முன்னோர் காலத்து பாரம்பரிய வேலைகளை கைவிட்டதால் நோயாளியாக மாறுகிறான் மனிதன்

எமது மூதாதையர் கடைப்பிடித்த பாரம்பரிய முறைகளைக் கைவிட்டு இன்று நவீன தொழில்நுட்ப வளர்ச்சியைப் பற்றிக் கொண்டதன் காரணமாக மனிதனது வேலைகள் இலகுபடுத்தப்பட்டுள்ளன. இதன் விளைவினால் அதிகமானவர்கள் இன்று தொற்றா நோய்களுக்கு முகம்கொடுத்துக் கொண்டிருப்பதை அவதானிக்கக் கூடியதாகவுள்ளது. இன்று வைத்தியசாலையில் வெளிநோயாளர். பிரிவு. சிகிச்சைப் பிரிவுகளிலும் இவர்களையே காணக் கூடியதாகவுள்ளது. தொற்றா நோய்கள் வேகமாக மக்களுக்கு ஏற்படுகின்றன. தொற்றா நோய்கள் அதிகளவு பெண்களுக்குத் தான் ஏற்படுகின்றன. இதற்குக் காரணம் எமது மூதாதையர்களின் பழக்க வழக்கங்கள்.  அவர்களின் உணவுக் கட்டுப்பாடு. கூடிய நேரம் பாரம்பரிய வேலைகளை செய்வது போன்றவற்றை இன்றைய சமுதாயம் கைவிட்டதனால் ஆகும். இவ்வாறான தொற்றா நோய்கள் வந்து இன்றைய பெண்கள், ஆண்கள் துன்பப்படுவது போன்று அவர்கள் அக்காலத்தில் துன்பப்படவில்லை.

இன்றைய பெண்கள், ஆண்கள் உடல் அசைத்து. கருமமாற்றுவது குறைந்து விட்டது. நெற்றி வியர்வை சிந்தாமல். பாரம்பரிய வீட்டு வேலைகளை செய்யாமல் இருப்பதனால் அவர்களை நோய் தேடி வருகின்றது. எமது முன்னோர் செய்த பாரம்பரிய வேலைகளான விறகு கொத்துதல். வேலி நாட்டுதல்.

கிடங்கு வெட்டுதல். வேளாண்மை அறுவடை செய்தல். சூடடித்தல், தென்னை மரத்தில் ஏறி தேங்காய் பறித்தல், துவிச்சக்கர வண்டியில் வியாபாரம் செய்தல். தோட்டச் செய்கை, இரும்புருக்குத் தொழில். மாடு கொண்டு உழுதல் போன்ற பல தொழில்களை ஆண்கள் அன்று செய்துள்ளனர்.

அதேபோன்று அம்மியில் அரைத்தல், உரலில் நெல் குத்துதல். தேங்காய் துருவுதல், அரிசியை உரலில் இட்டு தீட்டுதல், வீடு வாசல். குனிந்து கூட்டுதல், குடத்தில் தண்ணீர் அள்ளி எடுத்து வரல், மிளகாய்த் தூள் இடித்தல் போன்ற பல வேலைகளை அன்றைய பெண்கள் செய்து வந்துள்ளனர். இப்பாரம்பரிய வேலைகளை “நவீனமான வாழ்க்கை” காரணமாக பெரும்பாலான மக்கள் செய்வதில்லை.

இதனால் இவ்வேலைகள் மனித பழக்க வழக்கத்தில் இருந்து அருகிக் கொண்டு செல்கின்றன.

இதனால் பொதுமக்கள் சோம்பேறிகளாகவும். உடல் வலு இல்லாதவர்களாகவும். நோய் பீடிக்கப்பட்டவர்களாகவும் காணப்படுகின்றனர். “ஆடிப்பாடி வேலை செய்தால் அலுப்பு இருக்காது” ஒவ்வொரு. குடும்பத் தலைவனும் அல்லது குடும்பத் தலைவியும் தமது பாரம்பரிய வேலைகளை செய்து உற்சாகமாக வாழப் பழகிக்கொள்ள வேண்டும்.

இதனால் தனது பிள்ளைகள். உற்றார், உறவினர்கள் இதனை கண்டு தானும் பழகிக் கொள்வார்கள், தனது பிள்ளைகளையும் ஊக்கப்படுத்துவார்கள். இதனால் நோய்கள் விலகிக் கொண்டு செல்லும்.

நாம் ஆரோக்கியமானதாக நோய் இல்லாமல் வாழ்வதானால் பாரம்பரிய வேலைகளையும், பழமைவாய்ந்த உணவையும் கைவிடலாகாது. காலையில் அல்லது மாலையில் மூச்சுப் பயிற்சியுள்ள விளையாட்டுகளில் ஈடுபட வேண்டும். இவற்றைச் செய்வதற்கு மனப்பாங்கு அவசியமானதாகும். எமது வேலைகளை நாமே செய்யாமல் அடுத்தவரைக் கோண்டு செய்தால் மிக விரைவில நோய்கள் எம்மைத் தேடி வரும்.

(கே. விஜயரெத்தினம்)