இனி வேண்டவே வேண்டாம்

தென்ன்னிலங்கையிலும் மலை யகத்திலும் அமைந்த பல கிராமங்கள், நக ரங்களில் கணிசமான தொகையினராக முஸ்லிம்கள் வாழ்ந்து வருகின்றார்கள். மதரீதியான, இனரீதியான தனித்துவ நடைமுறைகளும் வாழ்க்கை முறை யும் கொண்டுள்ள முஸ்லிம்கள் தென் னிலங்கையில் வாழும் பெளத்த, சிங் கள சகோதரர்களுடன் அன்புபேணி ஐக்கியம் வளர்த்து வாழ்ந்து வருப வர்கள். பரம்பரையாக வணிகத்தில் ஈடுபடும் இம்மக்கள் விடாமுயற்சி உடையவர்கள். துணிகள், பொருட்களைச் சுமந்து சென்று ஊருக்கு ஊர் விற்கும் நடை வியாபாரிகள் தொடக்கம் பெரிய வியாபாரத் தாபனங்களை நிர்வகிக்கும் வியாபாரிகள் வரை அனைவருமே வணிகத் தொழிலே வளமான தொழில் என நினைத்து முயற்சியு டன் தொழில் செய்பவர்கள். தொழி லின்மையால் சோம்பிக்கிடந்து தீய வழியில் திருடி, வழிப்பறியில் ஈடுபட்டு குற்றம் புரிபவர்கள் முஸ்லிம் சமூகத் தில் மிகக் குறைவாகும். புத்தி சாதூ ரியமாக தொழிலில் ஈடுபடும் முஸ்லிம் கள் பலர், தென்னிலங்கை கிராமங்க ளில், நகரங்களில் வாழ்க்கை வசதிக ளுடன் வாழ்கிறார்கள். அதேவேளை தம்முடன் வியாபாரத்தில் ஈடுபடும் பெளத்த, சிங்கள சகோதரர்களுடன் அன்புடனும், புரிந்துணர்வுடனும் பரஸ்பர நம்பிக்கையுடனும் வாழ்ந்து வருகிறார்கள். பெளத்த சிங்கள பொது மக்களுக்கும் முஸ்லிம் பொதுமக்க ளுக்கும் இடையில் எந்த வித வெறுப்போ மனக்கசப்போ கிடையாது. மாறாக இருசமூகங்களும் ஒற்றுமை பேணி வாழ்ந்து வருவது நீண்ட கால வரலாறு.

மொழிரீதியாக முஸ்லிம் சிறுவர்க ளும் , இளைஞர்களும் சிங்களத்தில் கற்றுப் பாண்டித்தியம் பெற்று தொழில் செய்கிறார்கள். சிங்கள மொழியை முஸ்லிம்கள் புறக்கணித்தவர்கள் அல்லர்.

அரசியல் ரீதியாக முஸ்லிம்களுக்குச் சுயாட்சி வேண்டுமெனக் கோரி செயல்பட்டவர்களும் அல்லர். தேசிய கட்சிகளில் இணைந்து நாட்டின் தேசியம், ஒருமைப்பாட்டுக்கு உதவி நல்கியும் நாட்டின் அபிவிருத்திக்கும் வளப்பெருக்கத்துக்கும் தம் சக்தியை செலவிட்டு வருபவர்கள் முஸ்லிம்கள் நாடு சுதந்திரம் பெறச் சிங்கள, தமிழ்ச் தலைவர்களுடன் டாக்டர் ரி.பி. ஜாயா, கேர்.ராசிக் பரீட் போன்ற முஸ்லிம் தலைவர்கள் இணைந்து பாடுபட்டனர். பெரும்பான்மை சிங்கள இனத்தின் மத்தியிலே மதச்சகிப்புத்தன்மையுடன் மற்ற மதங்களையும் கொள்கைகளையும் அனுட்டானங்களையும் மதித்து வாழ்ந்தவர்கள் முஸ்லிம்கள்.

ஒரு தனி நபருக்கு தனது மதத்திலும் இனத்திலும் பற்றும் அபிமானமும் இருக்கலாம். அதே வேளை மாற்று மதக்கோட்பாடுகளையும் நடைமுறை களையும் விமர்சிக்கவும் கண்டனம் தெரிவிக்கவும் தூற்றவும் உரிமை இல்லை. இந்த நடைமுறையை எந்த மதமும் போதிக்கவில்லை. மாற்று மதத்தவரை, இனத்தவரை தன் சகோ தரனாக மதித்து வாழ் என்றே எல்லா மதங்களும் போதித்துள்ளன. மற்ற மதத்தவனை வாழவிடாமல் அழிக்கவும் துன்புறுத்தவும் நஷ்டம் விளைவிக் கவும் கஷ்டங்களை ஏற்படுத்தவும் எந்த மதமும் சொல்லவுமில்லை.

உண்மையாக மதம் போதிக்கும் நல்வழியைப் பின்பற்றுபவருக்கு மனி தாபிமானம் இருக்கும். மற்றவரை துன்புறுத்தும் தீயகுணம் இருக்காது. அவ்வாறு துன்புறுத்துபவர் மதவாதியாக இருக்க முடியாது. மதவாதியென்று கூற அவர் அருகதையற்றவர் என்றே கருத வேண்டும்.

இந்த நாட்டிலே அமைதிபேணி சமாதானம் விரும்பி வாழும் முஸ்லிம் சமூகத்தை கடும்போக்காளர்கள் சிலர் அண்மைக்காலமாக அடிக்கடி விமர்சித் தும் கண்டித்தும் தூற்றியும் மனம் புண்பட நடந்து கொள்கிறார்கள். சிறு பான்மையினரான முஸ்லிம்களை சகோதரர்களாக எண்ண வேண்டியவர் கள். அதை மறந்து துன்பச் செயல்க ளில் ஈடுபடுகின்றார்கள்.

முஸ்லிம் பெண்களின் உடைபற்றி விமர்சித்துத் துன்பம் தந்தார்கள். சம யக் கடமைகளை செய்ய விடாது இடை யூறுகள் விளைவிக்கப்பட்டன. இஸ் லாத்தின் வேதநூலான குர்ஆனை விமர் சித்தார்கள்.

கடும்போக்காளர்கள் மெல்ல மெல்ல தமது விஷக்கருத்துக்களை சிங்கள, பெளத்த பொதுமக்கள் மத்தியில் பர ப்பி வருகின்றார்கள். இத்தகைய விஷமிகளை கட்டுப்படுத்தி இந்த நாட்டின் சிறுபான்மை இனங்களான முஸ்லிம், தமிழ் மக்களை பாதுகாக்கும் தார்மீகக் கடமை சகோதர இனமான சிங்கள மக்களைச் சார்ந்ததே. அதை தட்டிக்கழித்து வாழ முடியாது.

உண்மையில் அளுத்கமவில் நடை பெற்ற சம்பவங்களை நாகரீக உலகம் ஏற்றுக் கொள்ள முடியாது. எந்தக் குற்றமும் செய்யாத அப்பாவி முஸ்லிம்கள் வாழும் அளுத்கம, தர்காநகர், பேரு வளை நகரங்கள் கடும்போக்காளர்க ளின் தூண்டுதலால் அழிக்கப்பட்டுள்ளன. பள்ளிகள், வீடுகள், வாகனங்கள் எரி க்கப்பட்டுள்ளன. மக்களின் சொத்துக்கள் சூறையாடப்பட்டுள்ளன.

மக்கள் நிர்க்கதியாகிப் பள்ளிகளில் தஞ்சம் புகுந்திருந்த வேளையில் அவர்களுக்கு உதவ முன்வந்த அயற் கிராமத்தவர்கள் மறிக்கப்பட்டுள்ளனர். அப்பாவி சிறுபான்மை சமூகம், சிலரின் வக்கிரச் சொல்லுக்கு பலியாகியுள்ளது.

முஸ்லிம் இளைஞன் ஒருவனுக்கும் பிக்கு ஒருவருக்கும் இடையே ஏற்பட்ட பிணக்கைக் காரணமாக வைத்து சந்தர்ப்பம் பார்த்துக் கடும் போக்காளர்கள் கைவரிசையை காட்டியுள்ளனர். கடும்போக்காளர்களின் உணர்ச்சிகரமாக் பேச்சு சாதாரண பொதுமக்களைக் கோபாவேசப்படுத்தியுள்ளது. அமைதியும் சாந்தமும் சமாதானமும் போதிக்கப் பயிற்சி பெற்றவர்கள் கடும் நடவடிக்கைக்கு வித்திட்டதை எவரும் அங்கீகரிக்கமாட்டர். மாறாக குற்றவாளிகளை பெளத்தமக்கள் கூட சாபம் சொல்கிறார்களே தவிர, ஒரு போதும் மெச்சவில்லை. காரணம் பெளத்தர்கள் ஒருபோதும் பாவத்தை விரும்பாத ஆன்மாக்கள்.

கண்டுபிடிக்கப்பட்ட ஆயுதங்கள் வன்முறை திட்டமிட்டு நடத்தப்பட்டதை வெளிப்படுத்துகின்றது.

இந்த ஆயுத தாக்குதலுக்கு பலி யானவர்கள் எந்த மதத்தினருடனும் யுத்தம் செய்தவர்கள் அல்லர். யாருக்கும் துன்பம் செய்தவர்களுமல்லர். பெரும்பான்மைச் சமூகம் ஒன்றுடன் மோதவோ அல்லது வெறுப்புக்கொள்ளவோ சிறுபான்மை இன முஸ்லிம்கள் தாயாராக இல்லை. முஸ்லிம்கள் தம்முடன் வாழும் மற்றைய சமூகத்துடன் பரஸ்பர புரிந்துணர்வுடன் வாழக்கற்றுக் கொண்டவர்கள். புரிந்துணர்வு ஒற்றுமையுடன் நீண்ட காலமாக வாழ் ந்து வருபவர்கள். எனவே அவர்களை விஷமத்தனமாகத் தாக்கி துன்புறுத்து வதை எந்த மதமும் எந்த தர்ம சாத் திரமும் அனுமதிக்காது. அப்பாவிக ளைத் தாக்குவது வீரமல்ல. அப்பட்ட மான கோழைத்தனமாகும்.

கடும்போக்கு இயக்கமான பொது பலசேனாவின் நடவடிக்கைகள் எல்லை மீறிவிட்டதால் இவ்வியக்கத்தில் இருந்து விலகுவதாக இயக்கத்தின் தலைவராக இருந்த விமலதர்ம தேரர் அறிவித்திருப்பதாக செய்திகள் கூறுகின்றன.

அப்பாவி மக்களை உசுப்பிவிட்டு முஸ்லிம் கிராமங்களை அழிவுக்குட் படுத்தியவர்கள் தமக்கும் நடந்த சம்பவங்களுக்கும் தொடர்பில்லை, பொலிசார்தான் பொறுப்பு எனக் கூறுவது வேடிக்கையானது. குற்றச் செயல்களை நிறுத்தி சமாததானத்தை நிலைநாட்ட பாடுபடும் பொலிசார் மீது பழிசுமத்தி தாங்கள் தப்பித்துக் கொள்ளலாம் என இவர்கள் நினை க்கின்றனர்.

அப்பாவி முஸ்லிம்களின் உயிர்கள் உடமைகளைப் பாதுகாக்க அரசு உட னடியாக நடவடிக்கை எடுக்க வேண்டும் என மு.கா தலைவர் அமைச்சர் ரவூப் ஹக்கீம் கோரி இருக்கின்றார்.

சொத்திழந்து. சுகமிழந்து வாழும் அகதிவாழ்வை நானும் அனுபவித்தவன். எனக்கும் அதன் கஷ்டங்கள் தெரியும். அகதி முஸ்லிம்கள் இயல்பு நிலைக்கு கொண்டுவர வேண்டியது அரசின் கட மையென அமைச்சர் றிசாட் பதியூதீன் தெரிவித்துள்ளார். நடந்த சம்பவங்க ளைக் கண்டித்துச் சர்வ மதத் தலைவர்கள் அறிக்கை வெளியிட் டுள்ளனர்.

தர்கா நகர், பேருவளையில் நடந்த சம்பவங்களைக் கண்டித்தும் பாதிக்கப் பட்ட மக்களுக்கு அனுதாபம் தெரி வித்தும் நாடாளாவிய ரீதியில் முஸ் லிம்கள் கடையடைப்புச் செய்தனர். இந்த ஹர்த்தால் கடையடைப்பில் தமிழ் சகோதரர்களும் இணைந்து கொண்டனர்.

நாட்டில் சட்டமும் ஒழுங்கும் மீறப் படாது பாதுகாக்க அரசு நடவடிக்கை எடுக்கும். தர்கா நகர் சம்பவத்தில் சம் பந்தப்பட்ட குற்றவாளிகள் கண்டு பிடிக்கப்படுவதற்கு குற்றப்புலனாய்வு பிரிவும் கொழும்பு குற்றத் தடுப்பு பிரிவும் இணைந்து துரித விசாரணையில் ஈடு பட்டு வருகின்றது. குற்றவாளிகள் கண்டுபிடிக்கப்பட்டு தண்டிக்கப்படுபவர் எனவும் பிரதமர் உறுதியளித்துள்ளார்.

இத்தகைய சம்பவம் நடக்கும்போது வெளிநாட்டிலிருந்த ஜனாதிபதி தாயகம் திரும்பிய அடுத்த கணமே பாதிக்கப்பட்ட பகுதிகளுக்குச் சென்று மக்களைச் சந்தித்து ஆறுதல் கூறினார். குற்றவாளிகள் தண்டிக்கப்படுவர் என உறுதியளித்த ஜனாதிபதி, பாதிக்கப்பட்ட மக்களுக்கு நஷ்டஈடு வழங்கப்படுமென கூறியமை மக்கள் மனங்களில் தெம்பைத் தரு கின்றது.

எவ்வாறாயினும் இந்நாட்டில் இன வாதம் ஒழிக்கப்படவேண்டும் . இனமத நல்லிணக்கம் மலர்ச்சியடைய வேண் டும். கறுப்பு ஜூலை கலவரங்களின் சூடு இன்னும் ஆறவில்லை. 38 ஆண்டுகால பயங்கரவாதம் மறக்கப் படவில்லை. இவைகளை மனதில் கொண்டு கடும்போக்காளர்கள் மித வாதிகளாக மாறவேண்டும். முஸ்லிம்-தமிழ் சிறுபான்மை மக்களை இளைய சகோதரர்களாக மதித்து அரவணைத்து வாழவேண்டும்.

பெளத்த சிங்கள பொதுமக்கள் இனத்துவேஷம் உடையவர்கள் அல்லர். எனவே சிறுபான்மை மக்கள் நடந்ததை மறந்து பெளத்த சிங்கள மக்களுடன் புரிந்துணர்வு அன்பு, ஐக்கியம் பேணி எதிர்காலத்தில் வாழ வேண்டும். பிரச்சினைகள் எழும்போது பேசித்தீர்க்க வேண்டும். நாடாளாவிய ரீதியிலுள்ள முஸ்லிம் இயக்கங்கள் பள்ளிப்பரிபாலன சபைகள், முஸ்லிம் அமைச்சர்கள், அரசியல் வாதிகள், ஆன்மீகவாதிகள், சமூகநலன் விரும்பிகள் அனைவரும் இணைந்து கூட்டு நடவடிக்கையாக முஸ்லிம்களிடம் நன்கொடைகள் பெற்று தர்கா நகர், பேருவளையில் பாதிக்கப்பட்ட முஸ்லிம் குடும்பங்களின் அவசர, அவசிய தேவைகளை நிறைவேற்றி உதவிகள் நல்க வேண்டும்.

பாதிக்கப்பட்டவர்களை இனங்கண்டு அரசும், அவர்களுக்கு நஷ்டஈடு வழங்க நடவடிக்கை எடுக்க வேண்டும்.

இனமத உணர்வுகளை கட்டுப்படுத்தவும் சமாதானம் நிலைபெறவும் ஊடகங்கள் ஊடாக தர்மத்தைக் காத்துப் பணிபுரிய வேண்டும். இனங்களுக்கிடையிலான நல்லிணக்கம் தான் நாடு சுபீட்சம் பெறப் பேருதவி செய்யும்.

(சுஐப் எம். காசிம்)