எதிர்கால சந்ததியினரின் நல்வாழ்வுக்கு இன்று முதல் திட்டமிட்டு செயற்படுவோமாக

உலகின் சனத்தொகை நேற்று ஏழு பில்லியன் இலக்கை எட்டி யது. ஏழாவது பில்லியன் இலக்கை எட்டுவதற்கு உலகின் முதலாவதாக பிறந்த குழந்தை இந்தியாவின் உத்திரபிரதேசத் தைச் சேர்ந்த இப்போது கிoo என்று அழைக்கப்படும் பெண் குழந் தையாகும். இது போன்று அடுத்தடுத்து உலகின் நாலா பக்கங் களிலும் பிறந்த பிள்ளைகளினால் உலக சனத்தொகை 7 பில்லிய னைத் தாண்டி அதிகரித்த வண்ணம் இருக்கின்றது. சுமார் 2000 ஆண்டுகளுக்கு முன்னர் உலகின் சனத்தொகை 300 மில் லியனாக இருந்தது. 1800ம் ஆண்டில் அது ஒரு பில்லியனாகவும், 1927ல் இரண்டு பில்லியனாகவும், 1960ல் மூன்று பில்லியனாகவும், 1974ல் நான்கு பில்லியனாகவும் 1987ல் ஐந்து பில்லியனாகவும், 1999ல் ஆறு பில்லியனாகவும், 2011 ஒக்டோபர் 31ம் திகதி ஏழு பில்லியன் இலக்கை தாண்டியிருக்கிறது.

சனத்தொகை அதிகரிப்பை பார்த்து நாம் மகிழ்ச்சியடைந்தாலும் சனத் தொகை அதிகரிப்பினால் மனித குலத்திற்கு ஏற்படக்கூடிய பெரும் தாக்கங்களையும், ஆபத்துக்களையும் பற்றி சிந்திக்காமல் நாம் இருந் தால் எதிர்காலத்தில் மனித குலத்திற்கு பெரும் ஆபத்துக்களை எதிர் நோக்க வேண்டியிருக்கும்.

இந்த ஆபத்துக்கள் கொடிய நோய்கள் பரவுவதன் மூலமும், அதி கரித்துவரும் உலக சனத்தொகைக்கு ஏற்ப உணவு உற்பத்தி இல்லா திருப்பதன் மூலம் உலக நாடெங்கிலும் பஞ்சமும், பட்டினியும் ஏற் படுவதன் மூலம் மனித குலத்திற்கு பேரழிவை ஏற்படுத்துமென்று பொருளாதார நிபுணர்களும், விஞ்ஞானிகளும் அபிப்பிராயம் தெரிவித்துள்ளார்கள்.

2050ம் ஆண்டில் உலக சனத்தொகை 10.6 பில்லியனாகவும் 2100ம் ஆண் டில் உலக சனத்தொகை 15 மில்லியனாகவும் அதிகரிக்கவுள்ளது. 2011 இலேயே தென்னாபிரிக்காவில் உள்ள சில நாடுகளிலும், ஆபிரிக்க நாடுகளிலும் உணவுப் பற்றாக்குறை காரணமாக மக்கள் இரத்த சோகையினாலும், போஷாக்கின்மையினாலும் நாளாந்தம் நூற்றுக்கணக்கில் மரணித்து வருகிறார்கள்.

உடனடியாக இந்த உணவுத்தட்டுப்பாட்டு பிரச்சினைக்கும் நோய் தடுப்பு நடவடிக்கைகளுக்கும் உலக நாடுகளின் அரசாங்கங்கள் நடவடிக்கை எடுக்கத் தவறினால், 2050ம் ஆண்டிலும் 2100ம் ஆண் டிலும் உலகில் ஏற்படக்கூடிய உணவுப் பஞ்சத்தைப் பற்றி சிந் தித்து பார்ப்பதற்கு கூட எங்களுக்கு பெரும் அச்சத்தை ஊட்டு வதாக இருக்கின்றது.

எனவே, இன்று உலகில் வாழ்ந்து கொண்டிருக்கும் மக்கள் தங்கள் எதிர்கால சந்ததியினரின் மேம்பாட்டுக்காக உலகில் யுத்தமில்லாத ஒரு அமைதியான சூழ்நிலையை உருவாக்கி அதன் மூலம் சகல நாடுகளும் தங்கள் முழு சக்தியையும் பயன்படுத்தி உணவு உற்பத் தியை பெருக்குவதுடன் நோய்த் தடுப்பு நடவடிக்கைகளுக்கும் முன்னுரிமை அளிப்பது அவசியமாகும்.

இதன் மூலமே உலகில் உணவு உற்பத்தியை பெருக்கி எதிர்கால சந்ததி யினர் மகிழ்ச்சியான வாழ்க்கைக்கு இன்றைய சந்ததியினர் ஒரு வலுவான அடிதளத்தை அமைக்க முடியும்.

எங்கள் நாட்டை பொருத்தமட்டில் நாம் ஓரளவுக்கு வெற்றிகரமான முறை யில் சனத்தொகை பெருக்கத்தை குடும்ப கட்டுப்பாட்டு செயற்பாடு கள் மூலம் குறைத்து வருகின்றோம். நாம் இருவர் நமக்கிருவர் என்ற பதத்தை இந்தியாவும், சீனாவும் இன்று கடைப்பிடித்து வரு கின்ற போதிலும் அது அந்தளவிற்கு அந்நாடுகளில் வெற்றியளிக்க வில்லை என்று அறிவிக்கப்படுகிறது.

அதனால் இன்று சீனாவில் ஒரு குடும்பத்தில் ஒரு பிள்ளை மாத்திரமே இருக்க வேண்டுமென்றும் இன்னுமொரு பிள்ளை பிறந்தால் அதற் காக அபராதம் செலுத்த வேண்டுமென்று குடும்ப கட்டுப்பாட்டின் முக்கியத்துவத்தை வலியுறுத்தி வருகின்றது. உலகில் இன்று வயோதிபத்தை எட்டும் சனத்தொகையில் வளர்முக நாடுகளோடு ஒப்பிட்டு பார்க்கும் போது இலங்கை முன்னணியில் இருந்து வரு கின்றது. தற்போது இலங்கை சனத்தொகையில் 10 சதவீதமானோர் 60 வயதைத் தாண்டியவர்களாகும். இந்த எண்ணிக்கை 2025ல் 20சதவீதமாக அதிகரிக்கும்.

வெளிநாடுகள் எவ்விதம் சனத்தொகை பெருக்கத்தை கட்டுப்படுத்தப் போகிறது என்பதற்கான அறிக்கைகள் எங்களுக்கு இதுவரையில் கிடைக்காத போதிலும் இலங்கையைப் பொருத்தமட்டில் அர சாங்கம் சனத்தொகை பெருக்கத்தை கட்டுப்படுத்துவதற்கும் உணவு உற்பத்தியை பெருக்குவதற்கும் நல்ல பல திட்டங்களை இப்போது வெற்றிகரமான முறையில் நிறைவேற்றிக் கொண்டிருக்கிறது.

நாம் இருவர் நமக்கிருவர் என்ற அதி உன்னதமான குடும்பக்கட்டுப் பாட்டு சிந்தனை இன்று முதல் நம்நாட்டில் புதிதாக மணம் முடித்த தம்பதியினரின் மனங்களில் வேரூன்றுவது அவசியம். அவர்களு க்கு இன்று பிறக்கும் குழந்தைகளே இன்னும் 20 ஆண்டுகளில் நாட்டின் முக்கிய பதவிகளையும், நாட்டின் சகல துறைகளையும் வழிநடத்திச் செல்லும் பொறுப்பை ஏற்கவேண்டியவர்களாக இருப்பார்கள்.

அன்றைய காலகட்டத்தில் எங்கள் நாட்டில் சனத்தொகை கட்டுமீறி அதிகரித்திருந்தால் எங்கள் எதிர்கால சந்ததியினர் நாட்டை சிறப் பாக முன்னேற்றப் பாதையில் வழிநடத்திச் செல்வது கடினமாக இருக்கும். ஆகவே, இன்றைய சந்ததியைச் சேர்ந்த நாம் எங்கள் எதிர்கால சந்ததியினரின் நல்வாழ்வுக்காக இன்று முதல் எங்கள் பங்களிப்பை அளிப்பது அவசியம்.

(தினகரன்)