படுகொலைக்குப் பின்னும் தொடரும் அமீரின் அரசியல்

(ஜெயபாலன். த)

யூலை 13, 1989 அன்று படுகொலை செய்யப்பட்ட தமிழர் விடுதலைக் கூட்டணியின் தலைவர் அப்பாப்பிள்ளை அமிர்தலிஙம்கம் அவர்களின் 25வது ஆண்டு நிறைவு இவ்வாண்டாகும். இதனையொட்டி யூலை 12 2014இல் நினைவுப் பேருரை நிகழ்வு ஒன்றை  தமிழர் விடுதலைக் கூட்டணியின் பிரித்தானியக் கிளை ஏற்பாடு செய்துள்ளது.

Institute of Constitutional Studies இன் இயக்குனர்கலாநித ஜெயம்பதி விக்கிரமரட்ணே இந்த நினைவுப் பேருரையை வழங்க இருக்கிறார். 1975 யூலை 27இல் அல்பிரட் துரையப்பாவின் முதல் கொலையில் இருந்து 11 கொலைகளுக்கு விடுதலைப் புலிகள் முதற்தடவையாக 1978 ஏப்ரல் 25இல் உரிமைகோரி தங்களது சுருக்கமான அறிக்கையை வெளியிட்டனர். இந்த அறிக்கையானது அன்றைய பா உ அமிர்தலிங்கத்தின் பாராளுமன்ற அலுவலக அறையில் இருந்த தட்டச்சு இயந்திரத்தில் அவருக்கு தெரியாமலேயே அங்கு பணியாற்றிய ஊர்மிலாவால் தட்டச்சு செய்யப்பட்டு ஊடகங்களுக்கு அறுப்பி வைக்கப்பட்டது. ஆனால் தமிழர் விடுதலைக் கூட்டணியின் தலைவர்களை தமிழீழ விடுதலைப் புலிகள் படுகொலை செய்த போது முதலில் அப்படுகொலைகளுக்கு உரிமை கோரவில்லை. பின்நாட்களிலேயே இப்படுகொலைக்கு விடுதலைப் புலிகள் பொறுப்பேற்றனர்.

தமிழீழ விடுதலைப் புலிகளின் தலைவர் வே பிரபாகரனின் குறுகிய அரசியல் பார்வையும் குறுகிய சிந்தனையும் படுகொலை அரசியலை தமிழீழ விடுதலைப் புலிகளின் அமைப்பு வடிவமாகக் கொண்டிருந்தது. தமிழீழ விடுதலைப் போராட்டத்தின் படுகொலை அரசியல் இயந்திரமாக தமிழீழ விடுதலைப் புலிகளும் கொலை இயந்திரத்தை இயக்கியவராக வே பிரபாகரனும் இருந்தனர்.

இவருடைய தலைமையில் பல ஆயிரம் புலிப் போராளிகள் சகோதர அமைப்புப் போராளிகள் தமிழர்கள் சக முஸ்லீம் மக்கள் சக சிங்கள மக்கள் படுகொலை செய்யப்பட்டனர்.

தமிழ் மக்களின் அரசியல் போக்கை மாற்றிய படுகொலைகளில் அப்பாப்பிள்ளை அமிர்தலங்கததன் படுகொலை மிக முக்கியமானது. அமிர்தலிங்கம் இருக்கின்றவரை தன்னுடைய அரசியல் மேலாண்மையை நிறுவ முடியாது என்ற நிலையில் வே பிரபாகரன் அமிரதலிங்கத்தை படுகொலை செய்யும் முடிவுக்கு வந்தாகவே கருதப்படுகிறது.

துரையப்பாவின் படுகொலையை து}ண்டிய தமிழரசுக் கட்சி அதே துப்பாக்கிகள் தங்களுக்கு எதிராக திருப்பப்படும் என்பதை எதிர்வு கூறத் தவறிவிட்டனர். படுகொலைக் கலாச்சாரததை ஆரம்பிதது வைதத வே பிரபாகரனும் அதே பாணியில் படுகொலை செய்யப்பட்டார். வரலாற்று அனுபவங்களைக் கற்றுக்கொள்ளத் தவறுபவர்கள் அந்த வரலாற்றை மீள எதிர்கொள்ள நிர்ப்பந்திக்கப்படுவது தவிர்க்க முடியாதது.  அதற்கு வே பிரபாகரன் நல்லதொரு உதாரணம்.

தமிழீழ விடுதலைப் புலிகளை தங்கள் அரசியல் தலைமையாக ஏற்றுக்கொண்டவர்கள்இன்று 1987இல் அ அமிர்தலங்கம் தக்க வைத்துக்கொண்ட அரசியல் தீர்வை  இலங்கை – இந்திய ஒப்பந்தத்தின் மூலம் உருவாக்கப்பட்ட மாகாண சபையை – பற்றிக்கொண்டே தங்களத் தக்க வைத்துக்கொண்டுள்ளனர் என்பது குறிப்பிடத்தக்கது.

அ அமிர்தலிங்கத்தின் அரசியல் மேலாண்மையை அழித்தொழிக்க அவர் படுகொலை செய்யப்பட்ட போதும், கால்நூற்றாண்டுக்குப் பின்னும் அவருடைய மேலாண்மையை படுகொலைக்கு உத்தரவிட்டவரால் இல்லாமல் செய்ய முடியவில்லை. மாறாக அவரே படுகொலைக்கு உள்ளாகி அவருடைய மரணமும் அரசியலும் கேள்விக்கு உள்ளாகி விட்டது.