாரங்கள் கிடைத்துள்ளன. யாழ்ப்பாணம் வட்டுக்கோட்டையைச் சேர்ந்த ஷிராணி சபாரட்ணம் சனல் 4 தொலைக்காட்சி நிலையத்தின் பணிப்பாளர் ஸ்டுவர்ட் கொஸ்குரோவை மணம் முடித்ததன் மூலம் எல்.ரி.ரி.ஈ. டொலர் நோட்டுகளை இலட்சக் கணக்கில் இந்த நிலையத்தில் முதலீடு செய்து அதனை எல்.ரி.ரி.ஈ.யின் பிரசார நிலையமாக மாற்றினார்.

கெலெம் மெக்ரே இவர்களுக்கு கீழ் கைகட்டி சேவகம் புரியும் ஒரு மனிதன். இந்த மனிதனுக்கு சனல் 4ல் நல்ல சலுகைகளும் பெரிய சம்பளமும் கொடுக்கப்படுகிறது. கெலெம் மெக்ரே இலங்கை அரசாங்கத்திற்கு எதிராக ஒரு பிரசார பீரங்கியாக மாறி போலி வதந்திகளை இலங்கைக்கு எதிராக வெளிநாடுகளில் பரப்பி வருகிறார்.

ஷிராணி சபாரட்ணம் இலங்கைக்கு இரண்டு வெவ்வேறான கடவுச்சீட்டுக ளுடன் வந்ததனால் அவர் முதலில் கைது செய்யப்பட்டு தடுத்து வைக்கப்பட்டு பின்னர் இலங்கையில் இருந்து நாடுகடத்தப்பட்டார்.

சனல் 4 தொலைக்காட்சி நிலையம் ஒரே வீடியோ படங்களை சுமார் 4 வரு டங்களாக உலக நாடுகளில் காண்பித்து, அந்நாட்டு மக்களை ஏமாற்று வதற்கு எடுத்துவரும் முயற்சிகள் இன்று படுதோல்வியில் முடிவடைந் துள்ளன. சனல் 4 ஒழுங்கு செய்யும் தொலைக்காட்சி நிகழ்ச்சிகளை பார்ப்பதற்கு இலங்கையில் இருந்து புலம்பெயர்ந்த தமிழர்கள் மாத் திரமே வருகிறார்கள். வெளிநாட்டவர்கள் அவற்றைப் பார்க்க தங்கள் பொன் னான நேரத்தை வீணாக்க விரும்புவதில்லை என்று சனல் 4 நிகழ்ச்சிகள் பற்றிய விமர்சகர் ஒரு பத்திரிகைக்கு எழுதியிருக்கிறார்.