நீரின் மகத்துவத்தை உணர்த்தும் உலக நீர் தினம் இன்றாகும்

உலகின் நீர் தினம் இன்று பல்வேறு நாடுகளில் அனுஷ்டிக் கப்படுகிறது. நீர் மனிதனுடைய வாழ்க்கைக்கு அத்தியாவ சியமானது என்பதை வலியுறுத்துவதற்காகவே இந்தத் தினம் உலகெங்கும் அனுஷ்டிக்கப்படுகிறது. மண்ணும் காற்றும் கூட தண்ணீரின்றேல் வறண்டு போய்விடும். எல்லா இயற்கை வளங்களுக்கும் மனித வளத்திற்கும் தாய் வளம் தண்ணீராகும். “தாயைப் பழித்தாலும் தண்ணீரைப் பழிக்காதே” என்ற முது மொழியின் பொருள் இதுதான். தண்ணீர் என்பது உயிரின் ஆதாரம். மண்ணில் உயிர்த்துளி, உயி ரின வாழ்க்கைச் சூழலின் அடிப்படையாக அமைவதே தண்ணீர் தான். இதனால்தான் பூமியைத் தவிர பிற கோள்கள் எதிலும் உயிரினம் இல்லை. புல் பூண்டும் கூட இல்லை. காரணம் அங் கெல்லாம் தண்ணீர் இல்லை. நீரின்றி அமையாது உலகு என்று இதனால்தான் அறிஞர்கள் கூறுகிறார்கள்.

எமது நாட்டில் மட்டுமல்ல உலகம் முழுவதும் நீர் பற்றாக்குறை இன்று அதிகரித்த வண்ணம் இருக்கிறது. இந்த நிலையை இய ற்கை அன்னை ஏற்படுத்தவில்லை. மனிதனே தனது சுயநல நோக் கத்திற்காக விட்ட பிழைகளே தண்ணீர் பற்றாக்குறைக்கு பிர தான காரணமாக அமைந்துள்ளது. கோடிக்கணக்கான ரூபாவை இலாபமாக பெறும், சுயநல நோக்குடன் பெரிய விருட்சங்களை மனிதன் வெட்டி வீழ்த்துகின்றான். குறிப்பாக மழைப் பிரதேசங்க ளில் உள்ள இறப்பர் தோட்டங்கள் அழிக்கப்பட்டு அங்கு கட்டி டங்கள் தொழிற்சாலைகளும் நிர்மணிக்கப்படுகின்றன.

இதனால், பொன் விளையும் பச்சைப் பூமியாக இருந்த எங்கள் நாட் டின் பெரும்பாலான பிரதேசங்கள் இன்று வரட்சியினால் பாதிக் கப்பட்டு பாலைவனங்களாக மாறி வருகின்றன. இதுவும் உலகில் தண்ணீருக்கு ஏற்பட்டிருக்கும் பற்றாக்குறைக்கு இன்னுமொரு பிர தான காரணமாகும்.

இன்று உலகத்திற்கே பேராபத்தை உண்டாக்கக்கூடிய தண்ணீரை பண த்திற்கு விற்பனை செய்வது, கீழைத்தேய மக்களாகிய எமது பண் பாட்டிற்கும் மரபிற்கும் எதிரான ஒரு செயலாகும். பண்டைக் காலத்தில் ஒருவர் கடும் வெயிலில் ஒரு வீட்டுக்கு வந்து சேரு ம்போது, அந்த வீட்டில் உள்ளவர்கள் அவருக்கு ஒரு செம்பு தண்ணீரை அன்பாக கொடுப்பார்கள். இன்று அந்த பண்பாடு இருந்த இடம் தெரியாமல் மறைந்துவிட்டது. ஒரு மனிதன் தனது தாகத்தை தீர்த்து கொள்வதற்கு பிளாஸ்டிக் போத்தலில் அடைக்கப்பட்டுள்ள நீரை விலைகொடுத்தே வாங்க வேண்டிய நிலைக்கு சுத்தமான நீருக்கான தட்டுப்பாடு அதிகரித்துள்ளது.

இலங்கையின் வட மத்திய மற்றும் வடமேற்கு பிரதேசங்களில் பயி ர்ச் செய்கைக்கு அளவிற்கு அதிகமாக உரமும், கிருமி நாசனிக ளும் பயன்படுத்தப்படுவதனால் அப்பிரதேசங்களில் மக்களுக்கு கிடைக்கும் தண்ணீர் நச்சுத் தன்மை கொண்டிருக்கிறது. அப் பகுதி மக்கள் தூய்மையற்ற நச்சுத்தன்மையுடைய நீரை பருகியத னால் தான் அவர்களில் பெரும்பாலானோர் சிறுநீரக அழற்சி போன்ற நோய்களினால் பாதிக்கப்பட்டுள்ளார்கள்.

உலகிலுள்ள மொத்த நீர் அளவில் 2.5 சவீதம் தான் மனிதனின் பாவனைக்கு எடுக்கக்கூடிய சுத்தமான நீராகும். துருவப் பகுதிக ளில் உறைந்திருக்கும் பனிக்கட்டிகளை இந்த நீர்வளத்திலிருந்து ஒதுக்கிவிட்டால் நமக்கு கிடைக்கும் நீரின் அளவு 0.3 சதவீதம் மட்டும்தான். மழை வீழ்ச்சி போன்ற இயற்கையின் மாற்றங்களி னால் வருடா வருடம் மனிதனுக்கு கிடைக்கும் பாவனை நீரின் அளவு அதிகரிக்கவோ அல்லது குறைந்து விடுவதோ இல்லை. ஆயினும் கிடைக்கும் நீரை மனிதன் சரியான முறையில் பாது காத்து தூய்மையாக வைக்கத் தவறினால் காலப்போக்கில் உல கெங்கிலும் நீர் பஞ்சம் ஏற்படுவதை எந்தவொரு சக்தியாலும் தடுத்துவிட முடியாது.

மனிதர்களாகிய நாம் தண்ணீருக்கு எவ்வித மாற்றுப் பொருளும் இல்லை என்ற உண்மையை புரிந்துகொண்டால் நிச்சயம் இனி மேலாவது நீரை வீண் விரயம் செய்யவோ, அதனை அசுத்தப் படுத்துவதற்கோ அஞ்சுவோம்.

இன்று விரல்விட்டு எண்ணக்கூடிய ஆபிரிக்க நாடுகளில் சுத்தமான குடிநீருக்கு இருக்கும் தட்டுப்பாட்டின் காரணமாக வருடா வரு டம் பல்லாயிரக்கணக்கானோர் அங்கு உயிர்த்துறக்கிறார்கள். ஒரு மனிதனால் சில காலத்திற்கு உணவின்றி வாழ முடியும். ஆனால், அவனால் இரண்டு அல்லது மூன்று தினங்களுக்கு மேல் தாக த்தை தீர்ப்பதற்கு நீர் இல்லாவிட்டால் வாழ முடியாது என்று வைத் தியர்கள் கூறுகிறார்கள். மனித உடலுக்கு தேவையான அளவு நீர் நாளாந்தம் கிடைக்காமல் போனால் உடல் உறுப்புக்கள் செய லிழந்து அவன் ஒரு நிரந்தர நோயாளியாக மாறி, இறுதியில் மர ணத்தை தழுவிக்கொள்ள வேண்டியிருக்கும் என்று வைத்தியர் கள் எச்சரிக்கை செய்கிறார்கள். இந்த உண்மையை உணர்ந்து இனிமேல் நாம் ஒவ்வொருவரும் நீரை சிக்கனமாக பயன்படுத்தி அதனை எமது எதிர்கால சந்ததியினரின் நன்மைக்காக பாதுகா த்து வைத்தல் மிகவும் அவசியமாகும்.

(தினகரன்)