தமிழக அரசியலும், மதிமுகவும்!

திமுகவிலிருந்து வெளியேற்றப்பட்ட வைகோ, மதிமுக என்ற புதிய கட்சியை ஆரம்பித்து, அது 21 வது ஆண்டில் அடியெடுத்து வைத்துள்ளது. தமிழர் பிரச்னைகளை கையிலெடுத்து போராடுவது, தமிழர் நலனுக்கு எதிரானவற்றை எதிர்த்து குரல் கொடுப்பது, மதுவிலக்கை கொண்டுவர வலியுறுத்துவது என மதிமுகவும், அக்கட்சி தலைவர் வைகோவும் தமிழக அரசியல் களத்தில் இயங்கினாலும், கட்சி ஆரம்பித்து 20 ஆண்டுகளுக்கு பின்னரும் இன்னமும் குறிப்பிடத்தக்க அளவில் சட்டமன்றத்திற்கோ அல்லது நாடாளுமன்றத்திற்கோ உறுப்பினர்களை அனுப்ப இயலாமல் தடுமாறிக்கொண்டுதான் உள்ளது மதிமுக என்றும், அதே சமயம் வைகோவுக்கு பின்னர் பல ஆண்டுகள் கழித்து தேமுதிகவை ஆரம்பித்த விஜயகாந்த் கூட எதிர்க்கட்சி தலைவர் ஆகும் அளவுக்கும், நாடாளுமன்ற தேர்தலில் மற்ற கட்சிகள் அவருடன் கூட்டணி அமைக்க விரும்பி வரும் அளவுக்கும் வளர்ந்துவிட்டார் என்றும் விமர்சனங்கள் முன்வைக்கப்படுகிறது.

இந்நிலையில் ம.தி.மு.க.வின் 21 ஆம் ஆண்டு தொடக்க விழாவையொட்டி மதுரை கே.புதூரில் நடைபெற்ற பொதுக்கூட்டத்தில் பேசிய வைகோ, தமிழகத்தின் அதிகாரத்தை 2016ல் கைப்பற்றுவோம் என்று நம்பிக்கை தெரிவித்துள்ளார். இது சாத்தியம்தானா?

சிறந்த மேடை பேச்சாளர், நாடாளுமன்றவாதி, கல்வியாளர், வழக்கறிஞர், ஆடம்பரமற்ற நாகரீக அரசியல்வாதி என வைகோவுக்கு  பல்வேறு சிறப்பு பண்புகள் இருந்தபோதிலும், மதிமுக தமிழக அரசியலில் இன்னமும் குறிப்பிடத்தக்க அளவில் ஜொலிக்க முடியாமல்தான் உள்ளது.

இதற்கு யார் அல்லது எது காரணம்...? வைகோவின் அரசியல் அணுகுமுறையா அல்லது மக்களா அல்லது காலங்காலமாக பழகிப்போன அரசியலமைப்பு முறையா?

இதுகுறித்து நீங்கள் கருதுவது என்ன?

அன்றும் இன்றும் என்றும் புலிகளை ஆதரிப்போம் - வைகோ

அன்றும் இன்றும் என்றும் வைகோவை ஆதரிக்க மாட்டோம் - தமிழக மக்கள்

வைகோவின் மீது தீவிரவாத ஆதரவாளர் என்ற முத்திரை மிக வலுவாக இருக்கிறது அது தான் அவர் கட்சி வளராமல் இருக்க மிக முக்கிய காரணம். தமிழக மக்கள் வன்முறையை என்றுமே ஏற்க போவதில்லை.

இதுவரையில் வைகோவிற்கு தெலுங்கு மக்களின் வாக்குகள் தான் பெரும்பாலும் கிடைத்தது அது விஜயகாந்த் வந்த பிறகு அவர் பின் சென்று விட்டது, அதனால் தான் சென்ற பஞ்சாயத்து தேர்தலில் 1.7 சதவித வாக்குகள் மட்டுமே வாங்க முடிந்ததன் பின்னணி.

எல்லாவற்றுக்கும் மேலாக பெண்களின் ஓட்டு மதிமுகவிற்கு இல்லை என்ற நிலை தான் இன்றும் இருக்கிறது, இதற்க்கு மதிமுகவின் தவறான அரசியலும் ஒரு காரணம்.

வைகோ தனது தெலுங்கு பின்னணியை மறைக்க இன வெறி அரசியலை செய்கிறார் இந்த மாதிரியான அரசியலை முன்பு கருணாநிதி செய்தார் (காரணம் அவரும் தெலுங்கர் தான்)... இன்றைய காலகட்டத்தில் இந்த மாதிரியான அரசியல் மக்களிடம் எடுபடாது இதை வைகோ புரிந்துகொள்ள வேண்டும்.

வைகோ தம்மை இலங்கை அரசியல்வாதியாக அடையாளபடுத்தி கொள்ளாமல் இந்திய அரசியல்வாதியாக, இந்திய மக்களுக்கு நல்லது செய்பவராக அடையாளபடுத்தி கொள்ள வேண்டும். அப்போது தான் மக்கள் மத்தியில் குறைந்தபட்ச செல்வாக்கு பெற முடியும், இல்லை என்றால் மதிமுக என்று ஒரு அரசியல் கட்சி இருந்தது என்ற நிலை தான் வரும்.

(R.Subramanian)

தி.மு.க வில் இருந்து வெளியேறி அதிமுகவுன் கூட்டனி, = திமுக வை விமர்சனம் . பொடாவில் உள்ளே இருந்த போது இரண்டாம் கட்ட தலைவர்களின் செயல் படாதண்மை, தி,மு,கவின் உதவியோடு வெளியே வந்து , ஜெ.வை விமர்சனம், உடனே அதிமுகவுன் கூட்டனி,திமுக வை விமர்சனம்,ஜெ. கூட்டனியில் இருந்து வெளியேற்றும் வரை அதிமுக தலைமை கலக பேச்சாளராக இருந்தது ,வெளியேற்றியதும் இலை கருகட்டும் , சூரியன் உதிக்கட்டும் என்றது, பிஜபி கூட்டனியில் பந்திக்கு முந்தி சென்று, அமர்ந்தது இப்படி மாறி மாறிமாறிமாறிமாறிமாறிமாறிமாறிமாறிமாறி , கட்சியின் உட்கடடமைப்பினை பலவீனமாக்கி கொன்டது தான் மிட்சம் .

(Balan)

(Anantha Vikatan)