அரசாங்கத்துடன் பேசுவதே தீர்வுக்கு வழி

தமிழ்த் தேசியக் கூட்டமைப்பின் பாராளுமன்ற உறு ப்பினர்கள் சிலர் இலங்கையிலுள்ள இந்தியத் தூது வரைத் சந்தித்ததாகவும் இனப் பிரச்சினைக்கான தீர்வு தொடர்பாகக் கூட்டமைப்புத் தலைவர்கள் அர சாங்கத்துடன் பேச வேண்டும் என்று இந்தியத் தூதுவர் கேட்டுக்கொண்டதாகவும் ஊடகச் செய்திகள் தெரி விக்கின்றன. இலங்கையின் இனப்பிரச்சினையில் இந்தியா நீண்ட கால மாகவே அக்கறை செலுத்தி வருகின்றது. இதற்கு நியா யமான காரணங்கள் உள்ளன. இலங்கையில் இடம்பெ றும் நிகழ்வுகள் இந்தியாவின் பாதுகாப்புடன் ஓரளவு சம்பந்தப்பட்டவை என்பது ஒரு காரணம். இந்தியாவின் தமிழ்நாட்டு மக்களுக்கும் இலங்கையில் வாழும் தமிழ் மக்களுக்குமிடையே உணர்வு ரீதியான ஓருமைப்பாடு இருப்பது இன்னொரு காரணம்.

இலங்கையின் இனப் பிரச்சினை பிழையான கோணத்துக் குத் தள்ளப்படாதிருக்க வேண்டும் என்பதிலும் சரியான மார்க்கத்தில் தீர்வுக்கான முயற்சி முன்னெடுக்கப்பட வேண்டும் என்பதிலும் இந்தியா காட்டி வரும் அக்க றையை இலங்கைத் தமிழ்த் தலைவர்கள் முழுமையா கப் புரிந்துகொண்டதாகத் தெரியவில்லை.

பிரச்சினைக் குத் தீர்வு காண்பதில் முழுப் பொறுப்பும் இந்தியாவுக்கு உள்ளது என்ற வகையிலேயே இத்தலைவர்கள் இந்தி யாவை நோக்குகின்றார்கள். இலங்கை அரசாங்கத்துடன் பேச வேண்டும் என்று இந்தியத் தூதுவர் கூறியி ருப்பது கூட்டமைப்புத் தலைவர்களுக்குச் சரியான வழி முறையைச் சுட்டிக் காட்டுவதாக அமைந்துள்ளது.

தமிழ்த் தேசியக் கூட்டமைப்பு அரசாங்கத்துடன் பேச்சு வார்த்தை நடத்தும்போது நட்பு நாடு என்ற வகையில் இந்தியா அதன் பங்களிப்பைச் செலுத்த முடியுமேயொ ழிய தீர்வுச் செயற்பாட்டுக்கான பொறுப்பை முழுமை யாக இந்தியாவின் தலையில் போடமுடியாது.

இனப் பிரச்சினைக்கான தீர்வு தமிழ்த் தலைவர்கள் இல ங்கை அரசாங்கத்துடன் ஏற்படுத்திக்கொள்ளும் உடன் பாட்டிலும் சர்வசன வாக்கெடுப்பில் மக்களின் அங்கீ காரத்திலுமே தங்கியிருக்கின்றது என்பதையும் முழுமை யான தீர்வு ஒரே நேரத்தில் கிடைப்பது இன்றைய நிலை யில் சாத்தியமில்லை என்பதையும் தமிழ்த் தேசியக் கூட்டமைப்புத் தலைவர்கள் விளங்கிக்கொண்டு அரசா ங்கத்துடன் பேச்சுவார்த்தை நடத்துவதற்கு முன்வர வேண்டும்.

இன்று வரை தீர்வு சாத்தியமாகாமற் போன தற்குப் பல காரணங்கள் இருப்பினும் தமிழர் தரப்பி லான இரண்டு காரணங்களைப் பிரதானமானவையாகக் கூறலாம். தமிழ்த் தலைவர்கள் பதவியிலுள்ள அரசாங் கங்களுடன் பேச்சுவார்த்தை நடத்தியதிலும் பார்க்க மிகக் கூடுதலான காலத்தை வெளிநாட்டுத் தலைவர் களுடனும் வெளிநாட்டுத் தூதுவர்களுடனும் பேச்சுவார் த்தை நடத்துவதற்குச் செலவிட்டிருப்பது ஒரு காரணம். அரசாங்கத்துடனான பேச்சுவார்த்தையின் முக்கியத்து வம் கவனத்தில் கொள்ளப்படவில்லை என்பதே இதன் அர்த்தம்.

ஒவ்வொரு தீர்வும் முன்வைக்கப்பட்ட சந் தர்ப்பத்தில் அதனிலும் மேலான தீர்வை வலியுறுத்தி அத் தீர்வை நிராகரித்தது மற்றைய காரணம். இந்த நிராக ரிப்புகளின் விளைவாகத் தீர்வு முயற்சி வெகுவாகப் பின்தள்ளப்பட்டுவிட்டது.

அரசியல் தீர்வுக்கான முயற்சி மக்களை மையப்படுத்திய தாக இருக்க வேண்டியது அவசியம். பல்வேறு துன்பங் களுக்கும் பின்னடைவுகளுக்கும் உள்ளாகி நொந்து போயி ருக்கும் மக்கள் உடனடியாக நிம்மதியான வாழ்வை எதிர்பார்க்கின்றார்கள். சாத்தியமான தீர்வை ஏற்றுக்கொ ண்டு அதிலிருந்து இறுதித் தீர்வுக்கான முன்னெடுப்பை படிப்படியாக மேற்கொள்வதே மக்களின் எதிர்பார்ப்பை நிறைவேற்றுவதற்கும் இறுதித் தீர்வை அடைவதற்கு மான வழி. அரசாங்கத்துடன் பேச்சுவார்த்தை நடத்துவ தன் மூலமே இது சாத்தியமாகும்.

(தினகரன்)