ஆண்டவனே! நீயும் ஆமிப் புலனாய்வாளனா? அரசாங்கத்திட ஆளா?

தற்போது யாழ்ப்பாணக் குடாநாடு உட்பட வடபகுதி எங்கும்  கோவில்கள், சனசமூக நிலையங்கள், சமூகக் குழு அமைப்புக்கள், விவசாய குழுக்கள், அரசியல்கட்சிகள் ஆகியவற்றுக்குள் உள்வீட்டுப் பிரச்சனை தடல்புடலாக நடைபெற்றுக் கொண்டிருக்கின்றது.
சண்டை என்றால், ஒரு குழு இன்னொரு குழுவை எப்படி வில்லனாக சித்தரிப்பது என்பது பற்றி ஆழ்ந்து யோசித்து தம்மைச் சோ்ந்தவா்களுக்கு வாய் மூலமாகவோ, அல்லது ஊடகம் மூலமாகவே அறிக்கைகளை விட்டுக்கொண்டு இருக்கிறன. அந்த அறிக்கைகளில் பெரும்பாலன அறிக்கையில் வில்லனாகச் சித்தரிப்பதற்கு அவா்கள் ஆழ்ந்து யோசித்து வெளிக் கொண்டுவரும் விடயம் என்னவெனின் எம்மை எதிர்ப்பவா்கள் ஆமிப் புலனாய்வாளா்களின் தூண்டுதலில் எதிர்க்கின்றார்கள்  அல்லது அரசாங்கத்திற்கு ஆதரவாக நின்று எம்மை எதிர்க்கின்றார்கள் என்பது தான்.

கோவில் நிர்வாகக் குழுக் கூட்டத்தில் கூட ‘உன்னைப் பற்றி எனக்குத் தெரியும், நீ ஆமிப் புலனாய்வாளா்களோட திரியுற ஆள்தானே!“  எனக் கூறிச் சண்டை பிடிப்பதாகத் தெரியவருகின்றது. தற்போது சந்தோசப்படக்கூடிய ஒரு செய்தி என்னவெனின் புருசன் பெண்டாட்டி சண்டைகளில் மட்டும் இந்த ஆமிப் புலனாய்வாளன் என்ற வசனமும் குற்றச்சாட்டும் எழுவதில்லை என தகவல்கள் தெரிவிக்கின்றன. ஆமிப் புலனாய்வாளன் என்றால் குடாநாட்டு மக்கள் அந்த நபரை ஒரு வில்லனாக சித்தரிக்க முற்படுவதற்கான காரணங்கள் ஏராளம் அவா்களது அனுபவத்தில் இருந்திருக்கலாம். ஆனால் தற்போதும் அவ்வாறான காரணங்கள் இருக்கின்றனவா என்பது பற்றி ஆராயப்படவேண்டி உள்ளது.
ஆனால் இவ்வாறு தெரிவிக்கும் நபா்களுக்கு இன்னொரு பக்கமும் இருக்கின்றது. அதாவது ஆமிப் புலனாய்வாளா், அரசாங்கத்தின் ஆள் என ஒருவரைக் குற்றஞ்சாட்டும் அதே நபா் அவ்வாறு குற்றஞ்சாட்டிக் கொண்டு அதே நபரை ஆமிக்கும் போட்டுக் கொடுக்கும் புண்ணியமான வேலையும் செய்து கொண்டு இருப்பது வேடிக்கையாக இருக்கின்றது.
ஆமிப்புலனாய்வாளன் என பொதுமக்களுக்குச் சொல்லிக் கொண்டு அவனை ஆமியிடமும் பொலிசிடமும் மாட்டுவதற்கு அதே நபரை விடுதலைப்புலிக்கு ஆதரவான ஆள் என்றும் தெரிவிக்கின்ற சம்பவங்கள் நடந்துகொண்டிருக்கின்றன.

இவ்வாறு  இரண்டு பக்கமும் தகடு வைத்துக் கொண்டு  தாங்கள் புத்திசாலிகளாக இருப்பதாகக்  காட்டிக் கொள்பவா்களைக் கண்டு கடவுளே சிரிக்கக் கூடும். இது தொடா்பாக கடவுள்  அவா்களிடம் நியாயம் கேட்டால் அவரும் ஆமிப்புலனாய்வாளராகவோ அல்லது அரசாங்கத்தின்  ஆனாகவோ அடுத்த விநாடி மாற்றப்படலாம். எவ்வாறு நிலமைகளைத் தமக்குச் சாதகமாகப் பயன்படுத்திக்  கொண்டு வாழத் தெரியவேண்டும் என்பதை  தமிழ் மக்களின் அபிமானம் பெற்ற தமிழ்த் தேசியக் கூட்டமைப்பின் நடவடிக்கைகளைப் பார்த்து  அறிந்து கொள்ளுங்கள்.
இனி வரும் காலம் தமிழ்த்தேசியக் கூட்டமைப்பில் உள்ள ஒவ்வொரு உறுப்பினரும் தமக்கிடையே மோதுப்பட்டு  ஆமிப்புலனாய்வாளன், அரசாங்கத்தின் ஆள் என ஒருவரை ஒருவா் குற்றஞ்சாட்டும் வெகு தூரத்தில் இல்லை.

இனிமேல் தோ்தல்களுக்காக உங்கள் வீடு தேடி வருபவா்களுக்கு நீங்கள் செய்ய வேண்டியவை ஏராளம் உள்ளது.  அது என்னவென சொல்லத் தேவையில்லை. இருப்பினும் நீங்கள் கேட்டுக் கொண்டால் பழைய செருப்பு, கூழ்முட்டை, மாட்டு சாணம் எதுவென்றாலும் தரும் நிலையில்  சில தரப்புக்கள் காத்துக் கொண்டிருக்கின்றன.
தந்திரன்