முகநூலின்(Facebook) முகங்கள்...

ஃபேஸ் புக் இன்றைய தலைமுறையின் சந்திப்புத்தளம் என்று கூறினால் யாரும் மறப்பதற்கில்லை. இத்தனை பிரபலமான இந்த இணையத்தளத்தின் முக்கியமானவர்களாகக் கூறப்படுவது ஜோ க்ரீன் மற்றும் ஷெரில் சேண்ட்பெர்க், முதலாமவர் முகநூல் தொடங்கும் நேரத்தில் அதன் உரிமையாளர் மார்க்குடன் இருந்தவர், இரண்டாமவர் அதனை முன்னேற்றப்பாடுபட்டவர். முகநூலின் உரிமையாளரான மார்க் சுகெர்பெர்க்கின் நண்பர் தான் ஜோக்ரீன். இருவரும் ஹார்வர்டு பல்கலைக்கழகத்தில் படித்து வந்தனர். பல்கலைக்கழக விடுதியில் இருவரும் ஒரே அறையைப் பகிர்ந்து கொண்டனர். 2004 ஆம் ஆண்டில் மார்க் தனது படிப்பை பாதியிலேயே நிறுத்திவிட்டு "ஃபேஸ்புக்" என்ற முகநூல் இணையத்தளத்தைத் தொடங்கத் திட்டமிட்டார். இதற்கு ஜோ க்ரீனின் உதவியையும் நாடினார். ஆனால் நண்பரின் அழைப்பை ஜோ ஏற்றுக்கொள்ளவில்லை. படிப்பையும் பாதியிலேயே நிறுத்துவதில் அவருக்கு உடன்பாடில்லை.

இது குறித்து அவர் கூறுகையில், தன்னை ஈர்த்த அரசியல் பக்கம் சென்றார். அங்கு அதிபர் தேர்தல் பிரசாரத்திலும் ஈடுபட்டார். அதன் பின்பு முகநூலைச் சார்ந்து "காஸஸ்" என்ற இணையத்தளத்தைத் தொடங்கியுள்ளார். அதன் மூலமாக சமுதாயத்தில் தேவைகளோடு இருக்கும் ஏழைகளுக்கு நன்கொடைகள், உதவிகள் போன்றவற்றை செய்து வருகிறார்.

இந்த இணையத்தளத்தை முகநூலுடன், இணைத்து இதுவரை ரூ. 247 கோடி மதிப்புக்கு 50 ஆயிரம் பேருக்கு உதவிகள் செய்யப்பட்டுள்ளன. தேவைகளோடு இருப்பவர்களுக்கு சமுதாய அக்கறை கொண்டவர்களுக்கு உதவி செய்வதன் மூலம் உலகத்தையே மாற்ற வேண்டும் என்ற குறிக்கோளோடு செயல்பட்டு வருகிறது ஜோவின் இணையத்தளம்.

முகநூலுடன் இணைக்கப்பட்டுள்ளதால் "காஸஸ்" இணையத்தளத்தை ஒரு மாதத் திற்கு சுமார் 6.5 கோடி பேர் பார்வை யிடுகின்றனர் என்கிறார் ஜோ. மேலும் மார்க் முகநூல் இணையத்தளத்தை தொடங்கும்போது அவருடன் செல்லாததை இப்போதும் நினைத்து வருந்துகிறேன் என்கிறார் ஜோ க்ரீன்.

முகநூலின் தலைமை செயல் அதிகாரி ஷெரில் சேன்ட்பெர்க். இவர்தான் முகநூல் இணையத்தளத்தில் அதிக சம்பளம் வாங்கும் ஊழியர். கடந்த ஆண்டு மட் டும் இவரின் சம்பளம் ரூ. 152.2 கோடி சுய முயற்சியால் உயரிய இடத்துக்குச் சென்ற பெண்களில் உலக அளவில் இவரும் ஒருவர். ஹாவேர்டு பல்கலைக் கழகத்தில் இவர் படித்துக்கொண்டிருந்த சமயம் பேராசிரியர் ஒருவரின் உதவியால் உலக வங்கியில் ஆய்வு உதியாளராக பணியாற்றும் வாய்ப்புக் கிடைத்தது.

அதன் பின்பு எம்.பி.ஏ. பட்டம் பெற் றார். பில் கிளிண்டன் அதிபராக இருந்த போது அமெரிக்க நாட்டின் கருவூலத்தில் தலைமை ஊழியராகப் பணியாற்றிய இவர் அதன் பின்பு "கூகுள்" நிறுவனத்தில் முக்கிய பொறுப்பில் இருந்தார்.

2007ஆம் ஆண்டு நடைபெற்ற கிறிஸ்து மஸ் விருந்தில் ஷெரிலை சந்தித்தார். முகநூலின் உரிமையாளர் மார்க் அவருடன் பேசிப் பழகிய சில மணித்துளிகளிலேயே ஷெரில்தான் முகநூல் இணையத்தளத்தின் தலைமை செயல் அதிகாரி பதவிக்கு பொருத்தமானவர் என்று தீர்மானித்தார் மார்க். இறுதியில் 2008 ஆம் ஆண்டு மார்ச் மாதம் முகநூல் இணையத்தளத்தின் தலைமை செயல் அதிகாரியாக ஷெரில் சேண்ட்பெர்கை அறிவித்தது நிறுவனம்.

முகநூலில் இவர் பொறுப்பேற்ற உடன் பல்வேறு சாதனைகளைப் புரிந்தார். முகநூலை இலாபம் தரும் தொழிலாக மாற்றும் முயற்சியில் இறங்கினார் ஷெரில். அதற்கு முன்பு வரை வெறும் நண்பர்கள் கூடும் தளமாக இருந்த முகநூல் அதற்குப் பின்பு இலாபத்தைக் கொழிக்க ஆரம்பித்தது. முகநூலை விளம்பரப்படுத்த நிர்வாகத்திடம் அனுமதி பெற்றார் ஷெரில்.

இறுதியில் 2010 ஆம் ஆண்டு முகநூல் இலாபத்தை நோக்கி நகர ஆரம்பித்தது. இவரின் செயல்பாடுகளால் முகநூல் இப்போது பங்குச் சந்தையிலும் கால் பதிக்கவிருக்கிறது.