அபிவிருத்தியை நோக்கிய அடுத்த கட்ட நகர்வு

ஜனாதிபதி மஹிந்த ராஜபக்ஷ அவர்கள் தனது முதலாவது தேர்தல் விஞ்ஞா பனமான மஹிந்த சிந்தனையில் தெரிவித்த பல விடயங்களில் முக்கியமான தொன்றான பயங்கரவாதத்தை இல்லாதொழித்து, நாட்டு மக்களை பயப்பீதியற்ற ஒரு அமைதியான சூழலில் வாழ வைக்கும் உறுதிமொழி அவரது ஆறுவருட கால ஆட்சியின் நான்காவது வருடத்திலேயே வெற்றிகரமாக நிறைவேற்றப்பட்டது.

இந்த மாபெரும் வெற்றியின் காரணமாக முழு நாட்டு மக்களையும் பயமற்றதொரு வாழ்க் கையை சுதந்திரமாக நடத்த ஜனாதிபதி வழிவகுத்தார். இதன் காரணமாக தென்பகுதி மக்கள் நயினாதீவிலுள்ள நாகதீப விகாரைக்கும், வடக்கு, கிழக்கு மக்கள் கதிர் காமத்திற்கும் சுதந்திரமாகச் சென்று வரக்கூடிய நிலை ஏற்பட்டுள்ளது. இத்தகைய தொரு சுமுகமான, சுதந்திரமான நிலையை நாட்டு மக்கள் அனுபவிக்க சுமார் முப்பது வருடங்களாகக் காத்திருக்க வேண்டியேற்பட்டது துரதிஷ்டமானதே. அதனை நான்கு வருட காலத்தில் வெற்றிகொண்ட ஜனாதிபதியைப் பாராட்டாமலிருக்க முடியாது. யுத்தம் முடிவுக்குக் கொண்டுவரப்பட்டதால் இன்று வடக்கு கிழக்கு மாகாணம் கொழு ம்பு மாநகரத்திற்கு இணையாக அபிவிருத்தி கண்டு வருகிறது.

நாட்டு மக்களுக்கு தான் அளித்த இந்த உறுதிமொழியை மட்டுமல்லாது ஏனைய சகல விடயங்களையும் வெற்றிகரமாக நிறைவேற்றி வருவதன் மூலமாக ஜனாதிபதி மஹிந்த ராஜபக்ஷ முழு நாட்டு மக்களதும் நன்மதிப்பையும், நம்பிக்கையையும் இலகு வாகப் பெற்றுக்கொண்டார். இதன் காரணமாக அவர் தனது இரண்டாவது பத விக் காலத்திற்கான தேர்தலில் வரலாறு காணாத வெற்றியும் கண்டார். கடந்த வாரம் அவர் தனது இரண்டாவது பதவிக் காலத்திற்கான சத்தியப் பிரமாணத்தைச் செய்து கொண்டதுடன் புதிய அமைச்சர்களையும் தெரிவு செய்தார்.

இந்த இரண்டாவது பதவிக் காலமே மஹிந்த சிந்தனையின் அடுத்த கட்டமான நாட்டின் அபிவிருத்தியை நோக்கிய முழு வீச்சுப் பயணமாக அமைந்துள்ளது. ஆசியாவின் அதிசய பூமியாக இலங்கையைக் கட்டியெழுப்பும் ஜனாதிபதியின் திட்டத்திற்கு சகல ரும் ஆதரவு தெரிவித்துள்ளனர். உலக நாடுகள் பலவும் ஜனாதிபதியின் இந்தத் திட் டத்திற்கு உதவிகள் வழங்க போட்டிபோட்டுக் கொண்டு முன்வந்துள்ளன. இதன் ஆர ம்பமே வீரவில விமான நிலையம், ஹம்பாந்தோட்டை துறைமுகம், நுரைச்சோலை அணுமின் நிலையம் எனப் பட்டியல் போட்டுக் கொண்டே போகலாம்.

மஹிந்த சிந்தனையின் இரண்டாவது கட்டத்தில் நாட்டின் அபிவிருத்தி ஒருபுறமிருந்து வீறுநடைபோடும் அதேவேளை தமிழ்பேசும் மக்கள் எதிர்கொள்ளும் சகல பிரச்சி னைகளுக்கும் முற்றுப்புள்ளி வைப்பதுவும் ஜனாதிபதி அவர்களின் திடசங்கற்பமான திட்டமாகவும் உள்ளது. யுத்தத்தை வெற்றிகொண்ட பின்னர் அவர் நாட்டு மக்களுக்கு ஆற்றிய உரையின்போது இனி நாட்டில் சிறுபான்மையினம் என்ற சொற்பேதம் இல்லை எனத் தெரிவித்து சகலரும் இலங்கையரே எனத் தெரிவித்ததன் மூலம் அவர் முழு நாட்டு தமிழ்பேசும் மக்களினதும் மனங்களை வெற்றிகொண்டுவிட்டார்.

இந்நிலையில் தமிழ்க் கட்சிகள் அரசியல் பேதங்களை மறந்து மக்களுக்காக வேண்டி நடுநிலையான தீர்மானங்களை மேற்கொண்டு நாட்டை கட்டியெழுப்புவதற்கும், தமது மக்களின் பிரச்சினைகளுக்குத் தீர்வு காண்பதற்கும் ஒருமைப்பாட்டுடன் செயல்படுவ தற்காக ஜனாதிபதியினால் சந்தர்ப்பம் வழங்கப்பட்டுள்ளது. அதனை அவர்கள் சரி யான முறையில் பயன்படுத்திக்கொள்ள வேண்டும். விதண்டாவாத அரசியலோ அல் லது எதிரும் புதிருமான அரசியலோ தமிழ் மக்களுக்கு இனியும் தேவையில்லை. பெரும்பான்மைப் பலத்தைக் கொண்டுள்ள ஜனாதிபதி தலைமையிலான இந்த அரசாங்கத்தினால் மட்டுமே தமிழ் மக்களின் பிரச்சினைக்குத் தீர்வினைக் காணலாம் என்பது ஒட்டுமொத்த தமிழ்பேசும் மக்களின் அசைக்க முடியாத நம்பிக்கையாக வுள்ளது.

இவ்வார ஆரம்பத்தில் ஜனாதிபதியினால் பாராளுமன்றத்தில் சமர்ப்பிக்கப்பட்ட வரவு-செலவுத் திட்டத்தில் குறிப்பிடப்பட்டுள்ள விடயங்கள் அவர், நாட்டுக்கு உகந்த தூர நோக்குள்ள உன்னதத் தலைவர் என்பதை உறுதிப்படுத்தியுள்ளது. அரச ஊழியர்களுக் குச் சம்பள அதிகரிப்பு, ஆசிரியர்களுக்கு புதிய சம்பளத் திட்டம், 11, 500 பட்டதாரி களுக்கு நியமனம், வெளிநாட்டில் தொழில் புரிவோருக்கு ஓய்வூதியம், மருந்துப் பொருட்களுக்கான வரி நீக்கம், கணனி மென்பொருட்களுக்கான வற் வரி நீக்கம் என வழங்கப்பட்டுள்ள சலுகைகளைப் பட்டியலிடலாம். இதுவும் மஹிந்த சிந்தனை யின் இரண்டாம் கட்டமான அபிவிருத்திப் பணிகளுக்கு உந்து சக்தியை ஏற்படுத் துவதாக அமைந்துள்ளது.

எனவே நாட்டின் அபிவிருத்தி, மக்கள் நலன், சகலருக்கும் சமத்துவம், தேசத்தின் பாது காப்பு, சர்வதேசத்துடன் நல்லுறவு என பரந்துபட்ட அக்கறையுடன் செயற்பட்டுவரும் ஜனாதிபதியின் கரங்களைப் பலப்படுத்தி அவரது இரண்டாவது பதவிக் காலமும் வெற்றியுடன் வீறுநடை போட்டு அது மூன்றாவது, நான்காவது, ஐந்தாவது எனத் தொடர்ந்து செல்ல இன, மத, குல, கட்சி, அரசியல் பேதங்களை மறந்து செயற்பட அனைவரும் ஓரணியில் அணிவகுத்துச் செல்ல ஒத்துழைப்பு வழங்கவேண்டும்.

(தினகரன்)