உடல் நலத்தை மேம்படுத்தும் சைக்கிள் சவாரி

வாழ்க்கையை ஒரு சக்கரம் ஒரு வட்டம் என்று பலர் வர்ணிப்பார்கள். தொடக்கத் தில் உள்ள ஒரு நிலைமை, நிச்சய மாக மீண்டும் வரும். அந்த வகை யில் பல விடயங்கள் இப்போது மீண்டும் அந்த காலத்துக்கு கொண்டு போக வைத்துவிட்டது. நமது முன்னோர்கள் கடைப்பிடித்த பல செயல்கள், இப்போது மட்டுமல்ல இன்னும் பல நூற்றாண்டுகள் கழித்தும் பின்பற்ற வேண்டியதாகத்தான் இருக்கிறது. பெட்ரோல் விலை உயர்ந்து விட்டது, டீசல் விலை உயர்ந்து விட்டது, எங்கள் வருமானத்தில் பெரும் பகுதி இதற்கே போய் விட்டால் நாங்கள்எப்படி வாழ்க்கை நடத்துவது? என்று அங்காலாய்க்கும் ஏழை, எளிய, நடுத்தர மக்கள் அதைத்தாண்டி, இதற்கு இருக்கும் மாற்று வழி பற்றி சிந்திப்பதேயில்லை. பெட்ரோல், டீசல் எல்லாம் நம் தேவைக்கு கிடைப்பதில்லை. வெளிநாடுகளில் இருந்துதான் இறக்குமதி செய்கிறோம். இதனால் அந்நிய செலாவணி அதிகமாகிறது. இதைத் தவிர்க்க இதன் பயன்பாட்டை பெருமள வில் குறைக்க வேண்டும்.

இன்று உலகில் எல்லா நாடுகளுக்கும் பொருளாதார ரீதியாக சவால் விடும் வகையில் வேகமாக வளர்ந்து கொண்டிருக் கும் சீனாவுக்கு சென்றவர்களுக்கு நன்றாகத் தெரியும், அங்கு பெட்ரோல் வாகனங்களுக்குப் பதிலாக எந்த வகையில் சைக்கிள் களைப் பயன்படுத்துகிறார்கள் என்று. எவ்வளவு உயர்ந்த பதவியில் இருப்பவர்களும் சைக்கிளில் செல்வதை மிக பெருமையாக கெளரவமாகவே கருதுகிறார்கள். வீதிகளிலும் சைக்கிள்கள் செல்வதற்கு தனியாக பாதை ஒதுக்கிக்கொடுத்து இருக்கிறார்கள். ரயில் நிலையங் கள் பஸ் நிலையங்கள், வணிக வளாகங்கள் மற்றும் ஒவ்வொரு அலுவலகங்கள் முன்பும் சைக்கிள் களை நிறுத்த அமைக்கப்பட்டுள்ள சைக்கிள் ஸ்டாண்டுகளில் நிறுத்தி வைக்கப்பட்டிருக்கும் சைக்கிள்களின் எண்ணிக்கையைப் பார்த்தால் ஆச்சரியத்தின் எல்லைக்கே போய்விடலாம்.

பெட்ரோல் பயன்பாட்டைக் குறைக்க சீனா இப்போது புதிதாக நடவடிக்கையைத் தொடங்கவில்லை. 20 ஆண்டுகளுக்கு முன்பே தொடங்கிவிட்டது. 1990 இல் சீனாவில் ஆசிய விளையாட்டுப் போட்டி நடந்தது. அப்போது தமிழ் நாட்டிலிருந்து பத்திரிகை களின் சார்பில் செய்தியாளர்கள் சென்றிருந்தனர். அங்குள்ள மீடியா சென்டரில் அவர்களுக்கு மொழி பெயர்ப்பு மற்றும் உதவிகள் வழங்குவதற்காக ‘தவுகான்’ என்ற கல்லூரி மாணவி நியமிக்கப்பட்டு இருந்தார். அந்த பெண்ணின் தகப்பனார் பொதுப்பணித்துறை தலைமை பொறியியலாளர், தாய் ஒரு பெரிய பால் பண்ணையின் முகாமையாளர். இவர் ஒரே பெண். உங்கள் வீட்டில் என்ன வாகனம் இருக்கிறது? என்று தமிழக செய்தியாளர் கேட்டவுடன் ‘திரி பைசைக்கிள்ஸ்’ அதாவது 3 சைக்கிள்கள் என்று அந்த பெண் பெருமையோடு சொன்னார். இப்போதும் அதே நிலைமைதான்.

சில நாட்களுக்கு முன்பு சென்னை மெட்ரோ ரயில் திட்டத்தில் பணியாற்றும் அதிகாரிகள், சீனாவில் மெட்ரோ ரயில் திட்டத்தின் கட்டுமான பணிகளைப் பார்வையிட சென்றிருந்தனர். இப்போதும் அங்கு நகர்ப்புற முக்கியசாலைகளில் ஸ்கூட்டர், மோட்டார் சைக்கிள்கள் ஓட தடை இருப்பதாக கூறினர்.

எல்லோரும் தங்கள் வீடுகளில் இருந்து மெட்ரோ ரயில் நிலையம் வரை சைக்கிள்களில் வந்து அங்கு இருந்து மெட்ரோ ரயில் பயணத்தையே மேற்கொள்கிறார்கள். மெட்ரோ ரயில் நிலையங்களின் வாசலில் ஏராளமான சைக்கிள்கள் நிற்பதைப் பார்க்க முடிகிறதாம். சீனாவில் சர்க்கரை நோயின் பாதிப்பு மிகவும் குறைவு. அதற்கு ஆண்களும், பெண்களும் செல்லும் சைக்கிள் பயணமும், ஒரு முக்கிய காரணமாகும்.

அதிக செலவு வைக்காத உடல் நலத்தை மேம்படுத்தும் விபத்துக்களைத் தவிர்க்கும் அந்நிய செலாவணியை பெருமளவில் குறைக்கும் சைக்கிள் சவாரியை ஊக்குவிக்கலாமே! எல்லாவற்றுக்கும் முன்னோடியாகத் திகழும் இளைஞர் சமுதாயம், இவ்வாறு சைக்கிள்களை பயன்படுத்துவதிலும் மற்றவர்களுக்கு முன்மாதிரியாக செயல்பட வேண்டும். நாட்டின் பொருளாதாரத்தை சீர்படுத்த பெட்ரோல், டீசல் பயன்பாடு குறைப்பும் நிச்சயமாக வகை செய்யும்.