நாட்டுப்பற்றுள்ள புலம்பெயர் தமிழரும் இலங்கைக்கு சார்பாக செயற்பாடு

வெளிநாடுகளில் புலம்பெயர்ந்து வாழும் இலங்கைத் தமிழர் களில் ஒரு சிலர் நாட்டுக்கு தீங்கிழைக்கக்கூடிய வகை யில் போலிப் பிரசாரங்களை மேற்கொண்டு வருகின்ற போதிலும் வெளிநாடுகளில் புலம்பெயர்ந்துள்ள சில தமிழர்கள் நாட் டுப் பற்றுடன் ஜெனீவா மனித உரிமைகள் பேரவை மாநாட்டில் இலங்கைக்கு ஆதரவான பிரசாரங்களை மேற்கொண்டு வருகிறார்கள். ஆசியாவிற்கான உலக அமைப்பின் தலைவர் கே.டி. ராஜசிங்கமும் ஒருவர். இவர் ஏசியன் ரிபியுன் இணையத்தளத்தின் பிரதம ஆசி ரியராக பணியாற்றி வருகின்றார். இவருடன் லண்டனில் புலம் பெயர்ந் துள்ள தமிழ்ப் பெண் ராஜேஸ்வரி பாலசுப்ரமணியும் இலங்கை யின் சார்பில் பிரசாரம் செய்வதற்காக ஜெனிவா வந்துள்ளார். இவர் ஒரு சிறந்த தமிழ் எழுத்தாளர் என்பது குறிப்பிடத்தக்கது. இவர் டயஸ்போரா டயலொக் என்ற அமைப்பின் முக்கிய அங்கத்தவராக வும் இருக்கின்றார்.

இவர்களுடன் லண்டனில் உள்ள இலங்கை சிங்களவர் சங்கத்தின் உப தலைவர் டக்ளஸ் விக்கிரமரட்ண, கனடாவில் 1983ம் ஆண்டு முதல் வாழ்ந்துவரும் ஐராணி சில்வா என்ற பெண்மணியும் இங்கு வந்து பலநாட்களாக நாட்டுபற்றுடன் வெளிநாட்டு பிரதிநிதிகளுடன் கலந்துரை யாடி உண்மை நிலையினை எடுத்துக்கூறி வருகின்றார்கள்.

இந்த நிலையில் அதிர்ச்சித் தகவல் ஒன்றும் வெளியாகி இருக்கிறது. சனல் 4 தொலைக்காட்சியின் இலங்கைக்கு எதிரான செயற்பாடுகளால் இலங்கையைச் சேர்ந்த தமிழ்ப் பெண்மணியொருவர் பின்னணி யில் இருக்கிறாரென்ற உண்மை வெளியானதும் பிரேரணைக்கு ஆதர வாக வாக்களிக்கத் தீர்மானித்திருந்த நாடுகள் பல தங்களது நிலையை மாற்றுவதற்கு தீர்மானித்துள்ளதாக ஜெனீவா ராஜதந்திர வட்டாரங் கள் கூறுகின்றன.

சிராணி சுப்பிரமணியம் என்ற பெயருடைய இந்தப் பெண்மணி, சனல் 4 தொலைக்காட்சியின் நிர்வாகப் பணிப்பாளரை மணந்து லண்டனில் வசித்து வருகின்றார். இந்தப் பெண்மணி (சிராணி சுப்பிரமணியம்) சனல் 4 தொலைக்காட்சியில் முன்னர் வர்த்தகப் பணிப்பாளராக பணிபுரிந்துள்ளார் என்பதும் இப்போது தெரியவந்துள்ளது. சனல் 4 தொலைக்காட்சி நிறுவனம் புலம்பெயர் தமிழர்களுடனும், புலிகள் அமைப்புகளுடனும் சேர்ந்து செயற்பட்டு வருவது இந்தச் செய்தி மூலம் அம்பலத்திற்கு வந்துள்ளது. சனல் 4 இலங்கைக்கு எதிராக பொய்யான தகவல்களை வெளியிடு வதற்கு இந்தப் பின்னணியே காரணமாக இருக்கிறதென்பது இராஜ தந்திரிகள் மட்டத்தில் பெரும் அதிர்ச்சியை ஏற்படுத்தியுள்ளது. சனல் 4 தொலைக்காட்சி நிலையம் இலங்கைக்கு தீங்கிழைக்கக்கூடிய வகையில் வெளியிட்டிருக்கும் புதிய தொலைக்காட்சி விவரண நிகழ்ச்சியொன்றை இன்று ஜெனீவாவில் நடைபெறும் ஐக்கிய நாடு கள் மனித உரிமைகள் பேரவை கூட்டம் நடைபெறும் மண்டபத்தில் உள்ள இன்னுமொரு அறையில் நிகழ்ச்சிகளை நடத்துவதற்கான முயற்சிகளை மேற்கொண்டு வருகின்றது.

ஐக்கியநாடுகள் மனித உரிமைகள் பேரவையில் கலந்து கொள்ளும் சகல நாடுகளின் பிரதிநிதிகளையும் கலந்து கொள்ளுமாறு சனல் 4 அமைப்பு அழைப்பும் விடுத்துள்ளது. இந்த விவரணப் படத்தில் பொதுமக்கள் யுத்த முனையில் கொல்லப்பட்டார்கள் என்று குற்றம் சாட்டப்பட்டுள்ளது. சனல் 4 தொலைக்காட்சி நிறுவனம் தனது முதலாவது விவரணப் படத் தில் காண்பித்த காட்சிகளே இதில் மீண்டும் காட்டப்பட்டு, சில விப ரங்களை இணைத்திருப்பது குறிப்பிடத்தக்கது. இதில் எல்.ரி.ரி.ஈ. தலை வர் வேலுப்பிள்ளை பிரபாகரனின் 12 வயது மகனின் படமும் காண்பிக்கப்படுகிறது. சனல் 4 தொலைக்காட்சி நிறுவனம் இன்று ஜெனீவா ஐக்கிய நாடுகள் மனித உரிமை பேரவை மகாநாட்டின் போது ஏக காலத்தில் இன்னு மொரு மண்டபத்தில் காண்பிக்கவுள்ள தொலைக்காட்சி விவரணப் படங்களில் உள்ள பொய்யான தகவல்களை எடுத்துக் காட்டும் முகமாக, இலங்கை தூதுக் குழுவினர் சார்பில் பாராளுமன்ற உறுப் பினர் ரஜீவ விஜேசிங்க தலைமையில் நாளை செவ்வாய்க்கிழமை இன்னுமொரு நிகழ்ச்சியை ஜெனீவா ஐ.நா. சபை கட்டிடத்தில் காண்பிக்க விருக்கிறது. இதற்கு சகல அங்கத்துவ நாடுகளின் பிரதிநிதிகளை யும் வந்து சமுகமளிக்குமாறும் அழைப்பு விடுக்கப்பட்டுள்ளது.

முதலாவது விவரண திரைச்சித்திரத்திற்கு ‘இலங்கையில் நடைபெறும் விந்தையான முன்னேற்றம், முரண்பாடு சமதானம், அபிவிருத்தி மற்றும் வளமான வாழ்க்கை’ என்று தலைப்பிடப்பட்டுள்ளது. இந்த தொலைக்காட்சி திரைச்சித்திரத்தில் எல்.ரி.ரி.ஈ.யே உலகின் முன் னிலையில் உள்ள ஒரு பயங்கரவாத இயக்கம் என்றும் அதற்கு வெகு தூரத்தில் இரண்டாவது இடத்தில் அல்குவைதா அமைப்பும் இருக்கிறதென்று சுட்டிக்காட்டப்பட்டுள்ளது. இலங்கையில் நடைபெறும் அபிவிருத்திப் பணிகளை தோல்வியடைச் செய்து, நாட்டில் குழப்பத்தையும், அமைதியின்மையையும் ஏற்படுத்து வதே இந்த சனல் 4 விபரணப்படத்தின் குறிக்கோள் என்று இலங் கையை ஆதரிக்கும் நாடுகள் தெரிவித்துள்ளன.

இத்துடன், இன்னுமொரு 10 நிமிட விவரணப் படத்தையும் இலங்கை தூதுக் குழுவினர் அங்கு காண்பிக்கவிருக்கிறார்கள். இதற்கு ‘பொய்யான தகவல்களுக்கு நாம் அளிக்கும் உண்மை யான பதில்’ என்று பெயர் சூட்டப்பட்டுள்ளது. இதில் 2009 ஜன வரி முதல் மே மாதம் வரையில் இடம்பெயர்ந்தவர்களின் எண்ணி க்கை 3 லட்சத்து 5 ஆயிரமாக இருந்தது என்றும் இந்த யுத்தத் தின் போது 4 ஆயிரத்து 600 எல்.ரி.ரி.ஈ. பயங்கரவாதிகள் கொல்லப் பட்டதாகவும் குறிப்பிடப்பட்டுள்ளது. சனல் 4 தொலைக்காட்சி எல்.ரி.ரி.ஈ. செய்த படுகொலைகளையோ அவ் வியக்கம் 10 வயது சிறுவரையும் போராளிகளாக சேர்த்துக் கொண்ட அனர்த்தத்தையோ சுட்டிக்காட்ட தவறிவிட்டதென்றும் குறிப்பிடப்படும். நாளை நடைபெறும் இந்த உண்மையை உணர்த்தும் கருத்தரங்கத்தின் மூலம் இலங்கை பற்றி மற்ற நாடுகளின் மனதில் தோன்றியுள்ள சந்தேகங்கள் நிவர்த்தியாகும் என்றும் எதிர்பார்க்கப்படுகிறது.

(தினகரன்)