இந்தியாவும் சீனாவும் எமக்கு செய்யும் உதவிகளை மறந்து விட முடியாது

ஆசியாவில் பொருளாதார ரீதியிலும், இராணுவ ரீதியிலும் மிகவும் பலம் வாய்ந்த இரு அயல் நாடுகளான இந்தி யாவும் சீனாவும் தங்களின் குட்டித்தங்கையான இலங் கையை அன்புடன் அரவணைத்து சகல உதவிகளையும் செய்து வருகின்றன. பயங்கரவாத யுத்தம் இலங்கையில் உச்சக் கட்டத்தில் நடந்து கொண்டிருந்த போது ஏனைய மேற்குலக வல்லரசுகளை போலன்றி இவ்விரு நாடுகளும் எவ்வித மறைமுகமான அரசியல் இலாபத்தையும் எதிர்பாராமல் உற்ற நண்பர்களாக பொருளாதார ரீதியிலும், இராணுவ ரீதியிலும் மனமுவந்து எமக்கு உதவி செய்தன. யுத்தம் முடிவடைந்து நாட்டில் அமைதியும் சமாதானமும் ஏற்பட்டி ருக்கும் இவ் வேளையில் யுத்தத்தினால் முழுமையாக அழி வடைந்த வட பகுதியின் ரயில் பாதையை மீண்டும் அமைக்கும் பொறுப்புகளை இந்தியா நிறைவேற்றிக் கொண்டி ருக்கின்றது. அதே வேளையில் சீனா வவுனியாவிலிருந்து காங்கேசன்துறை வரை செல்லும் ஏ 9 பாதையையும் அதனை இணைக்கும் ஏனைய குறுக்கு பாதைகளையும் செப்பனிட்டு திருத்தி அமைக்கும் பொறுப்பை முழுமையாக ஏற்றுக் கொண்டுள்ளது.

இந்தியா யுத்தத்தினால் பாதிக்கப்பட்ட மக்களுக்கு என 50,000 வீடுகளை அமைக்கும் திட்டத்தை முழுமையாக நிறைவேற்றி வருகிறது. அத்துடன் பலாலி விமான நிலையத்தை புனர் நிர்மாணம் செய்தல் விமான இறங்கு பாதையை புதிதாக செப்ப னிட்டு பாரிய விமானங்களையும் தரை இறக்கக் கூடிய நவீன விமான நிலையமாக பலாலியை மாற்றுவதற்கும் இந்தியா உடன் பட்டு அதற்கமைய நிர்மாணப்பணிகளை மேற்கொள்ளவுள்ளது.

காங்கேசன்துறை துறைமுகத்தையும் பாரிய கப்பல்கள் தரித்திருந்து பொருட்களை அதிக கஷ்டமின்றி இறக்குவதற்கான சகல வசதிகளையும் கொண்ட ஒரு துறைமுகமாக மாற்றுவதற்கும் இந்தியா தன்னுடைய பூரண ஒத்துழைப்பை வழங்குவதற்கான இணக்கப்பாட்டையும் தெரிவித்துள்ளது.

இலங்கை சுதந்திரம் பெற்றது முதல் இலங்கைக்கும் சீனாவுக்கும் இடையில் நல்லுறவு வளர்ந்து வந்தது. இதனால் 1952ம் ஆண்ட ளவில் சீனா இலங்கையுடன் இறப்பர், அரிசி ஒப்பந்தத்தை ஏற்படுத்தி அன்று எங்களுடைய இறப்பரை வாங்கி இலங்கை அன்று எதிர்நோக்கியிருந்த அரிசி தட்டுப்பாட்டைப் போக்க இலங்கைக்கு அரிசியை ஏற்றுமதி செய்தது. அன்று, அரிசி யுணவு இலங்கையின் அரசாங்கங்களையே ஆட்டங் காட்டக்கூடிய ஆயுதமாக இருந்து வந்தது.

அதனால் அன்று இலங்கையின் ஆட்சிப் பொறுப்பிலிருந்த அரசாங்கங்கள் தங்களை அதிகாரத்தில் வைத்திருப்பதற்காக அன்று மக்களுக்கு வாரமொன்றுக்கு ஒரு கொத்து அரிசியை, அதாவது அரை கிலோ அரிசியை இருபத்தைந்து சதத்திற்கும், இன்னுமொரு சந்தர்ப்பத்தில் ஒரு கொத்து அரிசியை மக்களுக்கு இலவ சமாகவும் வழங்கின.

இந்த அரிசி பிரச்சினை காரணமாக பொது வேலை நிறுத்தங்களும் நாட்டில் கலவரங்களும் ஏற்பட் டன. அதனால் அன்றைய ஐக்கிய தேசியக் கட்சி அர சாங்கத்தில் பிரதம மந்திரியாக இருந்த டட்லி சேனநாயக்க தமது பிரதம மந்திரிப் பதவியை இராஜினாமா செய்தார்.

அதையடுத்தே இலங்கை அரசியலில் வன்முறைகளும், பிரிவி னைவாத பிரச்சினைகளும் தலைதூக்கி, நாட்டின் சமாதானத் திற்கும், ஐக்கியத்திற்கும் ஒரு பெரும் அச்சுறுத்தலை ஏற்படுத்தியது.

இந்தப் பின்னணியில் தனது திறமையை மாத்திரமே அணிகலனாக வைத்துக்கொண்டு அரசியல் அதிகாரத்துக்கு வந்து புகழ் ஏணி யின் உச்சியில் வீற்றிருக்கும் ஜனாதிபதி மஹிந்த ராஜபக்ஷ அவர்களின் அரசாங்கத்துக்கு பூரண ஆதரவையளிக்கும் முகமாக சீனா அரசாங்கம் அம்பாந்தோட்டை துறைமுகம் போன்ற பாரிய அபிவிருத்தி திட்டங்களை நிறைவேற்றி வருவது உண்மையிலே பாராட்டுக்குரியது.

1956ஆம் ஆண்டு முதல் சீனப் பிரதம மந்திரி சூஎன்லாய் பதவி யில் வீற்றிருந்த காலத்திற்கும் அதற்குப்பிறகும் முதல் இலங் கைக்கும் சீனாவிற்கும் இடையிலான நல்லுறவு வளர்ந்து வந் தது.

அதனால்தான் இலங்கையின் மதிப்பை பெருக்கக் கூடிய வகையில் 1970ம் ஆண்டு தசாப்தத்தின் முற்பகுதியில் சீனா அர சாங்கம் பண்டாரநாயக்க ஞாபகார்த்த சர்வதேச மாநாட்டு மண்டபத்தை பலகோடி ரூபா செலவில் நிர்மாணித்து இலங் கைக்கு அன்பளிப்பு செய்தது.

1976 ஆம் ஆண்டில் அணிசேரா நாடுகளின் உச்சி மாநாட்டை இலங்கையில் நடத்துவதற்கான வாய்ப்பு இதனால் எங்களுக்குக் கிடைத்தது. இவ்விதம் இந்தியாவும் சீனாவும் இலங்கைக்கு நட்புறவாக இருந்து வருவது குறித்து மக்கள் மன நிறைவடைகின்றார்கள்.

(தினகரன்)