நெடுஞ்சாலைகள் ஒரு நாட்டின் பொருளாதார வளர்ச்சியின் சின்னமாக விளங்குகின்றன

ஒரு நாட்டின் பொருளாதார வளர்ச்சியை வெளி உலகத்திற்கு எடுத்துக்காட்டக்கூடிய சின்னங்களாக விளங்குவது அந்நாட்டின் நெடுஞ்சாலைகளும், வான் உயர்ந்த கட்டிடங்களுமாகுமென்று பொருளாதார விற்பன்னர்கள் கருத்து தெரிவிப்பார்கள். இந்த தாற்பரியத்தை உணர்ந்து மஹிந்த சிந்தனையில் ஒரே திசையில் தேசம் துரித அபிவிருத்தியில் முன்னேற்றமடைவதற்கு நெடுஞ் சாலைகளின் பங்கு என்ற பகுதி சேர்க்கப்பட்டுள்ளது. இற்றைக்கு சில வருடங்களுக்கு முன்னர் தொலைக்காட்சி அலைவரிசைகளில் கூட நாங்கள் அடிக்கடி இதனைப் பார்த்திருப்போம். ஒரு நோயாளி யைக்கூட வைத்தியசாலைக்கு எடுத்துச் செல்ல முடியாதவாறு சீர் கேடு அடைந்த பாதைகளை நாம் பார்த்திருக்கிறோம் என்று குறிப் பிடப்பட்டுள்ளது.

11,700 கிலோமீற்றர் கொண்ட தேசியசாலைகள் நான் அதிகாரத்திற்கு வருவதற்கு முன்னர் 20 ஆண்டுகளாக அபிவிருத்தி செய்யப் பட்டிருந்தன. ஆயினும் கடந்த நான்கு ஆண்டுகளில் மாத்திரம் 2,278 கிலோமீற்றர் நெடுஞ்சாலைகள் அகலப்படுத்தப்பட்டுள்ளன. மேலும் 4ஆயிரம் கிலோ மீற்றர்கள் எதிர்வரும் ஆறாண்டுகளில் அபிவிருத்தி செய்யப்படும் என்று மஹிந்த சிந்தனையில் குறிப் பிடப்பட்டுள்ளது.

நெடுஞ்சாலைகளில் 320 பாலங்கள் அமைத்து பூர்த்தி செய்யப்பட் டுள்ள இதே நேரத்தில், 16 பாலங்கள் அமைக்கப்படும் பணிகள் இப்போது துரிதமாக மேற்கொள்ளப்படுகின்றன. ஆறாண்டுகளில் இன்னும் 200 பாலங்கள் அமைக்கப்படும் என்று மஹிந்த சிந்தனை யில் ஜனாதிபதி அவர்கள் வலியுறுத்தியுள்ளார்.

கொட்டாவையில் இருந்து தென் இலங்கைக்கு செல்லும் 128 கிலோ மீற்றர் நெடுஞ்சாலை இப்போது அமைத்து முடிக்கப்பட்டுள்ளது. இதற்கு ‘ஆச்சர்ய பிவிசும’ என்று சிங்களத்திலும் ‘விந்தையின் நுழைவாயில்’ என்று தமிழிலும் ‘Gate way to Wonder’ என்று ஆங்கிலத்திலும் பெயர் சூட்டப்பட்டுள்ளது.

இந்த விந்தையின் நுழைவாயிலாக அமைந்திருக்கும் நெடுஞ்சாலை இலங்கை மக்களின் வாழ்க்கையில் ஒளியை பிரகாசிக்கச் செய்யும் ஒரு தூண்டாமணி விளக்காக அணையாமல் நிரந்தரமாக ஒளியை பரப்பிக் கொண்டிருக்கும். இது நாட்டின் பொருளாதாரம் அபிவிரு த்தி அடைவதுடன், மக்களின் வாழ்க்கைத்தரமும் உயர்ந்து தேசிய பொருளாதாரம் வளர்ந்து, வேலையற்றோரின் பிரச்சினைக்கு நிரந் தரத் தீர்வை ஏற்படுத்துவதற்கான அரிய வாய்ப்பாக அமையு மென்று நாம் நம்பிக்கை கொள்ளலாம்.

இம்மாதம் 27ம் திகதியன்று மாண்புமிகு ஜனாதிபதி மஹிந்த ராஜபக்ஷ அவர்கள் இந்த விந்தையின் நுழைவாயிலான நெடுஞ்சாலையை சம்பிரதாயபூர்வமாக திறந்து வைப்பார். இந்த நெடுஞ்சாலை அன்றி லிருந்து பொதுமக்களின் பாவனைக்காக திறந்துவிடப்படும். இந்த நெடுஞ்சாலையில் வாகனங்கள் மாத்திரமே செல்வதற்கு அனுமதி யளிக்கப்படும்.

நெடுஞ்சாலையில் மோட்டார் சைக்கிள்கள், மாட்டு வண்டிகள், முச்சக் கர வண்டிகள் ஆகிய சிறு வாகனங்களுக்கு செல்ல அனுமதி மறுக்கப்படும். இந்த நெடுஞ்சாலையை பயன்படுத்துவதற்கு ஒரு குறிப்பிட்ட தொகையை வாகன உரிமையாளர்கள் செலுத்த வேண் டும். அதே வேளையில் இதில் செல்லும் வாகனங்கள் அதி வேக மாக மணித்தியாலத்திற்கு 100 கிலோமீற்றர் வேகத்தில் செல்ல வேண்டுமென்ற நிபந்தனையும் விதிக்கப்பட்டுள்ளது.

இலங்கையின் பண்டைய வரலாற்றில் ஒற்றையடிப்பாதையில் ஆரம்பமாகிய பாதைகள் நிர்மாணம் பின்னர் வண்டிப்பதையின் மண் பாதையாகவும், பின்னர் கிராமியப் பாதைகளாகவும், அதைய டுத்து தார் போட்ட பாதைகளாகவும், அதற்கு பின்னர் கொங்கிaட் போட்ட அல்லது காபட் பாதைகளாகவும் வளர்ச்சி பெற்று இன்று நெடுஞ்சாலைகளாக வியாபித்திருக்கின்றன.

அது போன்றே பல்லக்கில் ஆரம்பித்த மனிதர்களின் பிரயாணம் படிப்படியாக குதிரைச் சவாரியாகவும், யானைகள் மீது ஏறி பய ணிப்பதாகவும் பின்னர் வண்டி அல்லது மாட்டு வண்டிகளில் செல்வதாகவும் தொடர்ந்து கொண்டு போய் நாடு வளர்ச்சிப் பாதையில் செல்லும் போது வாகனங்கள், புகையிரத வண்டிகள், விமானங்களாக மாற்றமடைந்தன.

இன்று இந்த பிரயாணங்களை தரைவழிப் பாதையில் வேகமாக மேற்கொள்வதற்கு இந்த நெடுஞ்சாலைகள் சிறந்த சாதனமாக அமைந்துள்ளன. விந்தையின் நுழைவாயில் என்ற இந்த புதிய நெடுஞ்சாலையில் ஒரு வரலாற்று முக்கியத்துவம் வாய்ந்த முன் னேற்றமாக அமையும். இம்மாதம் 24ம் திகதியன்று இந்த நெடுஞ் சாலையில் வரலாற்றில் இறுதி தடவையாக 2 இலட்சம் சைக்கிள் களில், சைக்கிள் ஓட்டப் போட்டியல்ல, சாதாரண சைக்கிள் சவாரி ஒன்றை நடத்துவதற்கு அரசாங்கம் முடிவெடுத்துள்ளது. அன்றைய தினத்திற்கு பின்னர் இந்த நெடுஞ்சாலையில் எவரும் சைக்கிளில் பயணிக்க முடியாது.

அது போல் 25ம் திகதியன்று மக்களுக்கு இந்த நெடுஞ்சாலையில் நடந்தே செல்வதற்கும் அரசாங்கம் அனுமதி அளிக்கும். இதுவே மக்கள் இறுதியாக இந்த நெடுஞ்சாலையில் நடந்து செல்வதற்கு இருக்கும் வாய்ப்பாகும்.

தென் இலங்கைக்கு செல்லும் நெடுஞ்சாலை 27ம் திகதியன்று ஜனாதி பதி அவர்களினால் திறந்து வைக்கப்பட்ட பின்னர் அரசாங்கம் உடனடியாக கொழும்புக்கும் கண்டிக்கும் இடையிலான நெடுஞ் சாலைகளை அமைக்கும் பணிகளையும் கொழும்புக்கும், யாழ்ப் பாணத்திற்கும் இடையிலான நெடுஞ்சாலைகளை அமைக்கும் பணிகளையும் ஆரம்பிக்கவுள்ளது.

இப்போது கொழும்புக்கும் கட்டுநாயக்கவிற்கும் இடையிலான நெடுஞ் சாலை அமைக்கும் பணிகள் நிறைவடைந்து வருகின்றன. இவ் விதம் இந்த நெடுஞ்சாலைகளை அமைக்கும் பணி முடிவடைந்த பின்னர் ஆசியாவிலேயே குறுகிய காலத்தில் பெரும் விந்தையை ஏற்படுத்திய ஒரு நாடாக மாறிவிட்டதென்ற பாராட்டை பெறுவது நிச்சயம்.

(தினகரன்)