மக்கள் நலன் சார்ந்த வரவு செலவுத் திட்டம்

ஜனாதிபதி மஹிந்த ராஜபக்ஷ நிதியமைச்சர் என்ற வகையில் 2011ம் ஆண்டுக்கான வரவு-செலவுத் திட்ட த்தை நேற்று சுப நேரத்தில் பாராளுமன்றத்தில் முன் வைத்தார். ஜனாதிபதி மஹிந்த ராஜபக்ஷ தமது இரண்டாவது பதவிக் காலத்திற்காக சத்தியப் பிரமாணம் செய்து கொண்ட பின்னர் முன் வைத்திருக்கும் முதலாவது வரவு-செலவுத் திட்டம் இது இவ் வரவு-செலவுத் திட்டம் நாட்டினதும், நாட்டு மக்களின தும் சமூக, பொருளாதார, கலாசார அபிவிருத்தியை அடிப் படையாகக் கொண்டிருக்கின்றது.

நாட்டில் வாழும் சகல மட்டத்தினரையும் இவ் வரவு-செலவுத் திட்டம் கருத்தில் கொண்டுள்ளது. அதனால் இந்த மண்ணில் வாழும் ஒவ்வொரு பிரஜையும் இவ் வரவு-செலவுத் திட்டத் தின் நன்மைகளை நிச்சயம் அனுபவிப்பார்கள். முற்று முழுதாக மக்களின் நலன்களை கருத்தில் கொண்டு தயாரிக்கப்பட்டிருக்கும் இவ் வரவு-செலவுத் திட்டம் நாட்டின் துரித அபிவிருத்திக்கும் அடித்தளமாக அமைந்திருக்கின்றது. அரசாங்க ஊழியர்களுக்கும், பாதுகாப்பு படை வீரர்களுக்கும் ஐந்து சதவீத சம்பள உயர்வு வழங்கப்பட்டுள்ளது. அதே நேரம் ஓய்வூதியம் பெறுபவர்களுக்கான கொடுப்பனவும் அதிகரிக் கப்பட்டுள்ளது. தனியார்த் துறையினருக்கென ஓய்வூதியத் திட்டமொன்றும் இவ் வரவு-செலவுத் திட்டத்தில் முன்மொழி யப்பட்டிருக்கின்றது.

மேலும், அடுத்தாண்டு முடிவுக்குள் 11,500 பட்டதாரிகளுக்கும், 1500 தாதியருக்கும் வேலைவாய்ப்பு வழங்கப்படவுள்ளது. அத்தோடு இந்நாட்டு ஊடகவியலாளர்களின் திறன்களையும், அவர்களது வசதிகளையும் மேம்படுத்தும் திட்டத்தின் கீழ் கணனி, புகைப்படக் கருவி போன்றவாறானவற்றை பெற்றுக் கொடுக்கவென ஐம்பது மில்லியன் ரூபா ஒதுக்கப்பட்டுள்ளது.

இதேவேளை, இந்நாட்டில் சுயதொழிலில் ஈடுபட்டுள்ளவர்களின் மேம்பாட்டுக்கென தனியான செயலகமொன்றை அமைக்கும் திட்டத்தையும் இவ் வரவு-செலவுத் திட்டம் உள்ளடக்கி யுள்ளது. அத்தோடு, கையடக்கத் தொலைபேசிகளின் உள்ளூர் அழைப்புகளுக்கான கட்டணமும் குறைக்கப் பட்டுள்ளது. கணனி மென்பொருட்களுக்கான பெறுமதி சேர்க்கப்பட்ட வரி, தேசத்தைக் கட்டியெழுப்பும் வரி என்பன நீக்கப்பட்டுள்ளன. இதேநேரம் உரமானியம் தொடர்ந்தும் வழங்கப்படும் என்றும் அறிவிக்கப்பட்டிருக்கின்றது.

அரசாங்க சுகாதார சேவையை மேலும் மேம்படுத்தும் நோக்கில் பல திட்டங்களும் அறிவிக்கப்பட்டுள்ளன. அதேவேளை புகைப் பிடித்தல், மதுபானம், கஸினோ சூதாட்டம் என்பவற்றுக்கான வரி 35 வீதத்திலிருந்து 40 வீதம் வரை அதிகரிக்கப்பட்டி ருக்கின்றது.

இவ்வாறு நாட்டு மக்களின் நலன்களை அடிப்படையாகக் கொண்ட பல திட்டங்களை இவ் வரவு-செலவுத் திட்டம் தன்னகத்தே கொண்டிருக்கும் அதேநேரம், நாட்டின் துரித அபிவிருத்திக்கு அவசியமானதும், அதற்கு பங்களிப்பு செய்யக்கூடியதுமான பல திட்டங்களையும் உள்ளடக்கியும் இருக்கின்றது. இத் திட்டத்தின் கீழ் வரி குறைப்புக்கள், வரிச் சலுகைகள், வரி நீக்கங்கள் அறிவிக்கப்பட்டிருக்கின்றன. உள்நாட்டு, வெளிநாட்டு முதலீடுகளை கவர்ந்திழுக்கக் கூடிய பல திட்டங்களும், யோசனைகளும் முன்மொழியப்பட் டுள்ளன.

ஆக, நவீன யுகத்திற்கு ஏற்றவகையில் நாட்டையும், நாட்டு மக்களையும் மேம்படுத்துவதையே இந்த வரவு-செலவுத் திட்டம் அடிப்படை இலக்காகக் கொண்டிருப்பதைக் காணக் கூடியதாக உள்ளது. அதனால்தான் இது மக்களை பாதிக்காத நாட்டின் துரித அபிவிருத்திக்குப் பங்களிப்பு செய்யக் கூடிய வரவு-செலவுத் திட்டமென பொருளியல் நிபுணர்கள் தெரிவிக்கின்றார்கள்.

இவ்வாறு நாட்டின் சகல அம்சங்களிலும், எல்லா மட்டங்களிலும் கவனம் செலுத்தப்பட்டிருக்கும் ஒரு வரவு-செலவுத் திட்டமாகவே இவ் வரவு-செலவுத் திட்டம் விளங்குகின்றது. இதற்கு ஜனாதிபதி மஹிந்த ராஜபக்ஷ பெற்றிருக்கும் நீண்ட கால அரசியல் அனுபவம், அவரது செயல்திறன், தாய கத்தின் மீதான பற்று, தூர நோக்கு என்பனவே அடிப்படை யாகும். இதன் பயனாகவே இந்த நாடு இப்படியான சிறப்பு மிக்க வரவு-செலவுத் திட்டத்தைப் பெற்றிருக்கின்றது என்றால் மிகையாகாது.

(தினகரன்)