ஜே.வி.பிக்கும் எல்.ரி.ரி.ஈ இற்கும் இடையில் இரகசியத் தொடர்பு இருக்கின்றதா?

அரசியலில் செல்லாக்காசாகி மக்களால் அரசியல் குப்பைத் தொட் டியில் தூக்கியெறியப்பட்டிருக்கும் ஜே.வி.பி. மீண்டும் தன்னு டைய தேசத்துரோக செயற்பாடுகளை மேற்கொள்வதற்காக பழைய குருடி கதவைத் திறடி என்ற நிலைக்கு தள்ளப்பட்டுள்ளது. ஜனநாயக ரீதியில் மக்களால் தெரிவு செய்யப்பட்ட ஓர் அரசாங்கத்தை துப் பாக்கி முனையில் அடிபணியவைத்து, அரசாட்சியை கைப்பற்ற வேண் டுமென்ற வன்முறை கலாசாரத்தை இலங்கையில் முதல் தடவையாக 1971ம் ஆண்டு ஏப்ரல் மாதம் ஆயுதக் கிளர்ச்சியின் மூலம் ஜே.வி.பி. அறிமுகம் செய்து வைத்தது. இந்தக் காலகட்டத்தில் வடபகுதியிலும் கிழக்கு மாகாணத்திலும் உள்ள தமிழ் இளைஞர்கள் ஆயுதப் போராட்டங்களைப் பற்றி நினைத்துகூட பார்க் காமல் தங்கள் உயர் கல்வியிலேயே முழுக்கவனத்தையும் ஈர்த்து, நாட் டுக்கு நல்லது செய்யக்கூடிய படித்த இளைஞர்களாக தங்களை உரு வாக்கிக் கொள்வதில் ஆர்வத்துடன் இருந்தார்கள்.

இந்த காலகட்டத்தில் ஜே.வி.பி. என்ற இடதுசாரிப் போக்கை ஆதரிக்கும் சிங்கள இளைஞர்களை பலிக்கடாக்களாக மாற்றும் இந்த இயக்கம் நாட் டின் ஜனநாயக பாரம்பரியத்தையும், வெஸ்ட் மினிஸ்டர் ஆட்சி முறை யையும் பூண்டோடு அழித்துவிடும் எண்ணத்துடன் 1971ம் ஆண்டின் அரசாங்கத்திற்கு எதிரான கிளர்ச்சியை ஆரம்பித்தது.

ஜே.வி.பியின் தலைவர்கள் இந்தப் போராட்டத்திற்கான எண்ணக்கருவை தயா ரித்து அதனை நிறைவேற்றும் பொறுப்பை அப்பாவி சிங்கள இளைஞர் களிடம் கொடுத்தார்கள். 5 பாடங்கள் என்ற இரகசிய வகுப்புகளை இவ் வியக்கத்தின் தலைவர்கள் சிங்கள இளைஞர்களின் மனதில் புகட்டி, இந்த போராட்டத்தில் ஈடுபட்டு நாட்டை ஏகாதிபத்தியவாதிகளிடம் இரு ந்து விடுவியுங்கள் என்று தேசப்பற்றுள்ள வர்களைப் போன்று நடித்து ஜே.வி.பி. தலைவர்களை சிங்கள இளைஞர்களை நட்டாற்றில் தள்ளி னார்கள்.

இந்த ஜே.வி.பி. கிளர்ச்சியை இந்திய விமானப் படையின் ஹெலிகொப்டர் களின் உதவியுடன் சில தினங்களில் பிரதம மந்திரி திருமதி ஸ்ரீமாவோ பண்டாராநாயக்கவின் அரசாங்கம் அடக்கியது. இதனால் சுமார் 80 ஆயிரத்திற்கும் மேற்பட்ட சிங்கள இளைஞர்கள் அநியாயமாக தங்கள் உயிர்களை பலிகொடுத்தார்கள்.

ஏப்ரல் கிளர்ச்சியை அடக்கியவுடன் அரசாங்கம் இதில் சம்பந்தப்பட்ட இளை ஞர்கள் அனைவரும் தங்களிடம் வந்து, சரணடைந்தால் அவர்களுக்கு புனர்வாழ்வளித்த பின்னர் விடுவிப்போம் என்று அளித்த வாக்குறுதி, சரியான முறையில் நிறைவேற்றப்பட்டது. இதனால் ஜே.வி.பியின் முது கெலும்பு முறிக்கப்பட்டதென்று அரசாங்கமும் அரசியல் கட்சிகளும் நம்பிக்கை கொண்டிருந்த போதிலும், தலைமறைவாகி உயிர்தப்பிய ஜே.வி.பி. தலைவர்கள் மீண்டும் அதற்கு உயிரூட்டினார்கள்.

இவ்விதம் உயிர்பெற்று வந்த ஜே.வி.பி. 1982ம் ஆண்டு ஜனாதிபதித் தேர் தலில் போட்டியிட்டது. இதில் எல்லாமாக 6 வேட்பாளர்கள் போட்டி யிட்டார்கள். ஜனாதிபதி தேர்தலில் ஐக்கிய தேசியக்கட்சியின் தலைவர் ஜே.ஆர்.ஜயவர்தன 34 லட்சத்து 50 ஆயிரத்து 811 வாக்குகள் பெற்று வெற்றியீட்டினார். இவருக்கு அன்று 52.91சதவீத வாக்குகள் கிடைத்தன.

சிறிலங்கா சுதந்திரக்கட்சியின் வேட்பாளர் ஹெக்டர் கொப்பேகடுவ 25லட் சத்து 48 ஆயிரத்து 438 வாக்குகளை பெற்று இரண்டாம் இடத்தையும், மூன்றாம் இடத்தைப்பெற்ற ரோஹன விஜேவீர 2 லட்சத்து 73 ஆயி ரத்து 428 வாக்குகளும், அகில இலங்கை தமிழ் காங்கிரஸின் தலைவர் குமார் பொன்னம்பலம் ஒரு லட்சத்து 73ஆயிரத்து 934 வாக்குகளை யும், லங்கா சமசமாஜக் கட்சியின் தலைவர் கொல்வின் ஆர் டி. சில்வா 58 ஆயிரத்து 531 வாக்குகளையும், நவசமசமாஜ கட்சியின் தலைவர் வாசுதேவ நாணயக்கார 17 ஆயிரத்து 5 வாக்குகளையும் பெற்றனர்.

இவ்விதம் அரசியலில் அதிகாரத்தைப் பெறலாம் என்று முயற்சித்த ஜே.வி.பி. அதுவும் சரிபோகாத காரணத்தினால் மீண்டும் 1988ல் வன் முறைகளை கட்டவிழ்த்துவிட்டு இன்னுமொரு தடைவை அப்பாவி ஆயிரக்கணக்கான சிங்கள இளைஞர்களின் மரணத்திற்கு வழிவகுத்தது. அதையடுத்து மீண்டும் தேர்தலில் பங்குகொண்டும் பாராளுமன்றத்திற்கு சென்றும் தங்கள் எண்ணத்தை நிறைவேற்ற முடியாததனால் இப்போது அரசாங்கத்துக்கு உள்ளூரிலும் வெளிநாட்டிலும் அவப்பெயரை ஏற்ப டுத்திக் கொடுப்பதற்கான போலிப் பிரசாரங்களையும் ஆர்ப்பாட்டங்க ளையும் நடத்துவதற்கு எத்தனித்துள்ளது.

கட்டுவனவில் இடம்பெற்ற இரட்டைக்கொலை சம்பவத்திற்கும் அரசாங்கத் திற்கும் தொடர்பு இருக்கிறதென்று இன்று (22) லண்டனில் மாபெரும் ஆர்ப்பாட்டத்தை நடத்துவதற்கு ஜே.வி.பி. முடிவெடுத்துள்ளது. நாட்டில் நடைபெறும் வன்முறைகளுக்கும் படுகொலைகளுக்கும் அரசாங்கத்தின் மீது குற்றம் சுமத்துவது தவறு. அரசாங்கம் இத்தகைய வன்முறைகள் பற்றி நியாயபூர்வமான விசாரணைகளை நடத்தி குற்றமிழைத்தவர்களை தண்டிக்கும் தார்மீக பொறுப்பைக் கொண்டுள்ளது.

அதனடிப்படையில் பொலிஸார் இப்போது ஒரு சந்தேக நபரை கைது செய்து தொடர்ந்து விசாரணைகளை நடத்திக் கொண்டிருக்கிறார்கள். இந்த சம்பவத்தை அரசியலாக்கி தங்கள் கட்சியின் செல்வாக்கை மீண்டும் பெருக்குவத ற்கு எடுத்துவரும் முயற்சிகள் ஒருபோதும் பயனளிக்கப் போவதில்லை.

ஜே.வி.பி. வெளிநாடுகளில் உள்ள எல்.ரி.ரி.ஈயை ஆதரிக்கும் புலம் பெயர்ந்த சில தீய சக்திகளுடன் ஒன்றிணைந்து இவ்விதம் அரச எதிர் ப்பு ஆர்ப்பாட்டங்களை செய்து கொண்டிருப்பதாக புலனாய்வு பிரிவி னருக்கு ஆதாரபூர்வமான தகவல்கள் கிடைத்து வருவதாக தெரிவிக்கப் படுகிறது.

நாட்டுப்பற்றுள்ளவர்களைப் போன்று வேடமணிந்து மக்களை ஏமாற்றும் ஜே.வி.பி. இனிமேலாவது உண்மையை உணர்ந்து வெளிநாட்டவர்கள் எங்கள் நாட்டில் தலையிட்டு எமது இறைமைக்கு ஏற்படுத்தக்கூடிய தீமைகளுக்கு தூபமிடுவதைப் போன்று செயற்படலாகாது. அவ்விதம் தொடர்ந்தும் ஜே.வி.பி. செயற்பட்டால் அவர்களுக்கு மக்கள் நிச்சயம் கடும் தண்டனையை கொடுப்பார்கள்.

(தினகரன்)