வடமாகாண சபை சொன்னதில் ஒன்றைக்கூட நிறைவேற்றவில்லை!

சொல்லுறது ஒண்டு. செய்யிறதும் நடக்கிறதும் வேற ஒண்டு. வடக்கு மாகாண சபையைக் கைப்பற்றினால்…. தமிழர் பகுதிகளிலிருந்து இராணுவம் வெளியேற்றப்படும்.புலம்பெயர் உறவுகளின் உதவிகளைப் பெற்று பாதிக்கப்பட்ட மக்களின் வாழ்க்கை கட்டியெழுப் பப்படும். வெளிநாட்டு உதவிகளின் மூலம் தமிழர் பிரதேசங்கள் அபிவிருத்தி செய்யப்படும். சர்வதேச சமூகத்தின் ஆதரவோடும் அனுச ரணையோடும் தமிழர்களின் இனப்பிரச்சினக்குத் தீர்வு காணப்படும் வடக்கு கிழக்கு இணைந்த பிரதேசங்களாக மீண்டும் உருவாக்கப்படும்.இதையெல்லாம் எங்கேயோ கேட்ட மாதிரியோ அறிஞ்ச மாதிரியோ இருக்கிறதா?

சந்தேகமேயில்லை. கடந்த மாகாண சபைத் தேர்தலுக்கு தமிழ்த் தேசியக் கூட்டமைப்பு விட்ட தேர்தல் விஞ்ஞாபனத்தில் இதுகளை யெல்லாம் நீங்கள் படிச்சிருப்பியள்.1976 இல் வட்டுக்கோட்டை தீர்மானத்தோட தமிழீழம் கிடைச்ச மாதிரித்தான் இதுகளும். சொல்லுறது ஒண்டு. செய்யிறதும் நடக்குறதும் வேற ஒண்டு.வட்டுக்கோட்டைத் தீர்மா னத்தை எடுத்தவையும் இஞ்ச நாட்டில இல்லை. அதை அப்படியே ஆதரிக்கி றவையும் நாட்டில் இல்லை. அப்பிடி ஆராவது இருந்தால், அவை ஒரு நாளும் சனங்க ளோட இல்லை. ஆனால், இவை தான் சனங்களை வைச்சுப் பிழைப்பு நடத்திக் கொண்டிருக்கினம்.இந்தப பரம்பரைதான் அரசாங்கத்தையும் அரசாங் கத்தின்ரை தலைவர்களையும் எதிர்ப்பாகக் காட்டிக் காட்டித் தங்கட பதவியள், வசதியள், சலுகைகளைப் பெற்றுக் கொண்டு அரசியல்ல கொடி கட்டிப் பறக்கிறவை.

இப்ப மகிந்த ராஜபக்ஷவை எதிர்க்கினம். இதுக்கு முந்திச் சந்திரிகாவை. அதுக்கு முந்தி ரணிலை. அதுக்கு முந்தி டிங்கரி பண்டாவை. அதுக்கு முந்தி பிரேமதாசவை. அதுக்கு முந்தி ஜே. ஆரை... அதுக்கு முந்திச் சிறிமாவோவை அதுக்கு முந்தி பண்டாரநாயக்காவை. அதுக்கு முந்தி டட்லியை, அதுக்கு முந்தி டி. எஸ். சேனநாயக்காவை.

இப்படி ஆட்சியில இருக்கிற வையையும் ஆட்சிக்கு வாற வையையும் எதிர்த்து எதிர்த்தே தங்கட பிழைப்பை நடத்திக் கொண்டிருக்கிற ஆட்கள்தான் எங்கட தமிழ்த் தலைவர்கள்.

இவை இனியும் ஆட்சிக்கு வரப்போற ஆட்களை எதிர்த்து எதிர்த்தே தங்கட சீவியத்தைப் பாத்துக் கொள்ளுவினம்.

வியாபாரம் எண்டால் இப்ப டித்தான். சனங்களை ஏமாத்துறதுக்கு ஒரு தந்திரோபாயம் தேவைதான்.

அதுக்காக சனங்களின்ரை சோத்துக்குள்ள மண்ணள்ளிப் போட முடியுமா?

ஆனால் எந்தக் கூச்ச நாச்சமும் இல்லாமல் தமிழ்ச் சனங்களின்ரை சோத்துக்குள்ளையும் கண்ணுக்குள்ளயும் மண்ணள்ளிப் போடுகினம் இந்தத் தமிழ்த் தலைவர்கள்.

இதுக்கு ஒரு ஆலவட்டமும் கொடி, குடையும் பிடிக்கினம் படிச்ச, உத்தியோகம் பார்க்கிற ஆட்கள்.

இவைதான் இந்த மோசடிக் கூட்டத்தையே தண்ணி ஊத்தி வளர்க்கிற ஆட்கள். தாங்கள் அரசாங்கச் சம்பளத்தில் வாழ்ந்து கொண்டு நல்லா வசதிகளை அனுபவிச்சுக் கொண்டு இந்த ஏழைச் சனங்களின்ரை வாயிலையும் வயித்திலையும் மண்ணள்ளிப் போடுகிறவை.

அரசாங்கத்தை எதிர்த்து நாலு வசனம் பேசினால் தாங்கள் எல்லாம் ஏதோ பெரிய புரட்சித் தலைவர்கள் எண்ட மாதிரியும் தேசியம் தியாகிகள், புனிதர்கள் எண்ட மாதிரியும் ஒரு கதை.

அரசாங்கத்தை ஆதரிக்கிறதும் எதிர்க்கிறதும் சனங்களின்ரை நன்மைக்காக இருக்கோணுமே தவிர, தங்கட நன்மைகள், நலன்களுக்காக இருக்கக் கூடாது.

(தினகரன்)