ரயில் பயணம்........ஒரு சுகமான பயணம்

மாட்டு வண்டிகளில், ரிக்ஷோ வண்டிகளில், கார்களில், பஸ் களில், லொறிகளில், உழவு இயந்திரங்களின் இழுவைப் பெட்டிகளில், கப்பல்களில், விமானங்களில் மக்கள் நாளாந்த வாழ்க்கையில் பிரயாணம் செய்கிறார்கள். சிலர் தூர இடங்களுக்கு பிரயாணம் செய்யும்போது ரயில் வண்டிகளில் செல்கிறார்கள். மற்றும் பலர் வெளிநாடுகளுக்குச் செல்லும்போது பெரும்பாலும் விமானங்களிலேயே பறக்கிறார்கள். மிகவும் குறைந்த தொகையினரே நாம் வாழும் தெற்காசியப் பிராந்தியத்தில் கப்பல் பயணத்தில் ஈடு படுகிறார்கள்.

இவை ஒவ்வொன்றிலும் பிரயாணம் செய்பவர்களை நாம் தனித் தனியாக சந்தித்து எந்த வாகனத்தில் பிரயாணம் செய்வதை நீங்கள் மிகவும் விரும்புகிaர்கள் என்று கேட்டால், நூற்றுக்கு நூறு வீதமா னோர் நாம் ரயில் பயணத்தையே அதிகம் விரும்புகிறோம் என்று பதில் அளிப்பார்கள்.

ரயில் வண்டியில் ஆறுதலாக காலை நீட்டி, ஆயாசமாக அமர்ந்து, பயணம் செய்வதுடன், அதற்குள்ளேயே கழிவறைகள், போசன சாலைகள் போன்ற வசதிகளுடன் அவை 30,40 கிலோ மீற்றர்களைக் கடந்தவுடன் ஒரு ரயில் நிலையத்தில் தரித்து நின்று செல்லும் வசதியை கொண்டிருக்கிறது.

இரவு தபால் ரயில் வண்டிகளில் படுக்கை வசதிகளும் செய்து கொடுக் கப்படுகின்றது. ரயில் வண்டிகளில் பயணம் செய்பவர்களுக்கே நீண்ட நேரம் அமைதியாக இருந்து இயற்கை காட்சிகளை தங்கள் குடும்பத்தவர்களுடன் கண்டுகளிக்கும் வாய்ப்பும் கிடைக்கிறது. குறிப்பாக, இலங்கையில் மலையக ரயில் பாதையில் நாம் பயணம் செய்யும்போது மலையகத்தின் இயற்கையான, ரம்மியமான காட்சி களை கண்டுகளிக்கும் வாய்ப்பும், சுரங்கங்களுக்குள் ரயில் ஊர்ந்து செல்லும்போது இருளில் பிள்ளைகள் பெற்றோரை கட்டிய ணைத்து பயப்படும் ஒரு மகிழ்ச்சியும் ஏற்படுவதுண்டு. கடற்கரை களை நீண்ட நேரம் பார்த்துக்கொண்டு பயணம் செய்யும் வாய்ப் பையும் ரயில் வண்டிகள் கொடுக்கின்றன.

இவ்விதம் தெற்காசிய பிராந்தியத்திலுள்ள நாடுகளில் ரயில் பாதை களின் ஆரம்ப வரலாற்றை நாம் சற்று பின்னோக்கி பார்ப்போமே யானால், தெற்காசிய நாடுகளை ஆக்கிரமித்த ஆங்கிலேயரே தங்கள் சுயநலத்திற்காக வர்த்தகத்தைப் பெருக்கி பணம் சம்பாதிக் கும் எண்ணத்துடன் ரயில் பாதைகளை இந்தியா, பாகிஸ்தான், இலங்கை, பங்களாதேஷ் போன்ற நாடுகளில் ஆரம்பித்தனர்.

அன்று ஆங்கிலேயர் சுயநல நோக்கத்துடன் ஆரம்பித்த இந்த ரயில் சேவை இன்று இத்தகைய தெற்காசிய நாடுகளின் மக்களின் பேர பிமானத்தைப் பெற்று அவர்களின் வாழ்க்கையுடன் ஒன்றாகக் கலந்திருக்கிறது. உலகிலேயே மிகவும் நீளமான ரயில் பாதைகளைக் கொண்ட நாடு என்ற பெருமையையும் ரயில் வண்டிகள் இந்தியா வுக்கு பெற்றுக்கொடுத்துள்ளன. இந்தியாவின் ஆங்கிலேயர் ஆட்சிக்கு எதிராக மக்கள் சுதந்திரப் போராட்டத்தில் ஈடுபட்டுக் கொண்டிருந்த காலகட்டத்தில் மக்களை அடக்குவதற்கு துருப்புக் களை இந்தியாவின் பல பிரதேசங்களுக்கு காலதாமதமின்றி அனுப்பி வைப்பதற்கு ஆங்கிலேய ஆட்சியாளர்கள் ரயில் வண்டிகளை பயன்படுத்தினார்கள்.

இலங்கையில் தேயிலை, றப்பர் உற்பத்திகளை வெளிநாடுகளுக்கு ஏற்று மதி செய்வதற்காக காலதாமதமின்றி கொழும்புத் துறைமுகத்திற்கு எடுத்து வருவதற்காகவே மலையக மற்றும் களனி பள்ளத்துக்கு ரயில் பாதையை ஆங்கிலேய ஆட்சியாளர்கள் அமைத்தார்கள். இன்று ரயில் வண்டிகள் எங்கள் நாட்டு மக்கள் அனைவரையும் இணைக்கும் ஒரு பாலமாக இருந்து வருகிறது. விரைவில் தென் னிலங்கையில் கதிர்காமம் வரையில் ரயில் பாதை நீடிக்கப்படும். தற்போது வட பகுதியின் ரயில் பாதை ஓமந்தை வரையில் நீடிக் கப்பட்டிருக்கிறது. விரைவில் இது, மீண்டும் காங்கேசன்துறை வரை அமைக்கப்படும்.

அதற்குப் பின்னர், தென்னிலங்கையில் கதிர்காமத்தில் இருந்து வட இலங்கையின் காங்கேசன்துறை வரை ஒரே ரயில் வண்டி தங்கு தடையின்றி சேவையை நடத்தக்கூடிய வகையில் ரயில் பாதை விஸ்தரிக்கப்படும்.

இதுவரையில் ரயில் பாதையைப் பற்றியும், அதனால் மக்கள் அடை யும் நன்மைகளைப் பற்றியும் கருத்துக்களைத் தெரிந்துகொண்ட நாம் இந்த ரயில் சேவையை வெற்றிகரமான முறையில் நடத்து வதற்கு பின்னணியில் இருந்து அமைதியாக இரவு பகலாக கண் விழித்து, பணியாற்றும் ரயில் வண்டிகளின் சாரதிகளையும் அவற் றின் காட்மார்களையும் பற்றி சிறிதேனும் சிந்திப்பதில்லை.

இலங்கையில் மட்டுமல்ல உலகத்திலேயே வாகன விபத்துக்கள் நாளாந்தம் இடம்பெற்று நூற்றுக்கணக்கானோர் இன்று உயிர் துறக் கிறார்கள். இவர்களின் புள்ளி விபரங்களைப் பார்க்கும்போது ரயில் விபத்துக்களில் உயிரிழப்பவர்களின் எண்ணிக்கையே மிகவும் குறை வாக இருக்கிறது. ரயில் விபத்துக்கள் ஏற்படுவதுண்டு, இது இயற்கை யின் நியதி. ஆயினும், ரயில் விபத்துக்களின் எண்ணிக்கை மற்ற வாகன விபத்துக்களை விட மிகவும் குறைவாக இருக்கிறது என்ற உண்மையை மறந்துவிடலாகாது.

எனவே, ரயில் பயணமே மிகவும் பாதுகாப்பான பிரயாணம் என்ற கருத்தையும் நாம் வலியுறுத்துவது அவசியம். ரயில் வண்டிகளில் இரண்டு சாரதிகள் கண்விழித்துக்கொண்டு மழையிலும், வெயி லிலும், இரவிலும், பகலிலும் மிகவும் விழிப்புடன் தங்கள் பணி களை செய்கின்ற காரணத்தினால் தான் இன்று நாம் ரயில் பிர யாணம் பாதுகாப்பாக இருக்கிறது என்று மார்பைத் தட்டிக்கொண்டு சொல்லக்கூடியதாக இருக்கிறது. அதுபோன்றே ரயில் வண்டிகளில் தன்னந்தனியாக கடைசிப் பெட்டியில் செல்லும் கார்ட்டும் ரயில் பாதையில் ஏற்படக்கூடிய கோளாறுகளை மிகவும் சூட்சுமமான முறையில் ரயில் செல்லும்போது ஏற்படும் அசாதாரணமான சத்தத் தின் மூலம் அடையாளம் கண்டு ரயில் சாரதிகளுக்கும் அடுத்த ரயில் நிலையத்தின் பொறுப்பதிகாரிக்கும் அறிவித்து, பாரிய விபத் துக்கள் ஏற்படுத்துவதை தடுத்து விடுவார்கள்.

இனிமேலாவது ரயில் பயணத்தை முடித்துக்கொண்டு வண்டியில் இருந்து இறங்கும்போது நாம் ஒருதடவை அந்த ரயிலின் சாரதி கள் இருவரையும் கார்ட்டையும் நினைத்து மனதிலாவது நன்றி தெரிவிப்பது அவசியம்.

(தினகரன்)