உங்களை உலகுக்கு தந்தோருக்காக வாழுங்கள்!

சர்வதேச முதியோர் தினமும் சிறுவர் தினமும் உலகெங்கும் இன்று கொண்டாடப்படுகின்றன. முதியோர் மற்றும் சிறுவர் நலன்கள் தொடர்பாக அக்கறை செலுத்தி வரும் நாடுகளில் இலங்கையும் ஒன்றாகும். எனவே இன்றைய தினத்தில் எமது நாட்டிலும் விசேடமான நிகழ்வுகள் நடைபெறுகின்றன. முதியோர் நலன் பேணுதல் தொடர்பாக எடுத்து நோக்குவோமானால் வயோதிபக் காலத்தில் பராமரிப்பின்மை காரணமாக அனு பவிக்கும் துன்பமும் பலவகையான வியாதிகளுமே அவர்கள் எதிர்நோக்கும் முக்கிய பிரச்சினைகளாகின்றன.

தற்போதைய மருத்துவ வளர்ச்சி காரணமாக மனிதனின் சராசரி ஆயுள் அதிகரித்துச் செல்கிறது. இதன் விளைவாக எமது நாட் டிலும் முதியோரின் எண்ணிக்கை அதிகரித்துச் செல்கிறது. இதனை மகிழ்ச்சியானதொரு விடயமாக நாம் கொள்ள வேண்டும். ஆனால் இதன் மறுபுறத்தில் சொல்லொணாத் துயரங்களும் உள் ளன. பிள்ளைகளால் கைவிடப்படும் முதியோரின் எண்ணிக்கை யும் அதிகரித்துக்கொண்டே செல்கிறது. வயது முதிர்ந்த காலத் தில் ஆதரவின்றி அல்லல்படுவதைப் போன்றதொரு கொடுமை வேறில்லை.

ஜீவனோபாயத்துக்கான வருமானமின்மை மாத்தி ரமே பிரச்சினை என்றில்லை.... மன ஆறுதல் தரவும் பராமரிக்க வும் பிள்ளைகள் எவருமே அருகில் இல்லாததன் காரணமாக பெற்றோருக்கு ஏற்படுகின்ற மனவேதனை, மன உளைச்சல் என்பவையெல்லாம் அம்முதியோர்களுக்கு மட்டும்தான் புரியும். முதியோர் இல்லங்களுக்குச் செல்வோமானால் அங்குள்ள முதிய வர் ஒவ்வொருவரினதும் முகங்களில் பிரதிபலிக்கின்ற சோகங்களை நாம் கண்டுகொள்ள முடியும். பெற்ற பிள்ளைகளை கண்ணால் காணும் பாக்கியம் கிட்டாதாவென்ற ஏக்கத்தில் வயோதிபர் இல் லங்களில் வாழும் பெற்றோர் பலர் உண்டு.

வயோதிபக் காலத்தில் வியாதிகள் தொல்லைப்படுத்துவது போதா தென்று மன ஏக்கத்துடனும் இவர்கள் காலத்தைக் கடத்துகின்றனர்.

பெற்றோரின் இளமைக் காலம் குறித்து பிள்ளைகள் சிந்தித்துப் பார் க்காததன் விளைவினால் ஏற்படுகின்ற அவலமே இது. குழந்தை யொன்று பிறந்ததும் பெற்றோர் அதனை சீராட்டி வளர்க்கின்ற னர்.

சிறப்பான வசதிகளையும் கல்வியையும் இயன்றளவில் வழ ங்கும் பெற்றோரே அதிகம். எதிர்காலத்தில் அப்பிள்ளை தன்னை கவனிப்பானென்ற எதிர்பார்ப்பில் எந்தப் பெற்றோரும் பிள் ளையை வளர்ப்பதில்லை. பாசத்தினாலும் அன்பினாலுமே சிறப் பாக வளர்க்கின்றனர். பிற்காலத்தில் பிள்ளையிடமிருந்து பரிவும் பாசமும் கிடைக்காத போது பெற்றோரின் மனம் துடித்துப் போகின்றது.

இன்றைய முதியோர் தினத்தில் பிள்ளைகள் இதனைக் கவனத்தில் கொள்வது முக்கியம். முதுமையென்பது இரண்டாம் குழந்தைப் பருவம் என்பர். முதியோராகிய பெற்றோர் இழைக்கின்ற சிறு குற் றங்களையெல்லாம் பொருட்படுத்தி, அவர்கள் மீது வெறுப்புக் கொள்வது முறையல்ல. அவர்களே உங்களை இவ்வுலகுக்குத் தந்தவர்கள்... அவர்கள் உங்களுக்காகவே வாழ்ந்தவர்கள்.... எனவே சிறிது காலம் நீங்களும் அவர்களுக்காக வாழ்வதே நீதியும் நியாயமும் ஆகும்.

இதேசமயம் இன்றைய சிறுவர் தினம் தொடர்பாகவும் நாம் கவனம் செலுத்த வேண்டியுள்ளது. ‘ஊடகங்களின் பங்களிப்பில் சிறுவர் களை ஊக்குவித்தல்’ என்பதே இவ்வருட சிறுவர் தினத்தின் கருப்பொருள் ஆகும்.

தற்போதைய விஞ்ஞான வளர்ச்சி யுகத் தில் தகவல் தொழில்நுட்பமே முன்னிலை வகிக்கின்றது. ஊடக ங்களும் தகவல் தொழில்நுட்பமும் பின்னிப் பிணைந்துள்ள இன்றைய காலத்தில், சிறுவர்கள் ஊடகத்துறையில் பரிச்சயம் பெறுவதென்பது மிகவும் அவசியமாகிறது.

வெறுமனே புத்தகக் கல்வியைப் பெறுவதோடு மட்டும் சிறுவர்கள் நின்றுவிடலாகாது. ஊடகங்கள் மற்றும் தகவல் தொழில்நுட்பம் தொடர்பான அறிவை சிறுவர்கள் வளர்த்துக் கொள்வதில் பெற் றோரும் ஆசிரியர்களும் கூடுதலான பங்களிப்புச் செய்வதற்கு முன்வர வேண்டும்.

விஞ்ஞான, தகவல் தொழில்நுட்ப வளர்ச்சியின் மறைமுக எதிர் விளைவினால் பல்வேறு ஆபத்துக்கள் இன்றைய சிறுவர்களைச் சூழ்ந்திருக்கின்றன. சிறுவர்களை தீயவழியில் இட்டுச் செல்வ தில் இணையங்களுக்குப் பங்குண்டு.

அதேசமயம் சிறுவர் துஷ் பிரயோகமென்பதும் இளவயதினரின் எதிர்காலத்தைப் பாழாக்கு வதில் பிரதான காரணியாக விளங்குகின்றது. இவற்றிலிருந்து எமது சிறார்களைத் தவிர்த்துக்கொள்வதையிட்டு அனைவரும் கவனம் செலுத்த வேண்டும்.

சிறுவர் பருவமும் முதுமைப் பருவமும் உரியபடி பேணப்படுமா னால் அவையிரண்டும் வசந்தகாலப் பருவங்களாகவே அமையு மென்பது உண்மை.