இன்று குடிநீர் தினம்

நீர் இன்றேல் உயிர் இல்லை

(அருணா தருமலிங்கம் )

உலகெங்கும் வாழ்ந்து வருகின்ற சகல ஜீவராசி களுக்கும் உயிர் பிழைப் பதற்கு காற்று, குடி தண்ணீர், காலநிலை, உணவு, ஆடை என்பன தேவைப்படுகின்றன. காற்றிலிருந்து பெறப்படுகின்ற பிராண வாயு இல்லையென்றால் தன்னிச்சையாகவே இரத்தோட்டம் தடைப்பட்டு உயிருக்கு ஆபத்து உண்டாகலாம். அவ்வாறே குடி தண்ணீர் கிடைக்காவிட்டாலும் குறிப்பிட்ட சில நாட்களுக்கு மட்டுமே சீவிக்கலாம் என்பது யதார்த்தமாகும். இன்று உலக தண்ணீர் தினமாகப் பிரகடனப்படுத்தப்பட்டுள்ளது.

எனவே பூமியின் மூன்றில் இரண்டு பங்காக விளங்குகின்ற தண்ணீர் காலநிலை சமச்சீராக இருப்பதற்கு எவ்வாறு உதவுகின்றது? ஆறு, குளம், கடல், நீர்வீழ்ச்சி, ஏரி, கிணறு என்பவற்றிலுள்ள நீரின் தன்மை, தண்ணீரின் வேறு பாடுகள், சூழல் மாசு அடையும் வேளையில் அதற்கு உண்டாகும் கேடு, நீரைச் சுத்தப்படுத்துவதற்கு பயன்படுத்தப்படுகின்ற இரசாயனப் பொருள், இயற்கையாக தூய நீரை பெற்றுக் கொள்ளும் வழிமுறை, குருதியில் பரிணமித்துள்ள நீரின் அளவு, தாவரங்கள் நிலத்திலிருந்து வேர்கள் மூலம் கனிமங்களை உறிஞ்சி தண்ணீரின் பங்களிப்பு என்பவை பற்றி விரிவாக ஆராய்வது இங்கு உசிதமாகும்.

தண்ணீர்தான் பூகோளத்திற்கு வடிவத்தைக் கொடுக்கின்றது என்பது பூகற்பவியலாளரின் கூற்றாகும். இதன் காரணமாக வெப்ப தட்பத்தை உலகிற்கு சமச்சீராக அளிப்பதற்கு இது முக்கிய பங்கை ஆற்றுகிறது எனலாம். நாம் தாவர உணவைப் பெறுவதற்கு தண்ணீர் மறைமுகமான காரணியாகவும் அமைகின்றது என்றும் கூறலாம். மிலேனியம் ஆண்டாக மிளிருகின்ற இன்றைய விஞ்ஞான யுகத்திற்கு அத்தியாவசியமாகத் தேவைப்படுகின்ற நீர் மின்சாரம்  (Hydro – Electricity)  பெற்றுக்கொள்வதற்கு தண்ணீர் உறுதுணை புரிகின்றது.

கடலில் அலைகளின் ஏற்றத் தாழ் வினால் கற்பனை அச்சில் நின்றவாறு சுற்றும் பூமி ஆயிரம் வருடத்திற்கு ஒரு நொடியின் பகுதி  (Fraction of a – Second) குறைகிறதாம் என்று ஆய்வாளர்கள் கூறுகின்றனர்.

தண்ணீர் உலகின் தாழ்வான பகுதியெங்கும் பரவிக் காணப்படு கின்றது. நீர் பூமிக்கு அடியில் சுமார் ஐந்து கிலோ மீற்றர் வரையிலும், வானத்தில் ஆவியாக சுமார் எட்டு கிலோ மீற்றர் வரையிலும் உள்ளது. சஹாரா பாலைவனத்திற்கு கீழே மாத்திரம் இரண்டு மில்லியன் ஹிணிவி தண்ணீர் கசிவதாக கூறுகின்றனர். நயாகரா நீர் வீழ்ச்சியில் ஒரு விநா டிக்கு சுமார் ஐந்து இலட்சம் கன அடி தண்ணீர் கொட்டிக் கொண் டிருப்பதாக கணிப்பீடுகள் பறை சாற்றுகின்றன.

மனித உடலில் சுமார் ஐம்பது லீற்றர் தண்ணீர் இருக்கிறது. குருதியிலும் ஜீரணக் குழாய் திரவத்திலும் கணிசமான தண்ணீர் இருப்பது கண்டறியப்பட்டுள்ளது. தண்ணீர் இல்லாமல் போனால் உடல் வறண்டுபோய் தோல் காய்ந்து நெற்றியிலும் கண்களைச் சுற்றியும் சுருக்கங்கள் ஏற்படுகின்றன.

போதிய அளவு தண்ணீர் குடிக்கவில்லை என்றால் மலச்சிக்கல் ஏற்படுகின்றது. தண்ணீர் மூலம் காலரா டைஃபாய்ட் பேதி முதலிய நோய்கள் உண் டாக்கவல்ல கிருமிகள் பரவுகின்றன.

சுத்தமான தண்ணீர் கபஜுரங்கள், இருமல், அம்மை போன்ற நோய் களுக்கு இயற்கையான தடுப்பாக வுள்ளது. உடலிலுள்ள உயிரணுக்கள் தண்ணீர் இல்லாமல் வரண்டால் தொற்று நோய்கள் வருவது எளிதாகிறது. தண்ணீரின் முக்கிய பணி உடலிலுள்ள நச்சுப் பொருட்களையும் உப்பையும் வெளியேற்றுவதாகும். உடலின் எடையில் அறுபத்து ஐந்து சதவீதம் தண்ணீர் உள்ளது.

ஆற்றுநீர் மாசு அடைவதற்கு பிரதான காரணம் பாரிய தொழிற் சாலைகளின் கழிவு நீர் ஆற்றில் வந்து சங்கமமாவதாகும். தொழிற் சாலைகளிலிருந்து வெளியேறும் கழிவு நீரில் இரசாயன நச்சுக் கழிவுகள் காணப்படுவதினால் மீன் இனங்கள் கூட செத்து மிதப்பதையும் அவதானிக்கலாம்.

உலகெங்கும் சுமார் ஆயிரத்து ஐநூறு மில்லியன் கன கிலோமீற்றர் தண்ணீர் இருப்பதாக கணக்கிட் டிருக்கிறார்கள். இதில் 97.2% கடலிலுள்ள உப்பு நீராகும்.

கடல் ஏரி, குளம் மரம், செடிகள், விலங்குகள், மனிதர்கள் மூலம் ஆவி யாகின்ற நீர் அதே அளவு திரும்பி பூமிக்கு மழை, பனி, பனிக்கட்டிகள் வாயிலாக வந்து சேருகின்றது.

இதில் கணிசமான நீர் நிலத்திலிருந்து நதிகள், கங்கைகள் மூலம் கடலுக்குச் செல்கின்றது.

இயற்கை நம் தேவைக்கு மேல திகமாக தண்ணீரை கடல் நீராகவும், மழை மூலமும் அளித்து வருகின்றது. நாம் இதனை உகந்த முறையில் பயன்படுத்தினால் தண்ணீர் தட்டுப்பாடு எழாது என்பது விஞ்ஞானிகளின் ஏகோபித்த முடிவாகும்.

விஞ்ஞான தொழில் நுட்ப யுகத் தின் உச்சியில் இருக்கும் நாம் இயற்கையின் அருளாகிய தண்ணீரை மிகவும் சிக்கனமாகப் பயன்படுத்தி அதன் மகத்துவத்தை உலகறியச் செய்வோம்.