கூட்டமைப்பிடம் ஒன்றும் இல்லை

என்பதை போட்டுடைத்திருக்கும் கூட்டமைப்பின் பேச்சாளர் சுரேஷ் பிரேமச்சந்திரன்

கூட்டமைப்பின் பேச்சாளரும் ஈழ மக்கள் புரட்சிகர முன்னணியின் செயலாளர் நாயகமுமான சுரேஷ் பிரேமச்சந்திரன் தீர்வுத் திட்டத்திற்கான ஆலோசனைகளை மக்க ளிடமிருந்து கோரியிருந்தார். அதற்கிணங்க பலரும் தங்களின் ஆலோசனை களை, பிரேமச்சந்திரனுக்கு அனுப்பி வைத்திருக்கின் றனர். இதனை தமிழ் ஊடகங் கள் எல்லாம் பெரிய எழு த்தில் பிரசுரித்திருந்தன. ஆளும் ஐக்கிய மக்கள் சுத ந்திரக் கூட்டமைப்பினால் புலிகள் அமைப்பு தோற்கடிக் கப்பட்டு ஐந்து வருடங்கள் ஓடி விட்டன. இந்த ஐந்து வருடங்களாக கூட்டமைப்பு தமிழ் மக்களுக்கான அரசியல் தீர்வு பற்றி பேசாத நாளில்லை. தினங்களாக, மாதங் களாக, வருடங்களாக சதா தீர்வுத் திட்டம் பற்றியே கூட்டமைப்பு பேசி வந்திருக்கிறது. அந்தத் தீர்வு திட்டத்தை வரைவதற்காகவே, சட்ட வல்லுநர்களான எம். ஏ. சுமந்திரன், ஓய்வுபெற்ற நீதிபதி விக்னேஸ்வரன் ஆகியோரையெல்லாம் சம்பந்தன் ஐயா கூட்டமைப்புக்குள் உள்வாங்கினார். சட்ட வல்லுநரான சம்பந்தன் ஐயா, நீலன் திருச்செல்வத்துடன் இணைந்து தீர்வு விவகாரங்கள் தொடர்பில் பணியாற்றிய ஒருவர் என்பதை அனைவரும் அறிவார் கள்.

ஆனாலும் புதிய சூழ் நிலைமைகளில் தன்னால் தனித்து விடயங்களை ஆராய முடியாது என்பதாலேயே, ஐயா மேற்போந்த வல்லுநர்களை தமிழரசுக் கட்சிக்குள் உள் வாங்கினார். சட்ட வல்லுநரான சுமந்திரன் கடந்த ஐந்து வருடங்களாக உள் நாட்டில் மட்டுமல்ல வெளி நாடுகளிலும் கூட்ட மைப் பின் எதிர்ப்பார்ப்புக்கள் எவை யெவையென பறை சாற்றி திரிந்தார். கடந்த 5 வருடங்களில் கூட்டமைப்பு, அரசாங்கத்துடன் 17, தட வைகள் பேச்சுவார்த்தை யிலும் ஈடுபட்டிருந்தது. ஆனால் இதன் போதெல்லாம் கூட்டமைப்பு வெறுங்கை யோடுதான், சென்றிருக்கிறது என்பது தற்போது உறுதி யாகியிருக்கிறது. இதனை தற்போது கூட்டமைப்பின் முக்கிய தலைவர்களில் ஒருவரும், அதன் பேச்சாள ருமான சுரேஷ் பிரேமச் சந்திரன் உறுதி செய்திருக்கிறார். கூட்டமைப்பு இப்போதுதான் மக்களிடமிருந்து தீர்வு குறித்து ஆலோசனை கேட்கிறது. அவ்வாறாயின் இதுவரை கூட்டமைப்பிடம் தீர்வு குறித்து ஒன்றும் இல்லை என்பதுதானே அர்த்தம். தமிழில் ஒரு பழமொழி சொல்வார்கள். விடிய விடிய ராமாயணம். விடிந்த பின்னால் ராமருக்கு சீதை என்ன முறையாம். இப்போது கூட்டமைப்பின் கதையும் அப்படியான ஒன்றாகத்தானே இருக்கிறது. கடந்த ஐந்து வருடங்களாக ஜெனீவா, போர்க்குற்றம், சர்வதேச விசாரணை என்றெல்லாம் பேசிய கூட்டமைப்பானது, உண்மையில் எதனைப் பேச வேண்டுமோ அதனை பேசியிருக்கவில்லை. ஐந்து வருடங்களாக ஏதோவெல்லாம் பேசிவிட்டு, இப்போது தீர்வை எப்படி முன்வைப்பதென்று மக்களிடம் கேட்கிறது.

இதனை ஆரம்பத்தில் அல்லவா கேட்டிருக்க வேண்டும். இப்போதுதான் தீர்வுக்கான ஆலோசனைகளை கேட்கிறது. அப்படியென்றால் கூட்டமைப்பு கடந்த ஐந்து வருடங்களாக தமிழ் மக்களுக்கு சொல்லி வந்ததெல்லாம் வெறும் பொய்கள்தானே! தாங்கள் தமிழ் மக்களுக்காக எதைக் கேட்கிறோம் என்னும் தெளிவில்லாமல்தானே, கடந்த ஐந்து வருடங்களாக தலைவர்களாக வலம் வந்திருக்கின்றனர். அந்த வகையில் சுரேஷ் பிரேமச்சந்திரனை பாராட்டத்தான் வேண்டும்.

சம்பந்தன் ஐயாவும், அவரது தளபதிகளும் மென்று விழுங்கிக் கொண்டிருந்ததை, சுரேஷ் போட்டுடைத்து விட்டார். சுரேஷ் உண்மையை சொன்ன பின்னர் இதுவரை கூட்டமைப்பை நியாயப்படுத்தி வந்தவர்களின் பாடுதான் பெரிய திண்டாட்டமாகி விட்டது. உண்மையில் மாகாண சபை முறைமைக்கு அப்பால் ஒரு சாண் கூட நகர முடியாது. என்பது சம்பந்தன் ஐயாவிற்கு தெரியுமாம். அதனால்தான் ஐயா அமைதியாக இருக்கிறாராம். கூட்டமைப்பிற்கு நெருக்கமான ஆய்வாளர்கள் இதனை மெதுவாக சொல்லத் தொடங்கிவிட்டனர்.

கூட்டமைப்பு இனியாவது தீர்வுத் திட்டத்தை முன்வைக்க வேண்டும். வெளிப்படையாக ஒரு தலைமைக்குரிய மிடுக்குடன் பேச வேண்டும் என்றெல்லாம் அவர்கள், பேச ஆரம்பித்து விட்டனர். இதற்கெல்லாம் சுரேஷ் துணிந்து கூட்டமைப்பிடம் ஒன்றுமில்லை என்பதை உரத்துச் சொல்லியதுதான் காரணம், இதனால் அதிகம் கடுப்படைந்திருப்பவர் சுமந்திரனாம், ஒரு சட்ட வல்லுநரான தான், கூட்டமைப்பினுள் இருக்கும் போது, தீர்வுத் திட்டத்திற்கான ஆலோசனைகளை மற்றவர்கள் முன்வைப்பதெனின், பிறகு நான் இங்கு எதற்கு இருக்கிறேன். என்னுடைய முக்கியத்துவம் என்ன? இப்படியெல்லாம் ஆவேசப்பட்ட சுமந்திரன், அகப்படுபவர்கள் எல்லோரிடமும் சுரேஷ¤க்கு சும்மா இருக்க ஏலாது போல, அதுதான் தேவையில்லாமல் உளறிக் கொண்டிருக்கிறார். என்றெல்லாம் ஏசித் திரிகிறாராம்.

உண்மையில் சுரேஷ் இப்படியொரு அறிவித்தலை ஊடகங்களுக்கு சொல்வதற்கு முன்னர் ஐயாவின் அனுமதியை பெறவில்லையாம். ஐயாவிடம் அனுமதி கேட்டால் அவர் கொடுக்க மாட்டார் என்பது சுரேஷ¤க்கு நன்றாகவே தெரிந்த சங்கதியல்லவா! அதனால்தான் ஒருவரிடமும் சொல்லாமல் தனித்தே முடிவெடுத்து, அறிவித்து விட்டார் சுரேஷ். ஆனால் ஊடகங்களில் செய்தி வெளியான பின்னர் இது பற்றி பேசினால், அது வேறு சிக்கலை கொண்டு வந்துவிடலாம் என்று கருதிய சம்பந்தன் ஐயா, நடப்பது நடக்கட்டும் என்றிருந்து விட்டாராம். சுரேஷின் நடவடிக்கைகள் குறித்து சம்பந்தனிடம் நல்ல அபிப்பிராயம் இல்லையாம். முன்னரும் ஒருமுறை சம்பந்தன் தாறுமாறாக சுரேஷை ஏசிய சந்தர்ப்பமும் இல்லாமல்லை.

இதன் போது ஒரு கட்டத்தில் எனக்கும் பேசத் தெரியும் என்று சுரேஷ் ஆவேசப்பட்டதும் உண்டு. பின்னர் தனது தம்பியாரான கலாநிதி சர்வேஸ்வரனுக்கு வடக்கு மாகாண சபையில், ஒரு அமைச்சுப் பொறுப்பை கொடுக்கும்படி கேட்ட போது, அதனை விக்னேஸ்வரன் மறுத்திருந்தார். ஆனால் உண்மையில் அதனை ஐயாவே தடுத்து நிறுத்தியதாக விடயமறிந்த வட்டாரங்கள் சொல்லுகின்றன. ஐயா மிக புத்திசாதுரியமாக ஈ.பி.ஆர்.எல்.எப். இனால் நிறுத்தப்பட்டு வெற்றிபெற்ற பொ. ஐங்கரநேசனுக்கு அமைச்சுப் பொறுப்பை கொடுத்து சுரேஷை பலவீனப்படுத்தி விட்டதாகவே, அந்த வட்டாரங்கள் சொல்லுகின்றன.

அடுத்து வரவுள்ள பாராளுமன்ற தேர்தலில் ஐங்கரநேசன் தமிழரசு கட்சிக்கே நன்றி ஊழியம் செய்யவுள்ளாராம். ஐயாவின் சாணக்கியத்தால் ஆடிப்போன சுரேஷ் அவர் (சம்பந்தன்) தான் மட்டும்தான் பெரிய கெட்டிக்காரன் என்ற நினைப்பில் இருக்கிறார். ஆனால் அவருக்கு அப்பனும் இருக்கிறான் என்பதை நான் ஒரு நாளைக்கு காட்டாமல் விட மாட்டேன் என்று ஆவேசப்பட்டதாகவும் தகவலுண்டு. இப்போது சம்பந்தனின் ஐந்து வருட கால தலைமைத்துவத்தில் தமிழ் மக்களுக்கான ஒரு தீர்வுத் திட்டம் கூட அவரிடம் இல்லை என்பதை சொல்லும் நோக்கில்தான், சுரேஷ் தற்போது இப்படியொரு அறிவித்தலை செய்திருப்பதாக, தமிழரசுக் கட்சிக்கு நெருக்கமான வட்டாரங்கள் கூறுகின்றன.

சுரேஷ் எதற்காக இதனை சொன்னார் என்பதை ஆராய வேண்டிய அவசியம் நமக்கில்லை. அது கூட்டமைப்பிற்கு ஆதரவாக எழுதுவதை தொழிலாகக் கொண்டிருப்பவர்களின் வேலையாகும். ஆனால் தமிழ் மக்களின் எதிர்காலத்தை கருத்தில் கொண்டு சிந்திக்கும் நமக்கு, சுரேஷ் அம்பலப்படுத்தியிருக்கும் விடயம் மிகவும் முக்கியமானதாகும்.

கடந்த ஐந்து வருடங்களாக எந்தவொரு திட்டமும் இல்லாமல்தானே கூட்டமைப்பின் மக்கள் முன் பொய் சொல்லி வந்திருக்கின்றனர். இதன் மூலம் இப்போது இன்னொரு விடயமும் வெளிச்சத்திற்கு வந்திருக்கிறது. கூட்டமைப்பினர் ஏன் எல்லாவற்றையும் எதிர்த்து அறிக்கை வெளியிடுகின்றனர் எனும் உண்மையும் சுரேஷின் அறிவித்தலால் அம்பலமாகிவிட்டது. மேலும் பாராளுமன்ற தெரிவுக் குழுவிற்கு வருமாறு அரசாங்கம் பலமுறை அழைத்தும், ஏன் கூட்டமைப்பினர் செல்லவில்லை என்பதும் இப்போது அம்பலமாகிவிட்டது. ஏனெனில் பாராளுமன்ற தெரிவுக் குழுவிற்கு சென்றால் அங்கு தங்களின் திட்டத்தை முன்வைக்க வேண்டும். ஆனால் கூட்டமைப்பிடம் அப்படியொரு திட்டம் இல்லை. எனவே, இலகுவான வழி அனைத்தையும் எதிர்த்துக்கொண்டிருப்பதுதானே! அதைத்தான் கூட்டமைப்பு ஐந்து வருடங்களாக சிறப்பாக செய்து வருகிறது.

தமிழ் மக்கள் மத்தியில் பலமான மாற்று தலைமை இல்லாததால் கூட்டமைப்பு சொல்லுவதையே வேதவாக்காக கேட்க வேண்டிய துர்ப்பாக்கிய நிலைமை தமிழ் மக்களுக்கு ஏற்பட்டிருக்கிறது. இதனால் கூட்டமைப்பிடம் ஒரு திட்டமும் இல்லாது விட்டாலும் கூட, கடந்த ஐந்து வருடங்களாக, தங்களிடம் எல்லாம் இருப்பது போன்ற ஒரு படத்தை வெற்றிகரமாக அவர்களால் ஓட்ட முடிந்திருக்கிறது. ஆனால், அந்தப் படத்தில் ஒரு வில்லனாக திடீரென்று சுரேஷ் குறுக்கிட்டு விட்டார். அந்த வகையில் சுரேஷ் தமிழரசு கட்சியினருக்கு ஒரு வில்லன் போன்று தென்பட்டாலும், சுரேஷ் ஏற்றிருக்கும் இந்த துணிச்சலான பாத்திரத்திற்காக தமிழ் மக்கள் அவருக்கு உண்மையிலேயே கடமைப்பட்டவர்களாவர்.

(தினகரன்)