தமிழீழத்தை அழித்து தன்னை வளர்க்கும் கனடா தேசியத் தொண்டர்

கனடா ஈழத்தமிழினத்தின் இரண்டாவது தாயகம். அங்கே தேசியத்தின் குரலாக நாம் நினைத்து இருந்தவர் சொல்வதைக் கேட்க ஏன் எமது இனம் தோற்றுப் போனது என்பது விளங்குகிறது. நெஞ்சு பொறுக்கிதில்லை இந்த விதி கெட்ட மாந்தரை நினைத்து.... என்று விம்மியள வேண்டும் போலிருக்கிறது. விடுதலைப்புலிகள் முற்றாக அழிந்து விட்டார்களாம். இனி அவர்களது கதையே தேவையில்லையாம். உலகத்தமிழர் இயக்கம் வன்முறை சார்ந்த அமைப்பாம். இப்படி நெஞ்சு கூசாமல் பொய் சொல்பவர்கள் வேறு யாருமல்ல. தேசியத் தலைவரின் வழிகாட்டலில் வந்தவர்கள் என்று இப்போதும் எங்களுக்கு கூறிக் கொண்டிருக்கிற கயவர்கள் தான்.

அந்தப் பத்திரிகை இந்த அரசியல் ஆலோசகரைப் பேட்டி கண்டிராவிட்டால் எதுவுமே எங்களுத் தெரிய வந்திருக்காது. இன்னமும் இவர் ஒரு தமிழ்த்தேசிய வீரர் என்று நம்பியிருப்போம். தமிழர்களுக்கு ஒரு முகம். ஏனையவர்களுக்கு இன்னொரு முகம். தமிழர்களிற்கு போராட்டத்தை வளர்க்கிறோம். நாங்கள் தான் தேசியத் தலைவரின் வாரிசுகள் என்று கூறி, எங்கே எந்த மேடை கிடைக்கிறது என்று பார்த்து கண்ணீர் வடிய வீரம் பேசுவது இவர் தன்னை வளர்ப்பதற்கான யுக்தி.

மற்றையவர்களிற்கு புலிகள் அழிந்து விட்டார்கள். புலிகளால் தான் இவ்வளவு அழிவும். இனி அவர்களைப் பற்றிக் கதைக்க வேண்டாம் என்று உண்மையான முகத்தைக் காட்டும் நியதி. இறைவா தமிழ்ச்சாதியை என்ன சொல்லிப் படைத்தாய்? புலிகள் முடிந்து விட்டார்களாம். அவர்கள் இப்போது கதைப்பதற்கான ஒரு பொருளேயல்லவாம். பெற்ற தாயை விற்பவனை விடக் கேவலமான ஒரு கதை கதைப்பவர் எங்களிற்கு வழிகாட்டியாம்.

2 சதுரக் கிலோமீற்றருக்குள் முள்ளிவாய்க்காலில் எங்கள் உறவுகள் அடையுண்டு கிடந்த போது சமயோசிதமாக போய் கனடாக் கட்சிகளுடன் கதைத்து மக்களைக் காப்பாற்ற மண்றாடுங்கள் என்றோம். அதை மறுத்து மாணவ சமுதாயம் அமெரிக்க தூதுவராலயத்தின் முன் தொடர்ச்சியாக நடத்தி வந்த போராட்டத்தை மழுங்கடிப்பதற்காக உண்ணாவிரதம் என்ற பூச்சாண்டியை ஏற்படுத்தியவர்.

ஆனால் மற்றப்பக்கமாக நாங்கள் இங்கே அரசியற்கட்சிகளுடன் பேசி புரட்சி செய்து விட்டோம் என முள்ளிவாய்க்கால் வரை எமது தலைமையை மயக்கி அழைத்து வந்ததே இவ்வாறான பொய்யர்கள் தான். விடுதலைப்புலிகளிற்காக ஊண் மறந்து உறக்கம் மறந்து தேசியத் தொண்டாற்றும் தொண்டர்களை கொண்டு மக்களவையை நிறுவி விட்டு அந்தத் தொண்டர்களையே தேசியத்திற்கு எதிராகப் பாவிக்கும் கபடத்தை என்னவென்று சொல்ல?

மக்களவையே தேசியத்தை வலுப்படுத்த என்று ஆரம்பித்து விட்டு அதிலுள்ளவர்களை விடுதலைப்புலிகளிற்கும் தேசியத்திற்கும் எதிராக செயற்படு, பொய் சொல்லு என்று பணித்தவரை துரோகி என்பதை விட எப்படிச் சொல்வது?

கப்பலில் வந்த எமது மக்களிற்காக அகதிகள் கவுன்சில் என்று ஆரம்பித்து காசு சேர்த்தவர்களே யாருக்கும் தெரியால் உள்ளால் களவாகக் கடிதம் கொடுத்ததிற்கு இவரே காரணம். யாரால் முடியும் "வாருங்கள் எங்கள் மக்களே" என்று இரு கரம் நீட்டி அகதிகளை வரவேற்பது போல நடித்துக் கொண்டு மறைமுகமாக அந்த அகதிகளை ஐந்து வருடம் சிறை வைக்க வழி செய்யும் சட்டத்திற்கு வரவேற்று ஆதரவுக் கடிதம் கொடுக்க?

யுத்தக்குற்றம்  நடவடிக்கை எடுக்கிறோம் என்று சொல்லிக் கொண்டு சிறையிருக்கும் போராளிகளையும் மக்களையும் கைவிட்டு விடுதலைப்புலிகளையே தூற்றுவதை என்னவென்று கூற?

உலகத்தமிழர் பத்திரிகை போடும் தொண்டர்களைக் கொண்டு தமிழ் மக்களிற்கு போராடுகிறோம் என்று ஒரு கதை. அவர்களை வைத்தே மக்களவை என்ற பெயரில் விடுதலைப்புலிகளிற்கு எதிரான பிரச்சாரம்.

விடுதலைக்காக பணியாற்ற வந்தவர்களைப் பொய் பேசச் சொல்லி முழுப் பொய்யர்களாக மாற்றிய இந்த மனிதர் எமது இனத்திற்கு ஒரு சாபக்கேடு.

தன்னைத் தலைவனாகக் காட்டுவதற்காக தேசியத்தை நேசிக்கும் மக்களிற்கு நல்லவனாக நடித்ததைத் காலம் இப்போது வெளிக்கொண்டு வந்துள்ளது.

தான் யதார்த்தவாதியாம். இறுதிப் போரில் நடந்ததைத் திரும்பிப் பார்க்க முடியாதாம். இனி புலிகள் இல்லையென்று நினைத்துச் செயலாற்ற வேண்டுமாம்.

இவர் ஒரு உண்மை மனிதனாக இருந்தால், ஒரு உணர்வுள்ள தமிழனாக இருந்தால் இதை மாவீரர் நாள் நிகழ்வில் முதன்மை உரை நிகழ்த்தும் போது சொல்லியிருக்கலாமே?புலிகள் அழிந்து விட்டார்களாம். புலிகளால் வளர்ந்து புலிகளையே பாவித்து இன்று இந்த நிலைக்கு வந்தவர் புலிகள் அழிந்து விட்டார்களாம். தான் எப்போதுமே விடுதலைப்புலிகள் அமைப்பில் இருக்கவுமில்லை. இனியும் இருக்கப் போவதுமில்லையாம்.

அரசியல் துணைக்குழுவில் தேசியத் தலைவருடன் பங்கேற்றேன் என்ற பெருமை கதைத்தவர். அரசியல் துணைக்குழுவின் ஐரோப்பிய விஜயக் குழு 14 உறுப்பினர்களில் ஒருவர் என இருந்தவரே இப்போது தான் எப்போதும் விடுதலைப்புலிகளில் இருக்கவில்லையாம். இதைவிடத் துரோகம் என்ன இருக்கிறது?

எமது மக்களுக்கான வானொலியிலும், தொலைக்காட்சியிலும் இன்றுவரை எமது மக்களிற்கு சொல்லி வந்தது எல்லாம் பொய்தானே? எவ்வளவு போலியாக நடந்திருக்கிறார் இந்த மனிதர்? மாவீரர் நாளில் தனது திருமணத்தை நடத்தியவர் இவர் என்ற குற்றச்சாட்டு எழுந்த போது கணக்கெடுத்திருந்தால் இதுவரை நிலமை போயிருக்காது. மாவீரர்களிற்காக மனமுருகியழுது வழிபடும் நாளில் மதுவுடன் விருந்து வைக்க யாரால் முடியும்? இவரால் முடிந்தது.

இனிமேல் விடுதலை பற்றிக் கதைக்கும் தகுதியை இவர் தனது பேட்டியின் மூலமே இழந்து விட்டார். இனி மாவீரர்களின் எந்த மேடையிலும் இவர் ஏறுவதற்குத் தகுதியுடையவர் அல்ல. இளையவர்களை பொய் கூறுங்கள் என்று கூறி தன்னைப் போலவே பொய்யனாக்கும் இந்த மனிதர் எமது சமூகத்திற்கு முன்னுதாரணம் அல்லர்.

 எவராவது இந்த நபர் எப்போதாவது உண்மையாக கதைக்க எங்களை அனுமதித்திருக்கிறாரா என்று யோசித்து பாருங்கள்? எங்களைப் பொய் சொல்லச் சொன்னதே தன்னிடம் இவ்வளவு பொய் இருக்கிறது என்பதற்காகத் தான். ஒரு தேசவிரோதி எப்படி தேசியவாதியாக நடிக்கலாம் என்பதற்கு இவர் புலம்பெயர்ந்த நாடுகள் எல்லாவற்றுக்கும் உதாரணம்.

The Tigers – which he pronounced “done and gone”. // “People like me, we’re very practical people; there’s no point in going back at what happened wrong in the past because it’s not going to help you,” // “[The Tigers] are not a factor any more, but the Tamil factor is still lingering large.” // Mr. Gunaratnam mentioned as an aside that he, too, took a phone call from KP, the Tiger leader, after the war ended. He said he rebuffed an invitation to work for the new leader. // “I said, ‘No, sorry, I’m not going to work for anyone [with the Tigers] because I didn’t do it before, either,’” he said. // “I’m not going to be part of those politics at all; that’s a very clear stand that I always have.”// [Nehru Gunaratnam to the Globe and Mail]

இவற்றைத் தானே புலிகளின் 'துரோகிகள்' 25 வருடங்களாக சொல்லி வந்தார்கள். அதனாலேயே புலிகளால் 'துரோகிகள்' கொல்லப்பட்டார்கள் - உளறுவாயன்