இலங்கையின் இனப்பிரச்சினை தீர்வில் இந்திய தலையிட மாட்டாது

தமிழ்நாடு மாநில அரசாங்கம் இலங்கைக்கு எதிரான எத்தகைய தவறான கொள்கைகளை கடைப்பிடித்தாலும், அதனால் இலங் கைக்கும், இந்தியாவுக்கும் இடையிலான நட்பு பாலத்திற்கு எவ் விதத்திலும் பாதிப்பு ஏற்படாது என்பதை இலங்கைக்கு இரண்டு நாள் விஜயத்தை மேற்கொண்ட இந்திய உயர்மட்ட குழுவினர், உறுதிப் படுத்தியுள்ளார்கள்.

இந்திய வெளிவிவகார செயலாளர் நிருபமா ராவ், இந்திய தேசிய பாதுகாப்பு ஆலோசகர் சிவ்சங்கர் மேனன், பாதுகாப்பு செயலாளர் பிரதீப்குமார் ஆகியோரைக் கொண்ட இந்திய உயர்மட்டக் குழு வினர் கடந்த சனிக்கிழமை ஜனாதிபதி மஹிந்த ராஜபக்ஷ அவர் களை சந்தித்து, நாட்டின் இனப்பிரச்சினைக்கு சுமுகத் தீர்வை ஏற் படுத்துதல் உட்பட பலதரப்பட்ட விடயங்கள் குறித்து, விரிவான பேச்சுவார்த்தைகளை நடத்தினார்கள்.

இந்த சந்தர்ப்பத்தில் இந்தியக் குழுவினர் இந்திய அரசாங்கம் இலங் கையின் இறைமையை மதிக்கின்றது என்றும், இனப்பிரச்சினைக்கு இவ்விதம் தான் தீர்வை ஏற்படுத்த வேண்டும் என்று இலங்கை அரசாங்கத்தின் மீது, எத்தகைய அழுத்தங்களையும் கொண்டுவரப் போவதில்லை என்றும் உறுதியளித்தனர்.

இலங்கை மக்களின் ஏகோபித்த அங்கீகாரத்தை பெறக்கூடிய ஒரு அர சியல் தீர்வை காணும், இலங்கை அரசாங்கத்தின் முயற்சிகள் வெற்றி பெறுவதை இந்தியா வரவேற்கும் என்றும் அவர்கள் உறுதியளித்தார்கள்.

இந்த சந்தர்ப்பத்தில் கருத்து தெரிவித்திருக்கும் ஜனாதிபதி அவர்கள் அரசியல் சாசனத்தின் 13வது சட்ட திருத்ததிற்கு அமையவும், அதனைவிட கூடுதலாகவும் அதிகாரப் பரவலை நடைமுறைப் படுத்தி, மாகாண சபைகளின் அதிகாரத்தை அதிகரிப்பதற்கு தமது அரசாங்கம் விரும்புகிறது என்று தெரிவித்துள்ளார்.

அரசாங்கம் கொண்டு வரும் அரசியல் தீர்வு இந்நாட்டிலுள்ள சகல மக்களினதும் ஏகோபித்த அங்கீகாரத்துடன் மட்டுமே நிறைவேற் றப்படும் என்றும், அவ்விதம் செய்வதன் மூலம் இந்த புதிய நடை முறையை என்றும் நிலைத்திருக்கச் செய்து, நாட்டில் சமாதானத் தையும், ஐக்கியத்தையும் உறுதிப்படுத்த முடியும் என்று ஜனாதிபதி தெரிவித்துள்ளார்.

எல்.ரி.ரி.ஈ இயக்கமும் அதன் கொள்கைகளை ஆதரிக்கும் ஏனைய அமைப்புக்களோ விடுக்கும் கோரிக்கைகளை அரசாங்கம் பரி சீலனை செய்ய தயாராக இல்லை என்று தெரிவித்த ஜனாதிபதி, இந்நாட்டு மக்களுக்கு உண்மையிலே நன்மை தரக்கூடிய யதார்த்த பூர்வமான அரசியல் தீர்வை ஏற்படுத்துவதில் அரசாங்கம் பின் நிற்கப் போவதில்லை என்று கூறினார்.

மாகாண சபைகளுக்கு பொலிஸ் அதிகாரத்தையும், காணி அதிகாரத்தையும் கொடுக்க முடியாது என்றும் ஜனாதிபதி திட்டவட்டமாக அறி வித்துள்ளார். இலங்கை அரசாங்கத்தின் இந்த உத்தியோக பூர்வ நிலைப்பாட்டை தெரிந்து கொண்ட இந்திய குழுவினர், இந்தியா இலங்கையின் உள் விவகாரங்களில் தலையிட மாட்டாது என்றும், இலங்கை அரசாங்கம் எடுக்கும் எந்தவொரு நல்ல தீர்மானத்தை யும் இந்தியா மனப்பூர்வமாக ஏற்றுக்கொள்ளும் என்றும் உறுதி யளித்தார்கள்.

இதேவேளையில், மீள்குடியேற்ற பிரதியமைச்சர் விநாயகமூர்த்தி முரளி தரன் புலம்பெயர்ந்து வெளிநாடுகளில் வாழும் தமிழர்கள் அனை வரும் புலிகளல்ல என்றும், அவர்கள் இந்நாட்டு மக்கள் என்றும் அவர்கள் அனைவரையும் புலிகள் என்ற பார்வையில் நோக்கக் கூடாது என்றும் தெரிவித்துள்ளார்.

புலம் பெயர்ந்து வாழும் எமது நாட்டு தமிழ் மக்களுக்கு மீண்டும் இலங்கைக்கு திரும்பி வருவதற்கு பூரண உரிமை இருக்கிறது என்றும், அவர்களை அழைத்து தெளிவுபடுத்த வேண்டிய கடமை எங்களுக்கு இருக்கிறது என்றும் சுட்டிக்காட்டிய பிரதியமைச்சர் முரளிதரன், அவர்கள் விடயத்தில் நாங்கள் உணர்ச்சிவசப்படக் கூடாது என்றும் தெரிவித்துள்ளார்.

புலம் பெயர்ந்து வாழும் தமிழர்களில் சிலர் புலிகளாகவும் இருக்கிறார் கள். என்று தெரிவித்த அவர், இவர்கள் வெளிநாட்டிலிருந்தவாறு நிதி சேகரித்து, அதன் மூலம் வாழ்ந்து வருகிறார்கள். இதனை ஓர் அளவுகோலாக வைத்து, புலம்பெயர்ந்த தமிழர்கள் அனைவரை யும் புலிகள் என்று நோக்கக்கூடாது என்று தெரிவித்தார்.

புலம்பெயர்ந்த தமிழ் மக்கள் நல்ல அறிவும், மதிநுட்பமும் பெற்று, தொழில்நுட்பத்துறை, தகவல் தொழில்நுட்பம் ஆகியவற்றிலும் வைத் திய பொறியியல் துறையிலும் இன்று முன்னிலையில் இருந்து வருகிறார்கள். அவர்களது அறிவுத்திறன் எமது நாட்டிற்கு தேவை யானது. அவர்கள் இங்கு திரும்பி வரும் பட்சத்தில் அவர்களை நாம் எமது அபிவிருத்தி பணியில் பங்காளிகளாக மாற்றமுடியும் என்றும் பிரதியமைச்சர் விநாயகமூர்த்தி முரளிதரன் மேலும் தெரி வித்துள்ளார்.

ஜனாதிபதி மஹிந்த ராஜபக்ஷ அவர்கள் இனப்பிரச்சினைக்கு நிரந்தர அரசியல் தீர்வொன்றை ஏற்படுத்துவதற்கு முயற்சி எடுத்து வரும் சந்தர்ப்பத்தில், அதற்கு இந்நாட்டு மக்கள் அனைவரும் மட்டு மன்றி, வெளிநாடுகளில் வாழும் புலம்பெயர்ந்த தமிழர்களும் தாய் நாட்டுப்பற்றுடன் ஒத்துழைப்பு அளிப்பது மிகவும் அவசியமாகும்.

(தினகரன்)