தேசத்தை நேசிப்பவர்களை தேசம் பாதுகாக்கும்

இலங்கைப் பெண்கள் நாட்டின் பொருளாதார வளர்ச்சிக்கு மகத் தான பங்களிப்பை பல்வேறு துறைகள் மூலம் அளித்து வரு கின்ற போதிலும் பெண்களுக்கு தனியார் துறையில் பிரதான நிறைவேற்று உத்தியோகத்தர் போன்ற பொறுப்பான பதவிகள் கிடைப்பது அரிதாக இருக்கின்றது. கொழும்பில் உள்ள ஐக்கிய நாடுகள் வதிவிட ஒன்றிணைப்பாளர் காரியாலயத்தில் பால்நிலை ஆலோசகராக இருக்கும் ஷியாமளா கோமஸ் இக்கருத்தை தெரி வித்துள்ளார்.

பல்தேச நிறுவனங்களிலும் இலங்கையிலுள்ள முன்னணி வர்த் தக நிறுவனங்களிலும் அதியுயர் பதவி வகிக்கும் பெண்கள் பற்றி நடத்தப்பட்ட ஆய்வில், 2009 ஆண்டில் ஒரேயொரு பெண் மணியே பிரதம நிறைவேற்று உத்தியோகத்தர் பதவியை வகித்து வருகின்றார் என்ற தகவல் வெளியாகியுள்ளது.

இலங்கை வங்கியில், பொது முகாமையாளர் பதவியில் இருந்து இளைப்பாறிய பின்னர் இப்போது பிரவுன்ஸ் கூட்டு நிறு வனத்தின் தலைவியாக இருந்து வரும் திருமதி ரோஹினி நாணயக்கார, இன்று நவீன தொழில்நுட்பத் துறை வளர்ந்து வருகின்றதென்றும், அதில் உயர் பதவிகளை வகிக்க பெண்கள் ஆர்வம் காட்டவேண்டும். அப்பொழுதுதான் பெண்களுக்கு உயர் பதவிகளை பெற்றுக்கொள்ள முடியும் என்றும் கூறியுள்ளார்.

பெண்கள் மகப்பேற்று லீவு எடுப்பதனாலும், இரவு நேரத்தில் நீண்ட நேரம் காரியாலயத்திலிருந்து பணி புரிவது கஷ்டமாக இருப்பதனாலும், அவர்களுக்கு தனியார் துறையில் மட்டு மன்றி, அரசாங்கத் துறைகளிலும் உயர் பதவிகளை பெறுவது கஷ்டமாக இருக்கின்றது.

சட்டம் இலங்கையில் பெண் உரிமைக்கு உத்தரவாதமளித்து அவர்களுக்கு சம அந்தஸ்தும், சம உரிமையும் கொடுக்கப் பட வேண்டுமென்று வலியுறுத்துகின்றது. ஆண் ஆதிக்கம் என்ற மமதையினால் இன்றைய நவீன உலகில் கூட பெண் களை இரண்டாம் தர பிரஜைகளை போன்று அல்லது பூரண சுதந்திரமற்றவர்களாக ஒதுக்கி ஓரம் கட்டி வருகின்றனர்.

இலங்கையில் பெண்களுக்கு சகல துறைகளிலும் முக்கியத்துவம் அளிக்க வேண்டும் என்ற கருத்து மஹிந்த சிந்தனை எண்ணக் கருவில் வலியுறுத்தப்பட்டுள்ளது. எமது நாட்டில் பெண்களை கெளரவிப்பதை போன்று எங்கள் தாயகமான இலங்கை மாதா மீதும் நாட்டு மக்கள் அன்பையும், பாசத்தை யும் கொண்டிருக்க வேண்டும்.

‘தேசத்தை நேசிப்பவர்களை தேசம் பாதுகாக்கும். நாம் பயங்கரவாதிகளிடம் இருந்து வென்றெடுத்த சுதந்திரத்தை பேணி பாதுகாத்து, நாட்டை முற்போக்கு பாதையில் வழிநடத் திச் செல்லும் நற்பண்புகளை கொண்ட எதிர்கால சமுதாய மொன்றை கட்டியெழுப்புவதற்கு இந்நாட்டு மக்கள் அனைவரும் தங்கள் பூரண ஒத்துழைப்பை வழங்க வேண்டும்’ என்று ஜனாதிபதி மஹிந்த ராஜபக்ஷ கேட்டுக் கொண்டுள்ளார்.

பன்னியப்பிட்டிய, தர்மபால வித்தியாலயத்தின் நீச்சல் தடாகத் தையும், உயிர் பாதுகாப்பு செயல்முறை பயிற்றுவிக்கும் பயிற்சி நிலையத்தையும் திறந்து வைத்து உரையாற்றிய ஜனாதிபதி அவர்கள், சுனாமி அனர்த்தத்தின் பின்னர் மாணவ, மாணவிகளுக்கும் கரையோரப் பிரதேசங்களில் வாழும் மக்களுக்கும், நீச்சலையும் உயிர் பாதுகாப்பு செயல் முறைகளையும் கற்பிப்பதை பிரதான நோக்கமாகக் கொண்டு அமைக்கப்பட்ட நீச்சல் தடாக தொகுதியின் முதற்கட்டப் பணிக்காக 28 மில்லியன் ரூபா செலவிடப்பட்டுள்ளது என்று தெரிவித்தார்.

நாடும் தேசமும் இன்றி வீரர்கள் தோன்றுவதில்லை என்ற உண்மையை உணர்ந்து, இந்நாட்டு மக்கள் அனைவரும் ஒரு போதும் தாய் நாட்டை காட்டிக் கொடுக்க மாட்டோம் என்ற திடமான மனவுறுதியுடன் செயற்பட வேண்டும். தேசிய கொடிக்கும், தேசிய கீதத்திற்கும் தலை வணங்கும் எதிர்கால சந்ததியொன்றை கட்டியெழுப்ப வேண்டும். நாட்டை நேசிக் கின்ற எவரும் ஒருநாளும் துயரப்படமாட்டார்கள் என்றும் ஜனாதிபதி கூறினார்.

விளையாட்டு வாழ்க்கைக்கு ஒரு முக்கியமான அம்சம் என்று சுட்டிக்காட்டிய ஜனாதிபதி அவர்கள், விளையாட்டில் ஈடுபடு வது பொழுது போக்குக்கு மாத்திரமல்ல, எதிர்காலத்தில் தேவைப்படுகின்ற வீரம், பொறுமை, தைரியம் என்பவற்றுடன் எந்தவொரு சவாலுக்கும் முகம் கொடுக்கக் கூடிய ஆற்றலை யும் அது பெற்றுக் கொடுக்கும் என்று சொன்னார்.

(தினகரன்)