மக்கள் சேவைக்கே முதலிடம்

சாதனை வீரரான ஜனாதிபதி மஹிந்த ராஜபக்ஷ, தன்னு டைய அமைச்சரவையின் சிரேஷ்ட அமைச்சர்கள், அமைச்சர்கள் மற்றும் பிரதி அமைச்சர்கள் முன் உரை யாற்றும் போது அரசாங்கத்தின் அமைச்சர்கள், பிரதி அமைச் சர்கள் மற்றும் அமைச்சின் செயலாளர்கள், சிரேஷ்ட அரசாங்க அதிகாரிகள் அனைவரும் மக்கள் சேவையே மகேசன் சேவை என்ற நல்லெண்ணத்துடன் கடுமையான பங்களிப்பை நாட்டின் பொருளாதார வளர்ச்சிக்கு பெற்றுக் கொடுக்க வேண்டும் என்று வலியுறுத்தியுள்ளார். அரசாங்க நிர்வாக சேவையின் உயர்மட்டத்திலுள்ள அமைச்சர்கள் தலைமையிலான சகல உத்தியோகத்தர்களும், தங்கள் கடுமையான உழைப்பின் மூலமே மஹிந்த சிந்தனை எண்ணக் கருவை தங்குதடையின்றி நெறியாக செயற்படுத்த முடியும் என்றும், ஜனாதிபதி தெரிவித்துள்ளார்.

தங்கள் பாவனைக்காக கொடுக்கப்பட்டிருக்கும் வாகனங்கள் மற்றும் அவர்களின் பாதுகாப்பை கருத்தில் கொண்டு வழங்கப்பட்டி ருக்கும் பாதுகாப்பு உத்தியோகத்தர்களை, அமைச்சர்கள் தங்கள் பெருமையை பறைசாற்றும் சின்னங்களாக பயன்படுத்தலாகாது என்றும், ஒரு அமைச்சர் ஓரிடத்திலிருந்து இன்னொரு இடத்திற்கு செல்லும் போது 10 முதல் 15 வாகனங்களுடன் சென்று, அரசாங்க பணத்தை வீணாக்குவதை இனிமேலாவது தவிர்த்துக் கொள்ள வேண்டும் என்றும் ஜனாதிபதி யோசனை தெரிவித்துள்ளார்.

ஊழல், மோசடிகளுக்கு இடமளிக்காத வகையில் அமைச்சர்கள் மிகவும் அவதானமாக இருக்க வேண்டும். இதனுடன், அமைச்சு க்களின் அநாவசியமான செலவுகளையும் தவிர்த்துக் கொள்ள வேண்டும் என்றும், ஜனாதிபதி அவர்கள் மேலும் வலியுறுத்தினார்.

எனது அரசாங்கம் வெற்றிகரமான முறையில் பயங்கரவாதத்திற்கு முற்றுப்புள்ளி வைத்து, நாட்டில் சமாதானத்தையும், அமைதியை யும் நிரந்தரமாக நிலைபெற செய்து, மக்களின் துன்பம், துயரங்களை போக்கி, அவர்களுக்கு பொருளாதாரத்துறையில் நல்வாழ்வை பெற்றுக் கொடுக்கும் பணியில் இன்று தீவிரமாக ஈடுபட்டு வருகின்றது என்ற கருத்தை வலியுறுத்திய ஜனாதிபதி நாட்டை மீண்டும் பொருளாதார துறையில் மறுமலர்ச்சியடையச் செய்வதற்கு அமைச்சர்களின் பூரண ஒத்துழைப்பு அவசியம் என்றும் கூறியுள்ளார்.

எனவே, புதிதாக நியமனம் பெற்றுள்ள அமைச்சர்களும், பிரதியமைச்சர்களும் தங்கள் பொறுப்புக்களை கடமையுணர்வுடன் நல்ல முறையில் நிறைவேற்றுவது அவசியமாகும்.

ஜனாதிபதியின் இந்த யோசனைகள் அரசாங்க அதிகாரிகளுக்கு மிகவும் பொருத்தமாக அமைந்துள்ளது. உரிய நேரத்தில் தங்கள் காரியாலயங்களுக்கு வந்து, கடமைகளை ஆரம்பிக்க வேண்டிய சில அரசாங்க அதிகாரிகள் மக்களுக்கு செய்ய வேண்டிய பணிகளை சரியான முறையில் நிறைவேற்றாமல் அசமந்தப் போக்கை கடைப்பிடிப்பதை இனிமேலாவது கைவிட்டு, தங்களு க்கு அரசாங்க நிர்வாக இயந்திரத்தில் கொடுக்கப்பட்டுள்ள அதி காரத்தை மக்களின் நன்மைக்காகவும், அவர்களின் பிரச்சினை களுக்கு உடனடி தீர்வை பெற்றுக் கொடுப்பதற்காகவும் பயன்படு த்துவது அவசியமாகும்.

ஜனாதிபதியின் எண்ணக்கருவை நிறைவேற்றும் முகமாக, ஒவ்வொரு அரசாங்க காரியாலயத்திலும் “மக்களே எங்கள் எஜமானர்கள், அவர்களுக்கு பணி செய்வதே எங்கள் கடமை” என்ற சுலோகங்களை மக்களுக்கு தெரியக் கூடிய வகையில் எழுதி வைக்க வேண்டும்.

அவ்விதம் அரசாங்க காரியாலயங்கள் நீதி, நேர்மையுடன் தங்கள் பணிகளை நிறைவேற்றும் கருமபீடங்களாக மாற்றப்பட்டால் நிச்சயம் மக்களின் பிரச்சினைகளுக்கு கால தாமதமின்றி தீர்வுகளும் கிடைக்கக் கூடியதாக இருக்கும்.

பாடசாலைகளுக்கு பிள்ளைகளை சேர்த்துக் கொள்வதிலும் இன்று நிலவி வரும் மோசடிகள், கஷ்டங்கள் அனைத்தும் இனிமேல் இருக்கக் கூடாது. அத்தகைய சீர்கேடுகளுக்கு பொறுப்பான அரசா ங்க அதிகாரிகள் மற்றும் பாடசாலை அதிபர்களுக்கு எதிராக கடு மையான நடவடிக்கைகளை எடுப்பதற்கும் ஜனாதிபதி சம்பந்தப் பட்ட உயரதிகாரிகளுக்கு பணிப்புரைகளை விடுத்துள்ளார்.

ஜனாதிபதி மஹிந்த ராஜபக்ஷவின் இந்த அதியுன்னதமான எண்ணக்கரு நாடெங்கிலும் நெறியான முறையில் நிறைவேற்றப்படுகின்றதா என்பதை தினகரன் அவதானிக்கும் மக்கள் சேவையை நிறைவேற்றும் பொறுப்பை ஏற்றுக் கொண்டுள்ளது. தொடர்ந்தும் எமது பத்திரிகை இந்தப் பணியை நிறைவேற்றும் என்பதை நாம் உறுதியுடன் அறிவிக்க விரும்புகிறோம்.

தினகரன் பத்திரிகையின் வளர்ச்சிக்கு மகத்தான சேவையாற்றிய முன்னாள் ஆசிரியர்கள் அமரர்களான பேராசிரியர் கைலாசபதி, எஸ்.சிவகுருநாதன் ஆகியோரின் பாதையில் இந்த நற்பணியை தினகரன் தொடர்ந்தும் மேற்கொள் ளும்.

(தினகரன்)