ஒசாமாக்களும் ஒபாமாக்களும்

பாகிஸ்தானில் பதுங்கியிருந்த அல்கொய்தா அமைப்பின் தலைவர் ஒசாமா பின்லேடன் அமெரிக்க உளவுப்படையினரால் சுட்டுக்கொல் லப்பட்டதாக அமெரிக்க ஜனாதிபதி பாரக் ஒபாமா அறிவித்துள்ளார். 2001ம் ஆண்டு அமெ ரிக்காவில் அல்கொய்தா நடத்திய தாக்குதலில் நீதி நிலைநாட்டப்பட்டுள்ளது என்று ஒபாமா கூறியுள்ளார். பயங்கரவாதத்திற்கு எதிரான போரில் பின் லேடன் கொல்லப்பட்டது மிக முக்கியமான திருப்பம் என்றும் ஒபாமா கூறியுள்ளார். கடுமை யான பொருளாதார நெருக்கடியில் சிக்கியுள்ள அமெரிக்க மக்களின் கவனத்தை திசைதிருப்ப பின்லேடனின் மரணத்தை அமெரிக்க நிர்வாகம் பயன்படுத்திக் கொள்ளக்கூடும்.

பின்லேடனை கொலைசெய்தது மாபெரும் வெற்றி என்று அமெரிக்கா குதூகலிக்கும் அதே வேளையில், பின்லேடன்களை உருவாக்கியது யார் என்ற கேள்வியும் எழுவது இயல்பே. ஆப்கானிஸ்தானில் சோவியத் படைகளுக்கு எதிராகக் கலகம் செய்வதற்காகவே தாலிபான் களை அமெரிக்கா வளர்த்துவிட்டது. இன் றைக்கு அதே தாலிபான்களை ஒடுக்குவதாக கூறி ஆப்கானிஸ்தானை அமெரிக்கப் படைகள் ஆக்கிரமித்துள்ளன.

அப்போது ஆப்கானிஸ்தானில் இயங்கி வந்த கலகப்படையினருக்கு உதவுவதற்காகவே சவூதி அரேபியாவைச் சேர்ந்த பின்லேடன் ஆப்கன் வந்தார். அமெரிக்காவின் உதவியோடு தான் அவர் ஒரு பயங்கரவாதியாக வளர்ந்தார். வளர்த்த கடா மார்பில் பாய்ந்த கதையாக அமெ ரிக்காவுக்கு பெரிய தலைவலியாக பின் லேடனின் அல்கொய்தா இயக்கம் மாறியது.

பயங்கரவாத இயக்கம் வேரூன்றி வளர்வதற் கான அனைத்து ஏற்பாடுகளையும் அமெரிக்கா தான் செய்கிறது. பிறகு உலகளாவிய முறையில் பயங்கரவாதத்தை எதிர்த்து போராடுவதாக காட்டிக் கொண்டு, பல நாடுகளை தனது ஆக்கிரமிப்பில் அமெரிக்கா கொண்டுவருகிறது.

இராக்கில் ஜனநாயகத்தை நிலைநாட்டப் போவதாக கூறிக்கொண்டு அந்த நாட்டை அமெரிக்கா ஆக்கிரமித்தது. இதை எதிர்த்து போராடும் தேச பக்தர்களுக்கு பயங்கரவாதிகள் என்று முத்திரை குத்தி வேட்டையாடுகிறது.

லிபியாவில் அமெரிக்கா தலைமையிலான நேட்டோ படைகள் நடத்திய தாக்குதலில் அதிபர் கடாபியின் மகன் மற்றும் அவரது குடும் பத்தைச் சேர்ந்த மூன்று குழந்தைகள் படு கொலை செய்யப்பட்டுள்ளனர். இது ஒரு கிரி மினல் நடவடிக்கையாகும். அந்த நாட்டில் புகுந்து தாக்குதல் நடத்துவதற்கு அமெரிக்கா வுக்கு எந்த உரிமையும் இல்லை.

இத்தகைய அத்துமீறிய ஆக்கிரமிப்பு நட வடிக்கைகள்தான் பயங்கரவாத இயக்கங்களை பாலூட்டி வளர்க்கிறது என்பதை மறந்துவிட லாகாது.

பயங்கரவாத எதிர்ப்பு என்பது உலக நாடுகள் அனைத்தும் ஒன்றிணைந்து செய்ய வேண்டிய ஒரு நடவடிக்கை. ஆனால் பயங்கரவாத எதிர்ப்பு என்ற பெயரில் அமெரிக்கா நடத்தும் ஆக்கிர மிப்பு வேலைகளை சர்வதேச சமூகம் அங்கீக ரிக்கக்கூடாது. அப்படி அங்கீகரித்தால் அமெ ரிக்கா ஒரு அங்கீகரிக்கப்பட்ட பயங்கரவாதி என்று ஒத்துக்கொள்வதாக அர்த்தமாகிவிடும்.