வெலிக்கடை சிறைச்சாலை களேபரம்!

கொழும்பு, வெலிக்கடை சிறைச்சாலையில் நேற் றுக் காலை இடம்பெற்றுள்ள சம்பவமானது மிகுந்த அவதானத்துக்குரியதாகும். அச்சிறைச் சாலையில் விளக்கமறியல் கைதிகள் வைக்கப்பட்டுள்ள பகுதிக்குள்சோதனை நடவடிக்கை மேற்கொள்ளச் சென்ற விசேட பொலிஸ் பிரிவினர் மீது கைதிகள் மோசமான தாக்குதல் நடத்தியிருக்கின்றனர்.

விளக்கமறியல் கைதிகள் மேற்கொண்ட தாக்குதலில் பொலிஸார் 44 பேர் காய மடைந்துள்ளனர். அசம்பாவிதத்தை கட்டுப்பாட்டுக்குள் கொண்டு வருவதற்காக பொலிஸாரும் சிறைச்சாலை பாதுகாப்பு உத்தி யோகத்தர்களும் மேற்கொண்ட நடவடிக்கையின் போது மூவர் காயமடைந்துள்ளனர்.

வெலிக்கடை சிறைச்சாலையில் வைக்கப்பட்டுள்ள கைதிகளில் சிலர் சட்டவிரோத நடவடிக்கைகளில் ஈடுபட்டு வருவதாக கிடைக்கப் பெற்ற தகவல்களை அடிப்படையாகக் கொண்டே பொலிஸார் நேற்று இந்தத் திடீர்த் தேடுதல் நடவடிக் கையை மேற்கொண்டனர்.

இந்நடவடிக்கைக்காக நீதிமன்ற அனுமதியும் பெறப்பட்டிருந்தது. அங்கு சென்ற பொலி ஸார் மீது இத்தனை மூர்க்கத்தனமாக தாக்குதல் நடத்தும் படியான சூழலொன்று உருவாகியுள்ளமை ஆரோக்கிய மானதல்ல....

சிறைச்சாலைகள் பாதுகாப்பான இடமாக அமைய வேண்டு மென்பது மிக முக்கியம். குற்றவாளிகளுக்கு விதிக்கப்படும் சிறைவாசமானது தண்டனை மட்டுமல்ல... குற்றவாளிகள் மனம் திருந்தி நல்ல மனிதர்களாக வெளியேறுவதற்கான வாய்ப்பினையும் வழங்குவதே சிறைவாசம் ஆகும். அதே சமயம் விளக்கமறியலில் வைக்கப்படும் கைதிகள் குற் றம் நிரூபிக்கப்படாதவர்களாவர். அவர்களில் குற்றம் இழைக் காதோரும் இருக்கக் கூடும். எனவேதான் சிறைச்சாலைகள் பாதுகாப்பு மிகுந்த இடமாக விளங்குவது மிக அவசிய மாகிறது. இத்தகைய நிலையில் வெலிக்கடை சிறைச்சாலை யில் கைதிகள் பலர் மேற்கொண்ட தான்தோன்றித்தனமான காட்டுமிராண்டித்தனம் சாதாரணமானதல்ல.....

வெலிக்கடை சிறைச்சாலைக்குள் நிலவுகின்ற சூழல் தொடர் பாக வெளியாகின்ற தகவல்கள் ஆரோக்கியமானதாக இல்லை. குறிப்பாக போதைவஸ்துக் குற்றச்சாட்டின் பேரில் அங்கு சிறைவாசம் அனுபவிப்போரில் பலர் சட்டவிரோத செயல் களில் ஈடுபட்டு வருவதாக அவ்வப்போது தகவல்கள் வெளிவருகின்றன.

இத்தகவல்களின் அடிப்படையின் பேரில் வெலிக்கடை சிறைச்சாலையின் பெண்கள் பிரிவில் கடந்த மாதம் போதைப் பொருள் ஒழிப்புப் பிரிவு பொலி ஸார் நடத்திய தேடுதல் அனைவருக்கும் ஞாபக மிருக்கலாம். அத்தேடுதலின் போது 53 கையடக்கத் தொலைபேசிகள், 44 கஞ்சா சுருட்டுகள், 100 பற்றரிகள், 66 சார்ஜர்கள், 12 சிம் கார்ட்டுகள் உட்பட பல்வேறு பொருட் கள் கைப்பற்றப்பட்டன.

இவ்வாறான பொருட்கள் எவ்வாறு சிறைச்சாலைக்குள் கொண்டு செல்லப்பட்டனவென்பது வியப்பளிக்கிறது. இது தொடர்பாக விசாரணையும் ஆரம்பிக்கப்பட்டுள்ளது. அதே சமயம் இன்னொரு வினாவும் இங்கே எழுகிறது.

சிறைக் கைதிகளில் பலர் சிறைவாசம் அனுபவித்துக் கொண்டே, வெளியில் இடம்பெறும் குற்றச் செயல்களை வழிநடத்திக் கொண்டிருக்கிறார்களா என்பதே அச்சந்தேகம்.

இச்சந்தேகங்களைத் தெளிவுபடுத்துவதற்கான விசாரணையின் போது சிறைச்சாலை உத்தியோகத்தர் ஒருசிலர் அக் கைதி களுக்கு உடந்தையாகச் செயற்பட்டிருக்கக் கூடுமென்ற சந்தேகமும் ஏற்படலாம். அவ்வாறாயின் அதனை விடப் பாரதூரமான குற்றம் வேறெதுவும் இருக்க முடியாது.

சட் டத்தை உரிய முறையில் நடைமுறைப்படுத்துவதற்குத் தடையாக எவர் இருப்பினும் அவர்கள் மீது தகுந்த நட வடிக்கை எடுக்கப்படுவது அவசியம். இல்லையேல் நீதித் துறைக்குக் களங்கம் ஏற்பட்டு விடக் கூடும்.

வெலிக்கடை சிறைச்சாலையின் உள்ளே காணப்படுகின்ற தற்போதைய சூழல் பூரணமான நிர்வாகக் கட்டுப்பாடு கொண்டதாக மாற்றியமைக்கப்பட வேண்டுமென்பதை வலியுறுத்த விரும்புகிறோம்.

(தினகரன்)