மீன் வளத்தை அழித்தொழிக்கும் சட்டவிரோத செயற்பாடுகள்

இலங்கையின் கடல்நீர் வளத்தையும் நன்னீர் மீன் வளத் தையும் அழித்தொழிக்கும் செயற்பாடுகள் நேரடியாகவும் மறைமுகமாகவும் தொடர்ச்சியாக நடைபெற்று வருவது மிகவும் கவலைக்குரியதாகும். இந்திய மீனவர்களின் அத்துமீ றிய நடவடிக்கையினால் எமது நாட்டின் கடல் வளம் விரை வாக அழிந்துகொண்டு செல்கிறது. அதேசமயம் உள்நாட்டு நீர் நிலைகளில் காணப்படுகின்ற மீன்வளத்தை அழிக்கும் சட்ட விரோத செயலிலும் ஒருசாரார் தொடர்ச்சியாக ஈடுபட்டு வருகி ன்றனர். மீன்வளம் அழிந்து விடாமல் தொடர்ந்தும் பேணப்பட வேண்டுமா னால் சில கட்டுப்பாடுகளை அவசியம் கடைப்பிடித்தே ஆக வேண்டும். மீனவர்களால் அன்றாடம் பிடிக்கப்படுகின்ற மீன் கள், இறால், நண்டு போன்றவற்றின் தொகைக்கு ஈடான வகை யில் அவற்றின் இனப்பெருக்கத்துக்கும் இடமளிக்கப்பட வேண் டும். அதிகரித்த மீன்பிடியும் குறைந்தளவான மீன் பெருக்க மும் இருக்குமானால் நாட்டின் நீர் நிலைகளில் மீன்வளத்தைத் தொடர்ந்தும் பேணுவது முடியாத காரியமாகும்.

ஆனால் மீன் வளத்தை முற்றாக அழித்தொழிக்கும் செயற்பாடு களே நாட்டில் இடம்பெற்று வருவதைக் காண முடிகிறது. மீன் குஞ்சுகளையும் அழித்தொழிக்கும் வகையிலான தடை செய்யப் பட்ட வலைகளை மீனவர்கள் பலர் சட்டவிரோதமாகப் பயன் படுத்துகின்றனர். சில பகுதிகளில் டைனமைட் பயன்படுத்தி மீன்பிடிக்கும் சட்டவிரோத காரியமும் நடைபெறுகிறது.

இத்தகைய மீன்பிடித்தல் முறையினால் மீனவர்களுக்குத் தேவை யான பெரிய மீன்கள் மாத்திரமன்றி சிறிய மீன்குஞ்சுகளும் பெருமளவில் பிடிக்கப்பட்டு தண்ணீரிலேயே வீசப்பட்டு இற ந்து மடிகின்றன. இதனால் மீன்வளம் படிப்படியாகக் குறைவ டைந்து செல்லும் ஆபத்து இடம்பெற்று வருகிறது. இலங்கை யில் கூடுதலான பிரதேசங்கள் நன்னீர் மீன்பிடித் தொழிலுக்குப் பிரபல்யம் பெற்றவையாகும். நன்னீர் மீன்பிடித் தொழிலை நம்பி ஏராளமான குடும்பங்கள் ஜீவனோபாயம் நடத்துகின்றன.

ஆனால் நன்னீர் மீன்வளம் வேகமாகக் குறைந்து வருவதனால் மக்களுக்கு மீனுணவு கிடைக்காமல் போவது ஒருபுறமிருக்க இத்தொழிலை நம்பி வாழும் ஏராளமான குடும்பங்களும் பாதிக் கப்படும் ஆபத்து ஏற்படுவதற்கு இடமுண்டு. மட்டக்களப்பு, அம்பாறை மாவட்டங்களை எடுத்துக்கொண்டால் அங்குள்ள நீர்நிலைகளில் மிகவும் பழைமை வாய்ந்த சுமார் பத்து மீன் இனங்கள் முற்றாகவே அருகிப்போய் விட்டதாக அப்பகுதி மீன வர்கள் கவலைப்படுகின்றனர். சட்டவிரோதமான மீன்பிடி முறை களே இந்த விபரீதத்துக்குக் காரணமென்பதில் எந்த ஐயமும் இல்லை.

நன்னீர் மீன்களின் பெருக்கத்துக்கு கண்டல் தாவரங்கள் பெரும் பங்களிப்பு வழங்குகின்றன. கரையோரக் கண்டல் தாவரங்கள் பல்வேறு தேவைகளுக்காக பெருமளவில் அழிக்கப்பட்டு வரு வதனால் நன்னீர் மீன்களின் பெருக்கம் வெகுவாகக் குறைந்து செல்கிறது. குளங்கள் மற்றும் நீர்நிலைகளில் மீன்களின் பெருக்கத்தை அதிகரி ப்பதற்காக அரசாங்கம் திட்டங்களை முன்னெடுத்து வருகிறது. குளங்களில் மீன்குஞ்சுகளை இடுதல், கண்டல் தாவர வளர்ப்பு, சட்டவிரோத மீன்பிடி உபகரணங்கள் மீதான தடை போன் றவை இவற்றில் முக்கியமானதாகும். நன்னீர் மீன்வளத்தைப் பேணு வதில் அரசுக்கு இருக்கின்ற கரிசனை மீனவர்கள் மத்தியில் ஏற் படுவது இங்கு அவசியமாகும்.

மீன்வளத்தைப் பாதுகாத்தா லேயே தாங்கள் மீன்பிடித் தொழிலை எக்காலத்திலும் முன்னெ டுத்துச் செல்ல முடியுமென்பதை மீனவர்கள் புரிந்துகொள்வது பிரதானம். மீன்வளத்தைப் பெருக்குவதில் அமைச்சர் ராஜித சேனாரத்ன மேற்கொண்டு வரும் காத்திரமான வேலைத் திட் டங்கள் பாராட்டப்பட வேண்டியவையாகும். அமைச்சர் ராஜித சேனாரத்னவின் பிறந்த தினமான இன்று அவரது பணிகளைப் பாராட்டுவது மிகவும் பொருத்தமாகும். அமைச்சரின் அரசியல் வாழ்வு 41 வருடங்களைப் பூர்த்தி செய்தி ருக்கும் இன்றைய நாளில் அவரது பணிகள் மேலும் உத் வேகத்துடன் தொடர வேண்டுமென்பதே எமது விருப்பம்.

எமது கடல் வளமானது இந்திய மீனவர்களின் அத்துமீறிய செயற் பாடுகளால் அழிக்கப்பட்டு வருவது மற்றோர் பிரச்சினையாகக் காணப்படுகிறது. எமது நாட்டு கடல் எல்லைக்குள் பிரவேசித்து மீன்பிடிப்பதை தமிழக மீனவர்கள் சட்டபூர்வ உரிமையாகக் கருதுவது வேடிக்கையும் வேதனையும் நிறைந்ததாகும். இலங் கைக் கடல் எல்லைக்குள் பிரவேசித்து மீன்பிடிப்பதற்கான அனு மதியை தமிழக மீனவர்கள் வெளிப்படையாகவே கோருகின்ற னர்.

இலங்கைக் கடல் எல்லைக்குள் பயன்படுத்த முடியாதபடி தடை செய்யப்பட்டிருக்கும் மீன்பிடி உபகரணங்களின் உதவியுடன் தமிழக மீனவர்கள் எமது கடல் எல்லைக்குள் வந்து மீன்பிடிப் பதுடன் மட்டுமன்றி கடல் வளத்தையே நாசமாக்கும் செயலும் தொடர்ந்து கொண்டிருக்கிறது. மீன்வளத்தை அழிப்பதென்பது எமது நாட்டின் பொருளாதாரத்துடன் சம்பந்தப்பட்ட காரிய மாகும். இவ்விடயத்தை அலட்சியம் செய்துவிட முடியாது.

(தினகரன்)