வடபகுதியில் பணிபுரிந்த டாக்டர் இந்திய பிரதமருக்கு எழுதிய கடிதம்

தமிழர் யுத்தத்தின் பின்னர் கெளரவமாக நாட்டில் எந்தப் பகுதியிலும் வாழ்கிறார்கள். தமிழர்கள் இராணுவத்தினரைப் பாராட்டுகிறார்கள். வடமாகாணத்தில் பெருமதிப்புக்குரிய வைத்திய நிபுணராக இருக்கும் டாக்டர் பி.சிவபாலன் இந்திய பிரதம மந்திரி டாக்டர் மன்மோகன் சிங்கிற்கு அனுப்பி வைத்த கடிதம் ஒன்றில் 2009 ம் ஆண்டில் எல்.ரி.ரி.ஈ பயங்கரவாத யுத்தம் முடிவடைந்த பின்னர் தமிழர்கள் நாட்டின் எந்த ஒரு பிரதேசத்திலும் அச்சமின்றி நிம்மதியாக வாழ்வதற்கான சாதகமான சூழ்நிலை உருவாகி இருப்பதாகவும், இலங்கை அரசியல் சாசனத்தில் தமிழர்கள் இப்போது சம உரிமைகளை அனுபவிக்கிறார்கள் என்றும் கூறியுள்ளார். நான் ஒரு தமிழன் என்ற முறையில் தமிழ் மக்கள் கடந்த 60 வருடங்களாக அனுபவித்த வேதனைகளை நேரில் பார்த்து இருக்கிறேன். தற்போதைய அரசாங்கத்தின் கீழ் தமிழர்களாகிய எங்களுக்கு கெளரவமாக வாழ்க்கை நடத்துவதற்கு வழியமைக்கப்பட்டிருக்கிறது என்று நான் உறுதிபட கூற விரும்புகிறோன்.

பயங்கரவாதிகளுக்கு எதிரான யுத்தத்தில் துன்பங்களை அனுபவித்த தமிழர்கள் அதற்கு இராணுவத்தின் மீது குற்றம் சுமத்தவில்லை. எல்.ரி.ரி.ஈ யின் பிடியில் இருந்து தங்களை இராணுவம் காப்பாற்றி விடுவித்தமைக்காக தமிழ் மக்கள் இராணுவத்திற்கு நன்றியுடையவர்களாக இருக்கிறார்கள் என்று தெரிவித்திருக்கும் டாக்டர் சிவபாலனின் கடிதத்தில் முக்கிய அம்சங்கள் வருமாறு. மதிப்பிற்குரிய இந்தியாவின் பிரதம மந்திரி அவர்களே, நான் முதலில் திராவிட முன்னேற்றக் கழகத்தின் அச்சுறுத்தல்களுக்கு நீங்கள் அடிபணியாத காரணத்தினால் உங்களுக்கு என்னுடைய பாராட்டுக்களை தெரிவிக்க விரும்புகிறேன். திராவிட முன்னேற்றக் கழகத்தினர் இலங்கையில் நிலவி வரும் சமாதான சூழ்நிலையை தெரியாதவர்கள் போல் பாசாங்கு செய்கின்றனர். இலங்கையில் மனித படுகொலை நடக்கவில்லை, 2009 மே மாதத்தில் பயங்கரவாதம் முறியடிக்கப்பட்டதை அடுத்து தமிழர்கள் எவ்வித பயமும் இன்றி நாட்டின் எந்த பகுதியிலும் அச்சம் இன்றி வாழக்கூடியதாக இருக்கின்றது.

தமிழர்களாகிய எங்களுக்கு எமது நாட்டின் அரசியல் சாசனத்திற்கு அமைய சரி சமமான உரிமை இருக்கிறது. ஆயினும் சில நிர்வாகக் குறைபாடுகள் இருக்கின்றன. அதில் ஒன்று சில பொறுப்பற்ற அரசாங்க உத்தியோகத்தர்களின் செயற்பாடுகளினால் அரசாங்க காரியாலயங்களில் சிங்கள கடிதங்கள் தமிழர்களுக்கு தொடர்ந்தும் கிடைத்துவருவதாக அத்துடன் பெரும்பாலானோர் பொலிஸ் நிலையங்களில் தமிழர்கள் செய்யும் முறைப்பாடுகளை சிங்களத்தில் பதிவு செய்வதும் தமிழர்களுக்கு மன அழுத்தத்தைக் கொடுக்கிறது.

தற்போதைய நல்ல அரசாங்கம் இந்தப் பிரச்சினையை விரைவில் தீர்த்து வைக்கும் என்ற நம்பிக்கை எனக்கு இருக்கிறது. கடந்த 60 ஆண்டுகளாக தமிழன் ஆகிய நான் தமிழ் மக்கள் படும் வேதனைகளைப் பார்த்திருக்கிறேன். தற்போதைய அரசாங்கத்தினால் எங்களுக்கு மிகவும் கெளரவமான வாழ்க்கை கிடைத்திருக்கிறது என்பதை நாங்கள் உறுதிப்படுத்த முடியும்.

துரதிர்ஷ்டவசமாக தமிழர்கள் அரசியல்வாதிகள் மீது வைத்திருந்த நம்பிக்கையை இழந்து விட்டார்கள். அதனால் அவர்கள் வாக்களிப்பதில்லை. தமிழ் தேசியக் கூட்டமைப்பினருக்கு கடந்த பொதுத் தேர்தலில் பதிவு செய்யப்பட்ட வாக்குகளில் 11 சதவீதமானவையே கிடைத்தன.

இந்த தமிழ் பிரதிநிதிகளே சர்வதேசத்திற்கு தவறான தகவல்களை வழங்குவதுடன் தங்கள் சமூகத்தையே ஏமாற்றுகிறார்கள். இவர்கள் தங்கள் நாட்டிற்கு துரோகம் இழைக்கிறார்கள். பயங்கரவாதத்தினால் துன்பம் அனுபவித்த மக்கள் அதற்கு இராணுவத்தின் மீது குறை கூறுவதில்லை. ஆயினும் தமிழர்கள் எல்.ரி.ரி.ஈ யின் பிடியில் இருந்து தங்களை காப்பாற்றி பல விதத்திலும் உதவி செய்த இராணுவத்தினரை பாராட்டுகிறார்கள். ஆயினும் எல்.ரி.ரி.ஈ யை ஆதரிக்கும் இலங்கையில் உள்ள சிலரும் மற்றும் வெளிநாட்டு முக்கியஸ்தர்களும் இதன் மூலம் சிறந்த வாழ்க்கையை அனுபவித்து வருபவர்களே இராணுவத்தின் மீதும் இலங்கை அரசாங்கத்தின் மீதும் குறை கூறுகிறார்கள்.

வன்னியில் நடைபெற்ற யுத்தத்தின் போது எதிரணியினரை எதிர்த்து போராடியதை தொலைக்காட்சி மூலம் பார்க்கக் கிடைத்தது. இத்தகைய பாராதூரமான ஆபத்து நிறைந்த சூழ்நிலையிலும் இராணுவம் தீய செயற்பாடுகளில் ஈடுபடவில்லை. இராணுவத்தினர் வயோதிபர்களையும், காயமடைந்தவர்களையும் தூக்கிச் சென்றதை நாம் பார்த்தோம். சனல் 4 தொலைக்காட்சியில் காண்பிக்கப்பட்ட பார்க்க சகித்துக் கொள்ள முடியாத தொலைக்காட்சிப் படங்கள் இலங்கைக்கு எதிரானவர்களினால் தயாரிக்கப்பட்டவையாகும். மேற்குலகில் தமிழ் ஈழத்தை ஆதரிப்பவர்கள் தமிழ் தேசியக் கூட்டமைப்பினராகவோ தமிழ் குற்றவாளிகளாகவோ இருக்கலாம். இவர்கள் யுத்தம் முடிவடைந்த காலகட்டத்தில் மேற்கொள்ளப்பட்டதாக கூறப்படும் யுத்தக் குற்றாச்சாட்டுக்கு சர்வதேச விசாரணை மேற்கொள்ளப்பட வேண்டும் என்ற அழுத்தங்களை விடுக்கிறார்கள். கடந்த ஜனாதிபதித் தேர்தலில் இவர்கள் ஏன் தமிழர்கள் முன்னாள் இராணுவத் தளபதி சரத் பொன்சேகாவை ஆதரித்து வாக்களிக்க வேண்டும் என்று கேட்டார்கள் என்பதையும் நாம் பரிசீலனைக்கு எடுத்துக் கொள்ள வேண்டும். சரத் பொன்சேகா: இலங்கை சிங்கள பெளத்தர்களின் நாடு என்றும் தமிழ் சிறுபான்மையோர் இலங்கையில் தங்கியிருக்கலாம். ஆனால் அவர்கள் எதையும் கேட்கமுடியாது என்றும் அறிவித்திருந்தார்.

சரத் பொன்சேகா இராணுவத்திற்கு சேர்க்கப்படும் ஒரு இலட்சம் பேரை வடக்கிலும், கிழக்கிலும் குடியேற்றி எதிர்காலத்தில் பிரபாகரன் போன்றவர்கள் உருவாகுவதை தடுக்க வேண்டும் என்று அறிவித்திருந்தார்.

இதில் இருந்து தமிழ் தேசியக் கூட்டமைப்பும் தமிழ்ஈழ இடைக்கால அரசாங்கத்தை அமைக்கும் புலம் பெயர்ந்தவர்களின் தில்லுமுல்லுகளை வெளிப்படுத்துவதாக இருக்கிறது. நாம் நீதிக்காக நிமிர்ந்து நிற்க வேண்டும்.

முன்னாள் இந்தியப் பிரதம மந்திரி தமது உயிரைத் தியாகம் செய்ததை நாம் நினைவில் கொள்ள வேண்டும். மிலேச்சத்தனமாக குற்றம் புரிந்தவர்களை ஆதரிப்பவர்கள் குறித்து நாம் அவதானமாக இருக்க வேண்டும். கடவுளின் நாமத்தில் இந்த கோரிக்கையை உங்களுக்கு விடுக்கிறேன்.

- டாக்டர் பி.சிவபாலன்