பொலிஸ், பொதுமக்கள் நல்லுறவு இன்று வலுவடைந்து வருகிறது

பொலிஸ் அதிகாரம் வேண்டும், காணி அதிகாரம் வேண்டும் என்று பிடிவாதம் பிடித்து, இவை குறித்து அரசாங்கம் உத்தரவாதமளிக்காத பட்சத்தில் இனப்பிரச்சினைக்கு தீர்வு காண்பதற்கான பாராளுமன்ற தெரிவுக்குழுவில் கலந்து கொள்ள மாட் டோம் என்று தமிழ் தேசிய கூட்டமைப்பு விரும்பியோ விரும்பாமலோ இனப்பிரச்சினைக்கான தீர்வை காலதாமதப்படுத்துவதற்கான இந்த நிலைப் பாட்டில் இருந்து சற்றேனும் விட்டுக் கொடுக்க தயாராக இல்லையென்று அரசியல் அவதானிகள் கூறுகிறார்கள். பொதுவாக ஒரு கட்சி பிளவுபடுவதற்கு அக்கட்சியின் பிரதான தலைவர்க ளுக்கிடையில் இருந்துவரும் கொள்கை அடிப்படையிலான கோபதாபங்க ளும் ஒரு காரணம். அது போன்று தமிழ் தேசிய கூட்டமைப்பின் ஒரு சாரார் இனப்பிரச்சினைக்கு தீர்வு காண அரசாங்கத்துடன் ஒத்துழைக்க வேண்டுமென்ற நிலைப்பாட்டில் இருக்கும் போது இன்னொரு சாரார் நாம் எமது கொள்கையை விட்டுக் கொடுக்கக் கூடாதென்று வாதாடுகிறார்கள்.

தமிழ் தேசிய கூட்டமைப்பு இனப்பிரச்சினை தொடர்பான தனது இறுதி நிலை ப்பாட்டை விரைவில் பகிரங்கப்படுத்தும் என்ற நம்பிக்கை அரசியல் அவ தானிகளுக்கு இருக்கின்றது. இக்கூட்டணியின் ஒரு சாரார் தாங்கள் நிபந் தனைகளை முன்வைத்து பாராளுமன்ற தெரிவுக்குழுவில் சேர்ந்து கொள்ள தயார் என்ற கருத்தையும் மறைமுகமாக வெளியிட்டுள்ளார்கள்.

எவ்வாறாயினும் தமிழ் தேசிய கூட்டமைப்பின் பிரதான கோரிக்கை பொலிஸ் அதிகாரங்களை மாகாண சபைகளுக்கு கொடுக்க வேண்டும் என்பதேயா கும். இன்று அதைவிட கூடுதலான பொலிஸ் அதிகாரங்களை தமிழ் மக் கள் வாழும் வடக்கு, கிழக்கு மாகாணங்கள் மட்டுமன்றி, நாடெங்கிலும் பொதுமக்களுக்கு அரசாங்கம் பெற்றுக் கொடுத்து வருகிறது.

பொலிஸ் மா அதிபர் சகல பொலிஸ் நிலையங்களிலும் தமிழ் தெரிந்த தமிழ், முஸ்லிம் அல்லது சிங்கள உத்தியோகத்தர்களை இப்போது நியமித்த வண் ணம் இருக்கிறார். இதனடிப்படையில் ஒவ்வொரு பொலிஸ் நிலையத்தி லும் பொதுமக்களை சந்திக்கும் விசேட கருமபீடங்களில் தமிழ் மொழி தெரி ந்த ஒரு பொலிஸ் உத்தியோகத்தர் 24 மணி நேரமும் சேவையில் ஈடு படுத்தப்பட்டுள்ளார்.

சிங்களம், ஆங்கில மொழி தெரியாத தமிழ், முஸ்லிம் மக்கள் மற்றவர்களின் உதவியின்றி நேரடியாக பொலிஸ் நிலையங்களுக்கு சென்று தங்களு டைய முறைப்பாடுகளை தமிழ் மொழியிலேயே செய்வதற்கு இப்போது சகல பொலிஸ் நிலையங்களிலும் வசதிகள் செய்து கொடுக்கப்பட்டுள்ளன.

பொலிஸ் மா அதிபர் திரு. என்.கே. இளங்கக்கோன் இதிலிருந்து ஒருபடி அப் பால் சென்று பொதுமக்கள் பொலிஸ் நிலையத்தில் செய்யும் முறைப்பாடு களின் நகல் பிரதியை உடனடியாக அங்குள்ள பொலிஸ் உத்தியோகத்தர் களால் முறைப்பாடு செய்தவர்களுக்கு கொடுக்க வேண்டுமென்றும் உத்த ரவு பிறப்பித்துள்ளார்.

இது பற்றி தகவல் தெரிவிக்கும் பொலிஸ் திணைக்களத்தின் பேச்சாளரான பொலிஸ் அத்தியட்சகர் அஜித் ரோஹன, இரண்டு மாதங்களுக்கு முன் னர் பொலிஸ் மா அதிபர் பொலிஸ் நிலையங்களில் செய்யப்பட்ட முறை பாடுகளின் நகல்கள் தொலைந்துவிட்டால் அந்த நகல்களை மீண்டும் பொலிஸ் நிலையங்களில் பொதுமக்கள் பெற்றுக் கொள்ளலாம் என்று தெரிவித்த வாக்குறுதியை நிறைவேற்றும் முகமாகவே இந்த புதிய வசதி இப்போது அமுலாக்கப்படுகிறது என்று கூறினார்.

தேசிய அடையாள அட்டை, வாகனங்களை ஓட்டுவதற்கான அனுமதிப்பத்தி ரம், கடவுச்சீட்டுகள் மற்றும் மோட்டார் வாகனங்கள் தொடர்பான முக்கிய ஆவணங்கள் ஆகியன தொலைந்துவிடும் சந்தர்ப்பங்களிலேயே அவற் றுக்கான நகல் பிரதியை சம்பந்தப்பட்ட பொதுமக்கள் உடனடியாக பொலிஸ் நிலையங்கள் மூலம் பெற்றுக் கொள்ளலாம் என்றும் பொலிஸ் அத்தியட் சகர் அஜித் ரோஹன மேலும் தெரிவித்தார். இது தொடர்பாக பொலிஸ் மா அதிபர் சகல பொலிஸ் நிலையங்களுக்கும் அனுப்பியுள்ள சுற்றறிக் கையில், இவ்விதம் நகல் பிரதிகளை பொலிஸ் நிலையங்களில் பெற்றுக் கொள்வதற்கு சம்பந்தப்பட்ட பொதுமக்கள் 25 ரூபாவை கட்டணமாக செலுத்த வேண்டுமென்றும் தெரிவித்துள்ளார்.

இது மட்டுமன்றி இன்று தமிழ், முஸ்லிம் மக்கள் கூடுதலாக வாழும் நாட்டின் வடக்கு, கிழக்கு மாகாணங்களிலும் மலையகத்திலும் மற்றும் நாடெங்கி லும் உள்ள சகல பொலிஸ் நிலையங்களிலும் இப்போது தமிழ் மொழி தெரிந்த பொலிஸ் உத்தியோகத்தர்கள் கூடுதலாக நியமிக்கப்படுகிறார்கள். அத்துடன் கூடுமான வரையில் தமிழ் மொழி மாத்திரம் தெரிந்த ஒருவர் பொலிஸ் நிலையங்களில் செய்யும் முறைப்பாட்டை தமிழிலேயே பதிவு செய்வதற்கு போதியளவு தமிழ் தெரிந்த பொலிஸ் உத்தியோகத்தர்களை பொலிஸ் நிலையங்களில் நியமிப்பதற்கு பொலிஸ் மா அதிபர் நடவடி க்கை எடுத்துள்ளார்.

தமிழ் மொழி தெரிந்த ஒருவரேனும் இல்லாத பொலிஸ் நிலையங்களில் தமிழ் மொழி மாத்திரம் தெரிந்த ஒருவர் முறைப்பாடு ஒன்றை செய்யவிரும்பி னால் அவருடன் கருணையுடன் தெரிந்த தமிழ் மொழியில் பொலிஸ் உத் தியோகத்தர்களுடன் பேசி, உண்மை நிலையை அவர்களுக்கு எடுத்துரை த்து, சம்பந்தப்பட்ட மனிதரை முழுமையாக திருப்திபடுத்தக்கூடிய வகை யில் அவர் கூறியதை சிங்களத்தில் எழுதி அதனை அவருக்கு விளக்கிக் கூற வேண்டுமெனவும் அறிவிக்கப்பட்டுள்ளது. ஆயினும் இந்நிலை அதிக காலத்திற்கு நீடிக்காது. காரணம் சகல பொலிஸ் நிலையங்களுக்கும் தமிழ் தெரிந்த உத்தியோகத்தர்கள் நியமிக்கப்படுவது விரைவில் சாத்தியமாகும்.

இதற்கென பொலிஸ்மா அதிபர் ஒவ்வொரு பொலிஸ் நிலையத்திலும் உள்ள சிங்கள உத்தியோகத்தர்களுக்கு வார இறுதி நாட்களில் தமிழ் கற்பிக்கும் வகுப்புகளை நடந்த அப்பிரதேசங்களுக்கு பொறுப்பான பிரதிப் பொலிஸ் மா அதிபர், சிரேஷ்ட பொலிஸ் அத்தியட்சகர், உதவி பொலிஸ் அத்தி யட்சகர் மற்றும் பொலிஸ் நிலைய பொறுப்பதிகாரிகள் நடவடிக்கை எடுக்க வேண்டுமென்று அறிவித்துள்ளார்.

பொலிஸார் பொதுமக்களின் நண்பர்களாக இருந்து தங்கள் பணிகளை சிறப் பாக செய்ய வேண்டுமென்ற ஜனாதிபதி அவர்களின் லட்சியக் கனவை இன்று பொலிஸ் திணைக்களம் வெற்றிகரமான முறையில் நிறைவேற்றி வரு வது பாராட்டுக்குரிய விடயமாகும்.