தமிழ்த் தேசியக் கூட்டமைப்பும் அமைச்சர் டக்ளஸும் இணைய வேண்டும்

தமிழ்த் தேசியக் கூட்டமைப்பும் அமைச்சர் டக்ளஸும் இணைய வேண்டும்

இது நடக்கிற காரியமா?

ஈழத் தமிழருக்கு இப்போது காலம் மிகவும் கொடூரமானது.வியாழன் ஜென்மத்தில் ,சனீஸ் வரன் அட்டமத்தில், இராகு கேதுக்கள் வீட்டு வாசலில்.ஒரு புறம் வேடன். மறுபுறம் நாகம். இரண்டுக் கும் நடுவே அழகிய கலைமான் என்பது போல ஈழத்தமிழினம் மானின் நிலையில் நின்று விழிக்கிறது.

எங்கள் இளம் சமூகமோ கலாசாரப் பிறழ் வில் ஊறித் திளைக்கிறது. பக்குவமும் அனுபவமும் தமிழினத்தின் பற் றும் கொண்ட சிலர் மட்டுமே அழுகின்றனர். என்ன செய்யலாம்? எல்லாம் இழந்தாயிற்று. இனி எங்கள் இறைமை, மொழி, கலாசாரம், பண்பாடு இவைதாம் பாடையேற இருக்கின்றன. நிலைமை இதுவாக இருக்கும் போது இறுதிக் கட்டத்திலேனும் இவற்றைத் தடுக்க முடியாதா என்ற ஏக்கமே இப்போது மனத்தைப் பிய்க்கிறது.

தமிழ்த் தேசியக் கூட்டமைப்பு பார்த்துக் கொள் ளும் என்ற நினைப்பில் ஒரு சாரார் காத்திருக் கின்றனர். கூடவே அமைச்சர் டக்ளஸ் தேவா னந்தா அரசுடன் இணைந்து ஏதேனும் பெற்றுத் தருவார் என்ற நினைப்பில் இன்னொரு சாரார் பார்த்திருக்கின்றனர். எதுவும் நடப்பதாக இல்லை.

தமிழ்த் தேசிய கூட்டமைப்பின் நாடாளுமன்ற உறுப்பினர்களில் சிலர் தங்களால் முடிந்த அளவில் குரல் கொடுக்கின்றனர். அறிக்கை விடு கின்றனர். அவர்களுக்கும் கட்சி ஊக்கம் கொடுப் பதாக இல்லை. ஏனையவர்கள் எம்.பி.பதவி யில் இருந்து கொண்டு பதவியுயர்வு பெறுவது எப்படி என்று திட்டம் போடுகின்றனர். அமைச்சர் டக்ளஸ் தேவானந்தாவின் திட்டங்களும் முயற்சிகளும் ஜனாதிபதி மகிந்த ராஜபக்ச இவிடம் எடுபடுவதாக இல்லை. அரசைப் பொறுத்தவரை தமது நோக்கத்திற்கு அமைச்சர் டக்ளஸ் தேவானந்தா இப்போது இடைஞ்சலாக இருக்கின்றார் என்ற நினைப்பே உள்ளது.

இதனால் அவர் வெளியில் எதனைக் கதைத் தாலும் அதனை செயலுருப்படுத்துவது கடினம் என்பதை ஏற்றுத்தானாக வேண்டும். நிலைமை இதுவாக இருக்கையில் அடுத்த கட்ட நடவடிக்கை என்ன? ஒரே ஒரு நடவடிக்கை மட்டுமே உண்டு. அது தமிழ்த் தேசிய கூட்டமைப்பும் அமைச்சர் டக்ளஸ் தேவானந்தாவும் இணைந்து கொள்வதுதான். இருதரப்பும் இணைந்து கொண்டு ஜனாதிபதியைச் சந்திக்க வேண்டும்.

ஐயா எங்கள் பிரச்சினைக்கு தீர்வு என்ன என்று கேட்கவேண்டும். அதேநேரம் இருதரப்பும் இந்தியாவுக்குச் செல்லவேண்டும். கலைஞரே; கருணாமூர்த்தியே! குருவே; மன்மோகன் சிங் பிரபுவே! தாயே, சோனியா அம்மையே! காத்தருள்க எங்களை பார்த்த ருள்க என்று சம்பந்தப் பெருமானாரும் அமைச்சர் டக்ளஸும் பாட அதை மற்றெல்லோரும் சேர்ந்து பாட திருக்கதவுதிறபடும். நடக்குமா?

(வலம்புரி தலையங்கம்)