நியாயப்படுத்துவது நியாயமல்ல!

பேருந்து, பால் கட்டணத்தை கடுமையாக உயர்த்தி, மக்களை வதைத்துள்ள அதிமுக அர சுக்கு கண்டனம் அதிகரித்து வருகிறது. பேருந் தில் ஏறுபவர்களும், பால் வாங்கச் செல்பவர் களும் அதிர்ச்சியில் உறைவதோடு, அரசு மீதான தங்களது அதிருப்தியை வெளிப்படையாகவே தெரிவித்து வருகின்றனர். இந்நிலையில் கட்டணத்தை குறைப்பதற்கு பதிலாக முதல்வர் ஜெயலலிதா பஸ் கட்டணம் மற்றும் பால் விலை உயர்வை நியாயப்படுத்தி நீண்ட அறிக்கை ஒன்றை வெளியிட்டுள்ளார். விலை உயர்வை அறிவித்த அறிக்கையைப் போன்றே, இந்த அறிக்கையிலும் பொதுத்துறை நிறுவனங்களை பாதுகாப்பதற்காகவே இந்த நடவடிக்கையை எடுத்துள்ளதாக கூறியுள்ளார். அரசுப் போக்குவரத்து கழகங்கள், ஆவின் பால் நிலையம் போன்ற பொதுத்துறை நிறுவனங்கள் பாதுகாக்கப்பட வேண்டும் என்பதில் யாருக் கும் ஆட்சேபணை இருக்கப்போவதில்லை.

பள்ளி மாணவர்களுக்கு வழங்கப்படும் இல வச பஸ் பாஸ் உட்பட பல்வேறுகட்டணப்பாக்கி களைபோக்குவரத்துக்கழகங்களுக்குவழங்காமல் அவற்றை நலிவடையச் செய்வதில் அரசுக்கு முக்கியப் பங்கு உண்டு. தனியார் பால் உற்பத்தி நிறுவனங்களின் வசதிக்காகவே ஆவின் நிறு வனம் திட்டமிட்டு அழிக்கப்பட்டது என்பது உண்மைதான். ஆனால் இப்போது அரசு பால் விலையை உயர்த்தி அறிவித்துள்ளதால் தனியார் நிறுவனங்களும் பால் விலையை உயர்த்திவிட் டன. இதனால் அவர்களுக்கு நஷ்டம் எதுவும் ஏற்படப்போவதில்லை. இன்னும் சொல்லப் போனால் தனியார் பஸ் முதலாளிகளுக்கும், தனியார் பால் நிறுவனங் களுக்கும் ஆதரவான ஒரு அறிவிப்பையே அதிமுக அரசு வெளியிட்டுள்ளது.

திமுக ஆட்சிக்காலத்தில் ஸ்டார் ஹெல்த் என்ற தனியார் நிறுவனத்திடம் காப்பீட்டுத் திட்டம் ஒப்படைக்கப்பட்டது. இதுகுறித்து அன்றைய எதிர்க்கட்சித் தலைவர் ஜெயலலிதா கடுமையாக விமர்சித்து வந்தார். இவர் ஆட் சிக்கு வந்தவுடன் பொதுத்துறை காப்பீட்டு நிறு வனங்களின் உதவியுடன் காப்பீட்டுத் திட் டத்தை செயல்படுத்துவதற்கு பதிலாக, திமுக அரசின் பாதையில் தனியார் காப்பீட்டு நிறுவனத் துடன்தான் உடன்பாடு செய்யப்பட்டுள்ளது.

நவீன தாராளமயமாக்கல் கொள்கையை பின்பற்றுவதில் திமுக போட்டுக்கொடுத்த அதே வழித்தடத்தில்தான் அதிமுக அரசும் பயணிக் கிறது. அதனால்தான் கொஞ்சம் கூட கூசாமல் மக்கள் தலையில் தாங்க முடியாத அளவுக்கு சுமையை சுமத்த துணிந்துள்ளது அதிமுக அரசு.

இந்த கட்டண உயர்வை விமர்சிக்கும் எதிர்க் கட்சிகளை தனது அறிக்கையில் சாடியுள்ளார் முதல்வர் ஜெயலலிதா. இவர் தனது தேர்தல் பிரச்சாரத்தில் விலைவாசியை குறைப்பேன், தடையில்லா மின்சாரம் வழங்குவேன் என்று தான் கூறினாரே தவிர, ஆட்சிக்கு வந்தவுடன் முதல் வேலையாக கட்டணங்களை உயர்த்து வேன் என்று கூறவில்லை. ஆட்சிக்கு வந்த பிறகு சட்டப்பேரவையில் கூட இதுகுறித்த விவாதத்தை நடத்தவில்லை. இந்நிலையில் விமர்சிப்பவர்களை விமர்சிப்பதில் எந்தநியாயமு மில்லை. மக்கள் குரலைத்தான் இடதுசாரிகள் எதிரொலிக்கிறார்கள் என்பதை முதல்வர் புரிந்து கொள்ள வேண்டும். வீண் பிடிவாதம் விபரீதத் திற்கே இட்டுச் செல்லும் என்ற கடந்த கால அனுபவம் அதிமுகவுக்கு நிறையவே உண்டு.

மத்திய அரசுக்கு எதிராக போராட ஜெய லலிதா முன்வருவாரானால், இடதுசாரிக்கட்சிகள் அவருக்கு துணை நிற்பார்கள். அதைவிடுத்து வாக் களித்த மக்களை தண்டிப்பது நியாயமல்ல.

(தீக்கதிர்)