பாரம்பரிய பந்தபாசங்களை சீர்குலைக்கும் அன்னையர் தினம்

இலங்கை உட்பட உலக நாடுகளில் நேற்று அன்னையர் தினம் பெரும் கோலாகலமாகக் கொண்டாடப்பட்டது. தமது சொந்த அன்னையர் மீது அன்பையும், பாசத்தையும் தெரிவிப்பதற்கு இவ்வாறான ஒரு தினம் அவசியம்தானா என்று தமிழ் முஸ்லிம் கலாசாரத்தில் ஈடுபாடு கொண்ட கல்விமான்களும் அறிஞர்களும் ஏளனம் செய்யும் அளவுக்கு அன்னையர் தினம் பணம் சம்பாதிப் பதற்கான ஒரு வழிமுறையாக இன்று கடைப்பிடிக்கப்பட்டு வருகின்றது.

அன்னையர் தினத்தை ஒரு வணிகக் குறியாக வைத்து விளம்பர நிறு வனங்களும் பல்தேச நிறுவனங்களும் கொள்ளை இலாபமிடுவதற்கு தங்கள் முழு கவனத்தையும் செலுத்துகின்றன. அன்னையரை உண்மை யான பாசத்துடன், பராமரிப்பதில் இத்தகைய நிறுவனங்களுக்கு எந்தவொரு அக்கறையோ விருப்பமோ கிடையாது.

அன்னையர் தினத்திற்காக விசேட அன்பளிப்புக்கள் தயாரிக்கப்பட்டு விற்பனை செய்யப்படுகின்றன. அன்னையர் தினத்தை விருந்து வைத்து கொண்டாடுவதற்காக நட்சத்திர ஹோட்டல்கள், தங்கள் கட்டணத் தைக் குறைத்து அறவிடுவதும் உண்டு.

வயோதிபப் பருவத்தை எட்டும் தமது அன்னையருக்கு புத்தாடை அணிவித்து அவர்களின் பிள்ளைகள் விருந்துபசாரம் வைத்து கொண்டாடினாலும், அந்தக் கொண்டாட்டங்களில் கலந்துகொண்டு இன்சுவை உணவை ருசி பார்க்கும் வாய்ப்பு கூட பெரும்பான்மை யான அன்னையருக்கு கிடைப்பதில்லை.

எங்கள் அம்மாவுக்கு சக்கரை நோய் இருக்கிறது. அம்மாவின் இருதயம் பாதிக்கப்பட்டிருக்கிறது. ஆகவே அவவுக்கு பொரித்த உணவைக் கொடுக்காதீர்கள், உப்பைக் குறைத்து உணவைப் பரி மாறுங்கள், என்றெல்லாம் அந்த அன்னையரின் பிள்ளைகள் கண்டிப்பாக தங்கள் பணியாட்களுக்கு உத்தரவு பிறப்பிப்பார்கள். நாம் இதுவரை இலங்கையில் நடக்கும் அன்னையர் தினக் கொண்டாட்டங்களைப் பற்றித்தான் குறிப்பிட்டோம்.

இந்தக் கொண்டாட்டங்களை பொதுவாக எமது நாட்டின் செல்வச் சிறப் போடு வாழும் சீமாட்டிகளே தங்கள் அன்னையருக்காக ஒழுங்கு செய்கிறார்கள். அன்றைய தினம் இந்த விருந்துபசாரங்களை பெரு மளவு பணத்தைச் செலவிட்டு நடத்துவதன் மூலம் இந்தச் சீமாட்டி கள் தங்களுக்கு இருக்கும் ஐஸ்வர்யத்தை மற்றவர்களுக்கு இறு மாப்போடு எடுத்துக்காட்டுவதிலும் மகிழ்ச்சியடைகிறார்கள்.

அதைவிடத்து, இந்தச் சீமாட்டிகள் தங்கள் அன்னையரைப் பற்றி சிறி தளவேனும் சிந்திப்பதோ கவனிப்பதோ இல்லை. பல அறைகளைக் கொண்ட தங்கள் பங்களாவில் கடைசியிலுள்ள ஒரு அறையில் தங்கள் அன்னையரை இவர்கள் நிரந்தரமாக இருக்கச் செய்து அவர்களை பராமரிப்பதற்கு ஒரு பணிப்பெண்ணையும் வைப்பார்கள்.

அவர்கள் 24 மணித்தியாலயத்தில் எப்போதாவது சில வினாடிகள் அன்னையின் அறையை எட்டிப் பார்த்து அம்மா எபபடியிருக் கிறது. இன்று மாலை டாக்டர் வருவார். உடைகளை மாற்றி சுத்த மாக இருங்கள் என்று வெறுமனே கட்டளையிட்டு சென்று மறைவர். இந்த தனித்து விடப்பட்ட அன்னையருக்கு அந்த வீட்டில் தன் னைப் பொறுப்பாக விட்டிருக்கும் பணிப்பெண்ணே சொந்த மகளைப் போன்று அன்புடன் அக்கறையாக பணிவிடை செய்வார்.

பிள்ளைப் பாசத்தினால் வேதனைப்படும் இந்த அன்னையரை தலை நிமிர்ந்து பார்க்கும் அளவுக்கும் கூட அவர்களின் மகன்மாருக்கும் மகள்மாருக்கும் நேரம் இருக்காது. இவ்விதம் தனது அறையில் சகல செளகரியங்களும் இருந்தாலும் தான் பெற்ற பிள்ளைகளின் அரவணைப்பைத் தேடி அலையும் இந்த அன்னையர் இறுதியில் மனம் நொந்துபோய் வயோதிபத்தில் மாண்டு விடுகிறார்கள்.

இது அன்னையர் தினத்தின் ஒருபக்கம். மறுபக்கம், நடுத்தர குடும்பங் களிலும் ஏழ்மை நிலையிலுள்ள குடும்பங்களிலும் பணப் பற்றாக் குறை இருந்தாலும்கூட அங்கு அன்னையர் பாசத்துடன் அவர் களின் பிள்ளைகள் பணிவிடை செய்கிறார்கள். தங்கள் அன்னை யரைப் பராமரிப்பதற்கு அவர்கள் சம்பளத்திற்கு ஆட்களை வைப்பதில்லை.

மாறாக, அவர்களின் சொந்தப் பிள்ளைகளே அன்னையரின் அனைத் துத் தேவைகளையும் அன்புடன் அவதானித்து வருகின்றனர். ஏழைகளின் இல்லத்தில் அன்னையரை அவர்களின் பிள்ளைகள் அன்பு செலுத்தி பராமரிக்கிறார்கள். இதுதான் வாழ்க்கையின் யதார்த் தம். பணம் இருப்பவர்களிடம் நல்ல உள்ளம் இருக்காது. பணம் இல்லாதவர்களில் அன்பும் பாசமும் மடைதிரண்ட வெள்ளமாக பெருக்கெடுக்கும்.

அன்னையர் தினக் கொண்டாட்டங்களுக்கு மேற்கு நாடுகளிலேயே வித்திட்டப்பட்டது. அங்கு வயோதிபத்தை அடைந்த தங்கள் அன்னையரை அவர்களின் பிள்ளைகள் பணம் செலுத்தி ஒரு முதியோர் இல்லத்தில் சேர்த்து விடுவார்கள். வருடத்திற்கு ஒரு தடவை அல்லது இரண்டு மூன்று தடவைகள் அவர்களின் பிள்ளைகள் அன்னையரை போய் பார்த்து சிற்றுண்டிகளையும் சிறிய பரிசுகளையும் கொடுத்து குசலம் விசாரித்துவிட்டு வந்துவிடு வார்கள். அத்துடன் அவர்களின் அன்பும் பாசமும் நிறைவுபெறும்.

தங்கள் அன்னையரை வருடத்திற்கு ஒரு தடவை பார்க்க வேண்டிய வர்கள் அதற்கு ஒரு சாக்காக அன்னையர் தினத்தை பயன்படுத்து கிறார்கள். ஆனால் அங்கு பிள்ளைகளுக்கும் அன்னையருக்கும் இடையில் பந்தபாசங்கள் இருப்பதில்லை. பெயரளவில் இவர்தான் எனது அன்னை என்பதை மற்றவர்களுக்கு பிரபல்யப்படுத்துவதற் காகவே இந்த தினம் கொண்டாடப்படுகிறது.

அதுபோன்றே தந்தையர் தினமும் உலகெங்கிலும் கொண்டாடப்படு கின்றது. மேற்கத்திய நாகரிகத்தில் மூழ்கியிருக்கும் நம் நாட்டவர்கள் உட்பட பல்வேறு கீழைத்தேசங்களைச் சேர்ந்த மக்கள் இந்தப் போலி யான அன்னையர், தந்தையர் தினத்தை கொண்டாடும் பழக்கத்தை இனிமேலாவது கைவிட வேண்டும். அவர்கள் அவ்விதம் செய்தால் தான் அவர்களின் பிள்ளைகள் தங்கள் தாய்மார் வயோதிபம் அடையும் போது அன்புடன் பராமரிப்பார்கள் என்பதை ஞாபகப்படுத்த விரும்புகின்றோம்.

(தினகரன்)