யுத்தத்தில் படுதோல்வியடைந்தாலும் சர்வதேச ரீதியில்  எல்.ரி.ரி.ஈ ஆதரவாளர்கள் இலங்கைக்கு தீங்கிழைக்கிறார்கள்

எல்.ரி.ரி.ஈ இயக்கம் யுத்த முனையில் படுதோல்வியடைந்துள்ள போதிலும் அதன் தீவிர கொள்கைகளை கடைப்பிடிக்கும் பலர் புலம்பெயர்ந்த மக்களில் சங்கமித்து, இலங்கைக்கு எதி ராக சர்வதேச ரீதியில் அழுத்தங்களையும், பிரச்சினைகளையும் ஏற்படுத்தும் இன்னுமொரு பயங்கரவாத செயற்பாட்டில் இறங்கி யிருப்பதாக பாதுகாப்புச் செயலாளர் கோத்தாபய ராஜபக்ஷ அவர் கள் தெரிவித்துள்ளார்.

புலம்பெயர்ந்த புலிகளுக்கு உதவுபவர்களுக்கு எதிராக அணிதிரண்டு எங்கள் நாட்டின் தேசப்பற்றுள்ள மக்கள் அனைவரும் செயற்பட வேண்டுமென்றும் அவர் கேட்டுக் கொண்டுள்ளார்.

நாடு பெற்றுள்ள வெற்றியை காட்டிக் கொடுத்து மீண்டும் பயங்கர வாதம் தலைதூக்குவதற்கு உறுதுணை புரிவோருக்கு எதிராகவும், நாட்டைப் பாதுகாப்பதற்கும் மக்கள் மீண்டும் அணிதிரள வேண்டு மென்றும் அவர் கேட்டுக் கொண்டார்.

எல்.ரி.ரி.ஈ அப்பாவி மக்களை பயமுறுத்தி மாதாந்தம் பலவந்தமாக வாங்கிய கோடான கோடி ரூபாவையும், போதைவஸ்து கடத்தல், ஆயுதக்கடத்தல் போன்ற சட்டவிரோத நடவடிக்கைகள் மூலமும் சம்பாதித்த பணம் முழுவதும் இன்று வெளிநாடுகளிலேயே தேங்கிக் கிடக்கின்றன.

அந்தப் பணத்தை பயன்படுத்தியே இலங்கைக்கு எதிரான அரசியல் நடவடிக்கைகளில் சர்வதேச ரீதியில் இன்று எல்.ரி.ரி.ஈயின் ஆதர வாளர்கள் அரங்கேற்றி வருகின்றார்கள்.

தாருஸ்மன் அறிக்கையும், எல்.ரி.ரி.ஈயின் தூண்டுதலின் பேரில் தயா ரிக்கப்பட்ட அறிக்கை என்று குற்றம் சாட்டும் அளவுக்கு இவ்வறிக் கையில் உண்மைக்கு முரணான பல விடயங்கள் சேர்க்கப்பட்டி ருக்கிறது.

எல்.ரி.ரி.ஈயின் ஆதரவாளர்களும், மேற்குலகிலுள்ள இலங்கைக்கு எதி ரான ஏகாதிபத்தியவாதிகளும் எங்கள் நாட்டுக்கு எவ்வளவுதான் தீங்கிழைக்க எத்தணித்தாலும் அம்முயற்சிகள் என்றுமே வெற்றி யடையப் போவதில்லை. அதற்கு காரணம் உலகில் நீதி, நியாயத் தின் மீது நம்பிக்கை வைத்துள்ள பல தேசங்கள், இலங்கையின் மீது காட்டிவரும் அன்பும், மதிப்பும், மரியாதையுமேயாகும்.

இன்று இலங்கைக்கு ஆதரவாக ஐக்கிய நாடுகள் சபையில் வீட்டோ அதிகாரத்தைப் பெற்றிருக்கும் இரு வல்லரசுகளான சீனாவும், ரஷ்யாவும் இருந்து வருகின்றன. எக்காரணம் கொண்டும் நாம் இலங்கை மீது சில தீய சக்திகள் பிரச்சினைகள் ஏற்படுத்த இட மளிக்க மாட்டோம் என்று இவ்விரு நாடுகளும் அறிவித்துள்ளன.

ஜனாதிபதி மஹிந்த ராஜபக்ஷ ஒரு சிறந்த தேசத் தலைவர் மட்டு மல்ல. ஒரு சிறந்த இராஜதந்திரியுமாவார். தமது அரசாங்கத்திற்கு எதிராக எல்.ரி.ரி.ஈயின் கைம்பொம்மைகளாக ஆட்டிப் படைக்கப்படும் சில ஏகாதிபத்தியவாத சக்திகள் இலங்கை மீது அநாவசியமான அழுத்தங்களையும், பிரச்சினைகளையும் ஏற்படுத்த எத்தணிக்கும் போது, அவர் எங்கள் நாட்டின் உண்மையான நட்பு நாடுகளான ரஷ்யா மற்றும் சீனாவின் நேசக்கரத்தை வலுவாக பற்றிக்கொள் ளும் ஒரு சிறந்த கொள்கையை இன்று வெற்றிகரமான முறையில் கடைப்பிடித்து வருகின்றார்.

சமீபத்தில் சென்.பீற்றர்ஸ் பேர்க் சர்வதேச பொருளாதார பேரவைக் கூட்டத்தில் கலந்து கொள்வதற்காக ரஷ்யா சென்றிருந்த போது ஜனாதிபதி மஹிந்த ராஜபக்ஷ அங்கு ரஷ்ய ஜனாதிபதி டிமிட்றி மெட்வடேவை சந்தித்து இரு தேச நல்லுறவு, பரஸ்பர பொரு ளாதார ஒத்துழைப்பு போன்ற பலதரப்பட்ட விடயங்கள் குறித்து பேச்சுவார்த்தைகளை நடத்தினார். பயங்கரவாதத்தினால் இலங்கை யும், ரஷ்யாவும் பெருமளவில் பாதிப்பிற்குள்ளானதுடன், பெருமளவு உயிரிழப்பையும், பொருள் இழப்பையும் அடைந்துள்ளதாக இந்த சந்திப்பின் போது இலங்கை ஜனாதிபதி அவர்கள் சுட்டிக்காட்டினார்.

அடுத்து ஜனாதிபதி மஹிந்த ராஜபக்ஷ சீன ஜனாதிபதி ஹ¥ ஜிந்தா வோவைச் சந்தித்து உரையாடினார். இந்த சந்திப்பின் போது சீனத் தலைவர் இலங்கையின் சுதந்திரத்தையும், இறைமையையும் பேணிப் பாதுகாப்பதற்கும், சீனா என்றும் தயாராக இருக்கிறதென்று உறுதி யளித்தார். இலங்கையின் உள் விவகாரங்களில் வெளிநாட்டு தலையீடு இருப்பதை சீனா வன்மையாக கண்டிக்கிறதென்றும் அவர் கூறினார்.

இவ்விதம் ஜனாதிபதி மஹிந்த ராஜபக்ஷ வெளிநாடுகளில் உள்ள இலங்கையின் நட்பு நாடுகளின் ஆதரவை இன்று பெற்றுக் கொள் வதில் வெற்றி கண்டுள்ளார். நாடு பயங்கரவாதிகளை பூண்டோடு ஒழித்துக் கட்டியதன் மூலம் அடைந்த மாபெரும் வெற்றியை நாம் காப்பாற்ற வேண்டுமேயானால், உள்ளூரில் மட்டுமல்ல வெளிநாடு களில் இருந்தும் எல்.ரி.ரி.ஈயின் ஆதரவாளர்கள் மேற்கொண்டு வரும் போலிப் பிரசாரங்களுக்கு தக்க பதிலடி கொடுத்து, உண்மை நிலையை உலக நாடுகளுக்கு எடுத்துக் காட்டுவது அவசியமாகும்.

சில காலம் மெளனமாக இருந்த சனல்-4 தொலைக்காட்சி மீண்டும் தனது திருகுதாளங்களை எல்.ரி.ரி.ஈயின் பணத்திற்கு அடிமையாகி ஆரம்பித்து போலியான ஒளிநாடாக்களை இன்று வெளியிட்டுக் கொண்டிருக்கிறது. இந்த சனல்-4 தொலைக்காட்சி சேவையின் பணியாளர்கள் ஒருவர் கூட இங்கு வந்து இந்த ஒளிநாடாக்களை பதிவு செய்யவில்லை.

இலங்கையில் எங்களோடு வாழ்ந்து கொண்டிருக்கும் சில தேசத் துரோகிகளே எல்.ரி.ரி.ஈயின் பணத்திற்கு அடிமையாகி, இப்படியான போலி ஒளிநாடாக்களை சனல்-4 தொலைக்காட்சி சேவைக்கு அனுப்பி வைத்திருக்கிறார்கள்.

எல்.ரி.ரி.ஈயை கண்டித்து வரும் நாம், எங்கள் மத்தியில் உள்ள இத் தகைய தேசத் துரோகிகளை இனங்கண்டு தண்டிப்பது மிகவும் அவசியம். இதன் மூலமே எல்.ரி.ரி.ஈ பயங்கரவாதம் மீண்டும் எங் கள் நாட்டில் நிலை கொள்வதை நிரந்தரமாக தடுத்துவிட முடியும்.

(தினகரன்)