மக்கள் வங்கியின் மக்கள் சேவை பல்லாண்டுகளுக்கு தொடர வேண்டும்

1960ம் ஆண்டு தசாப்தத்தின் ஆரம்பத்தில் இலங்கையில் உள்ள சாதாரண குடிமகனுக்கு வங்கி வைப்பு ஒன்றை ஆரம்பிப்பதற்கு வாய்ப்பு எதுவும் இருக்கவில்லை. செல்வந்தர்க ளும், உயர் பதவி வகிப்பவர்களுமே அன்று இலங்கையில் செய ற்பட்டுவந்த வெளிநாட்டு வங்கிகளிலும், அரசாங்க வங்கியான இலங்கை வங்கியிலும் வைப்புகளை ஆரம்பிப்பதற்கு வாய்ப்பு இருந்தது. குறைந்த சம்பளம் எடுக்கும் அரசாங்க ஊழியருக்கு கூட இலங்கை வங்கியில் ஒரு வைப்பை ஆரம்பிக்க வேண்டுமாயின் பல மாத ங்களாக அல்லது வருடங்களாக அந்த வாய்ப்பிற்காக காத்திரு க்க வேண்டியிருந்தது.

1956ம் ஆண்டில் எஸ்.டபிள்யு.ஆர்.டி. பண்டாரநாயக்கவின் தலைமை யில் பதவிக்கு வந்த மக்கள் ஐக்கிய முன்னணி அரசாங்கம் தன்னை ஒரு மக்கள் அரசாங்கமாக பிரகடனம் செய்த போதி லும் அவ் அரசாங்கத்தின் கீழும் ஏழைகள் தங்கள் பொருளாதார வளத்தை பெருக்கிக் கொள்வதற்கு வங்கிகளில் வைப்புகளை ஆரம்பிப்பதற்கு பல்வேறு சிக்கல்களையும், முட்டுக்கட்டைகளை யும் எதிர்நோக்கினார்கள்.

திரு. எஸ்.டபிள்யு.ஆர்.டி. பண்டாரநாயக்கா கொலை செய்யப்பட்ட பின்னர் பிரதமர் பதவியை ஏற்றுக் கொண்ட டாக்டர் டபிள்யு. தஹநாயக்கவும் இதுவிடயத்தில் அந்தளவிற்கு அக்கறை காட்ட வில்லை. இறுதியில் 1960ம் ஆண்டு ஜூலை பொதுத் தேர்தலில் பிரதம மந்திரியாகி, உலகில் பிரதம மந்திரி பதவி வகிக்கும் முத லாவது பெண்மணி என்ற சாதனையை படைத்த திருமதி சிறிமாவோ பண்டாரநாயக்கவின் அரசாங்கத்தில் சோஷலிச கொள்கையை நிறை வேற்றுவதில் அக்கறை கொண்ட பல அமைச்சர்கள் இருந்தார்கள்.

அவர்களின் அரசாங்கத்தில் நிதி அமைச்சர் பதவியை ஏற்றுக் கொண்ட திரு. டி.பி. இளங்கரத்ன இந்நாட்டின் பாட்டாளி மக்களுக்கு பணி செய்த ஒரு பெரும் அரசியல் தலைவராவார். அவர் 1956ம் ஆண் டிலேயே ஊழியர் சேமலாப நிதியை ஆரம்பிப்பதிலும் பஸ் போக்கு வரத்து சேவையை தேசிய மயமாக்குவதிலும் துறைமுகத்தை தேசிய மயமாக்குவதிலும் தனது பெரும் பங்களிப்பை வழங்கினார்.

1961ம் ஆண்டில் சாதாரண மக்களுக்கும் வங்கிகளில் வைப்புகளை செய்வதற்கு வாய்ப்பளிக்கும் உன்னத நோக்கத்துடன் அவ்வா ண்டு ஜூலை மாதம் முதலாம் திகதியன்று அமைச்சர் இளங்கரத்ன மக்களுக்கு பயனுடையதாக இருக்க வேண்டுமென்ற காரண த்தினால் அதற்கு மக்கள் வங்கி என்று பெயரிட்டு ஆரம்பித்து வைத்தார்.

இதன் முதலாவது வங்கிக் கிளை கொழும்பு டியுக் வீதியில் ஆரம் பிக்கப்பட்டது. அவ்வாண்டில் மேலும் 8 மக்கள் வங்கிக் கிளை கள் பொலன்னறுவை, ஹிங்குராங்கொட, ஹம்பாந்தோட்டை, அநு ராதபுறம், புத்தளம், மாத்தளை மற்றும் கண்டியில் ஆரம்பிக்கப் பட்டன. இவற்றுடன் கொழும்பில் வெளிநாட்டு வங்கிக் கிளை யொன்றும் ஆரம்பிக்கப்பட்டது. அப்போது மக்கள் வங்கியில் எல்லாமாக 169 உத்தியோகத்தர்களே இருந்தார்கள்.

1967ம் ஆண்டில் மக்கள் வங்கி புதிய விவசாய கடன் ஒன்றையும் ஆரம்பித்து விவசாயிகளுக்கு பேருதவி புரிந்தது. மக்கள் வங்கி இவ்விதம் மக்களுக்கு சேவை செய்யும் ஒரு வங்கியாக வங்கித் துறையில் ஒரு பெரும் புரட்சியை ஏற்படுத்தி, இந்நாட்டு மக்கள் மத்தியில் சேமிப்பு பழக்கத்தை ஊக்குவிப்பதற்கு ஒரு உந்து சக் தியாக விளங்கியது.

மக்கள் வங்கி 1961ம் ஆண்டில் அன்றைய பிரதம மந்திரி திருமதி. சிறிமாவோ பண்டாரநாயக்கவின் வழிகாட்டலின் கீழ் அமைச்சர் டி.பி.இளங்கரட்னவினால் தீர்க்க தரிசனமான கொள்கையின் ஊடாக ஆரம்பிக்கப்படாமல் இருந்தால், இன்று கிராமிய பொரு ளாதாரம் இந்தளவிற்கு வளர்ச்சியடைந்திருக்க முடியாது.

மக்கள் வங்கி நாடெங்கிலும் 339 கிளைகள் மூலம் இன்று மக்களு க்கு ஒரு பெரும் சேவையை செய்து வருகின்றது. மக்கள் வங் கிக் குழுமம் 2011ம் நிதியாண்டின் மிகச் சிறந்த நிதி செயல் திறனை நிறைவேற்றியிருக்கிறது. மக்கள் வங்கி குழுமத்தின் வங் கித்துறையில் முன் எப்பொழுதும் இல்லாத 21பில்லியன் ரூபா வரிக்கு முந்திய இலாபத்தினை பதிவு செய்துள்ளது.

மொத்த கடன்கள் மற்றும் முற்பணங்கள் 478 பில்லியன் ரூபாவை அடைந்து, 29 சதவீதம் அதிகரித்துள்ளது. மூலதனமும், ஒதுக்கங் களும் 26.5 பில்லியனாகவும் அதிகரித்துள்ளது.

மக்களின் விருதுகள் மூலம் மக்களின் நம்பிக்கை மக்கள் வங்கி மீது மீள உறுதி செய்யப்பட்டும் இருக்கிறது. இந்த சாதனையை ஏற்ப டுத்திய மக்கள் வங்கியில் ஆயிரக்கணக்கான கடமை உணர்வு கொண்ட ஊழியர்களுக்கு நல் ஆசான்களாகவும், வழிகாட்டிகளா கவும் இருவர் இருந்து வருகிறார்கள்.

மக்கள் வங்கியின் தலைவர் திரு. டபிள்யு. கருணாஜீவவும், வங்கியின் பிரதான நிறைவேற்று அதிகாரியும் பொதுமுகாமையாளருமான என். வசந்தகுமாரும் மக்கள் வங்கியின் இந்த சாதனைகளுக்கு பின்னணியில் இருந்து உந்து சக்தியாக செயற்பட்டு பாராட்டைப் பெற்றிருக்கிறார்கள்.

மக்கள் வங்கி மேலும் பல்லாண்டுகளுக்கு தனது மக்கள் சேவையை தொடர்ந்தும் நிறைவேற்ற வேண்டும்.

(தினகரன்)