ஜனாதிபதியின் நல்லாட்சி நடுநிலையான தேர்தலுக்கு தளம் அமைத்துள்ளது

சில வாரங்களாக இந்நாட்டு மக்கள் அனைவரும் ஆவ லோடு எதிர்பார்த்துக் கொண்டிருந்த உள்ளூராட்சிமன்ற தேர் தல் சில உள்ளூராட்சி மன்றங்களை தவிர நாடெங்கிலும் நேற்று மிகவும் அமைதியாகவும் வெற்றிகரமாகவும் நடைபெற் றது. இலங்கையில் பாராளுமன்ற ஜனநாயகம் வலுவூன்றி தழை த்தோங்கி வருகின்றமைக்கு இது சிறந்த சான்றாகும்.

1978ஆம் ஆண்டில் ஜே. ஆர். ஜயவர்தன தலைமையிலான ஜனாதி பதி ஆட்சிமுறை ஆரம்பித்தது முதல் சுமார் 17 வருடங்களுக்கு இலங்கையில் பாராளுமன்ற தேர்தல்களோ ஜனாதிபதி தேர் தலோ உள்ளூராட்சி மன்ற தேர்தல்களோ அமைதியாகவும் பக்க சார்பற்ற முறையிலும் நடைபெறவில்லை என்பதை இந்நாட்டு மக்கள் நன்கு அறிவார்கள்.

அந்தக் காலகட்டத்தில் தேர்தலின்போது வன்முறைகளும் போலி வாக் குகளை வாக்குப் பெட்டியில் நிரப்பும் ஊழல் மற்றும் மோசடிக ளும் தழைத்தோங்கி இருந்தது. அப்போது அராஜகம் கட்டவிழ் ந்து விடப்பட்டிருந்தது.

அன்று பொலிஸார் பெட்டிப்பாம்புகளை போன்று முடக்கி வைக்கப்பட்டு, ஐக்கிய தேசிய கட்சியின் குண் டர்கள் தேர்தல் காலத்தில் குறிப்பாக, தேர்தலுக்கு 48 மணிநேரம் இருக்கும் காலப் பகுதியில் தங்களை எதிர்த்து போட்டியிடுபவர் களை அடித்து நொருக்கியும் காயப்படுத்தியும் சுதந்திரமான தேர் தல் நடைபெறுவதற்கு முட்டுக்கட்டைகளை விதித்தனர்.

எதிர்க்கட்சி ஆதரவாளர்கள் வாக்குச்சாவடிகளுக்கு வரும்போது, அவ ர்களுக்கு வாக்களிக்க இடமளிக்காமல் ஐக்கிய தேசியக் கட்சி குண்டர்கள் விரட்டியடித்தனர்.

பல சந்தர்ப்பங்களில் இந்த குண் டர்கள் துப்பாக்கி பிரயோகம் செய்தபோது சிலர் பரிதாபமாக கொல்லப்பட்டும் இருக்கிறார்கள். இத்தகைய தேர்தல் கால அரா ஜகங்களை ஐக்கிய தேசிய கட்சி மட்டுமல்ல ஜே. வி. பியி னரும் மேற்கொண்டனர்.

1988ஆம் ஆண்டில் ஜே.வி.பியினர் ஆயுதம் தாங்கி, நாட்டில் படு கொலைகளை புரிந்தும் மக்களின் சகஜ வாழ்க்கைக்கு தீங்கி ழைத்துக் கொண்டிருந்த காலப் பகுதியில் ஜே. வி. பியினர் எம க்கு ஜனநாயக தேர்தல் முறையில் நம்பிக்கை இல்லை. எவரும் வாக்குச்சாவடிகளுக்கு சென்று வாக்களிக்க கூடாது என்ற கடு மையான எச்சரிக்கைகளை விடுத்திருந்தனர்.

அதனையும் மீறி வாக்களிக்கச் சென்றவர்களை வாக்குச்சாவடிகளுக்கு முன்னால் ஜே.வி.பியினர் துப்பாக்கியால் சுட்டு படுகொலை செய்யவும் தய க்கம் காட்டவில்லை.

ஜே.வி.பியினர் சர்வாதிகாரி ஹிட்லர், முசோலினி போன்ற மனித உருவில் நடமாடிய மிருகங்களை போன்று மக்கள் உயிரை துச்ச மாக மதித்து இலட்சக்கணக்கானோரை படுகொலை செய்ததைப் போன்று இலங்கையிலும் வன்முறைகளை 1971 ஆம் ஆண்டி லும் 1987, 1988, 1989 ஆண்டுகளிலும் கட்டவிழ்த்து விட்ட வன் முறைகளை எமது நாட்டு மக்கள் என்றுமே மறக்கமுடியாது.

அன்றைய காலகட்டத்தில் ஜே. வி. பியினர் தாங்கள் படுகொலை செய்பவர்களை சடலங்களை கழுத்து உயரத்தில் தூக்கிச் சென்று அடக்கம் செய்யக் கூடாது என்றும் அந்த சடலங்களை தூக்கிச் செல்பவர்கள் நிலத்தில் இருந்து இரண்டு அடி உயரத்திலே எடு த்துச் செல்லவேண்டும் என்று மனித சடலங்களை கூட அவ மதித்து கொடிய செயற்பாடுகளை எவரும் எளிதில் மறந்து விட முடியாது.

இவ்விதம் ஐக்கிய தேசிய கட்சியும் ஜே.வி.பியும் இலங்கையில் ஜன நாயக சுதந்திரத்தை குழிதோண்டி புதைக்கக் கூடிய வகையில் வன்முறைகளை கட்டவிழ்த்துவிட்டு தேர்தல்களில் மோசடிகளை நடத்தி கள்ள வாக்குகளை போட்டு தங்கள் வேட்பாளர்களை வெற் றியடையச் செய்து அன்று அதிகாரத்தில் வீற்றிருந்தனர்.

1987, 1988 ஆம் ஆண்டுகளில் இந்நாட்டு மக்களுக்கு ஜனநாயக உரிமைகளை வென்றெடுப்பதற்காக தனது உயிரையே துச்சமாக மதித்து இலங்கையில் அன்று கோரத்தாண்டவம் ஆடிக்கொண்டி ருந்த மனித உரிமை மீறல்களுக்கு முற்றுப்புள்ளி வைத்து மீண் டும் ஜனநாயக சுதந்திரத்தை மக்களுக்கு வென்றெடுப்பதற்காக தென்னிலங்கையில் இருந்து தோன்றிய உதய சூரியனாக ஜொலித்துக்கொண்டிந்த மஹிந்த ராஜபக்ஷ என்ற நேர்மையான கிராமத்து மண்வாசனை உடைய அரசியல்வாதி இருளைப் போக்கி நாட்டில் மீண்டும் நாட்டில் நல்லொளியை பரப்பினார்.

அவரது சிறந்த தலைமைத்துவத்தின் கீழ் இன்று நாட்டில் பாராளு மன்ற ஜனநாயகம் பாதுகாக்கப்பட்டு தேர்தல்கள் பக்கசார்பற்ற முறையில் நடுநிலையாக நடைபெறுகின்றன. இன்று நடந்து முடி ந்த தேர்தல்களும் விரல்விட்டுக் எண்ணக்கூடிய அசம்பாவிதங் களை தவிர மிகவும் அமைதியான முறையில் நடைபெற்றமை நாட்டில் மீண்டும் அராஜகங்கள் நீங்கி நல்லாட்சி நிலைபெற்று இருப்பதை எடுத்துக்காட்டுகின்றது.

(தினகரன்)