அமெரிக்காவின் குறி வெனிசுலாவின் எண்ணெய் மீதுதான்  - பிடல் காஸ்ட்ரோ

எண்ணெய் வளத்தைக் குறிவைத்தே அமெரிக்கா இயங்குகிறது என்று வெனி சுலாவில் நடைபெற்ற நாடா ளுமன்றத் தேர்தல்கள் மற் றும் அதன் முடிவுகள் குறித்து பிடல் காஸ்ட்ரோ கருத்து தெரிவித்துள்ளார்.

இதுகுறித்து அவர் எழு தியுள்ள விபரம் வருமாறு : நான் வெனிசுலாவைச் சேர்ந்தவர் என்றால் என்ன செய்வேன் என்று நேற்று குறிப்பிட்டேன். இயற்கைப் பேரழிவுகளில் பாதிக்கப் பட்டவர்களில் பெரும் பாலானவர்கள் ஏழைகள் தான் என்பதை நான் விளக் கிக்கூறினேன். அதற்கான காரணங்களையும் குறிப் பிட்டேன். மேலும், “... எங்கு ஏகாதிபத்தியம் கோலோச் சுகிறதோ அந்த நாட்டின் சந் தர்ப்பவாத ஆட்சியாளர் களுக்கும் தேசிய செல்வம் மற்றும் சேவையில் ஒரு பகுதி கிடைக்கவே செய்யும். சாமானிய மக்களைப் பொறுத்தவரை வெல்வதற்கோ அல்லது இழப்பதற்கோ எதுவுமில்லை. தேர்தல்கள் பற்றி கருத்து சொல்ல வேண்டியதில்லை. அமெரிக்காவில், ஜனாதிபதி தேர்தலில்கூட, தகுதியுள்ளவர்களில் 50 விழுக்காட்டிற்கு மேல் வாக்களிக்க வருவதில்லை.” என்றும் தெரிவித்தேன்.

பிரதிநிதிகள் சபை, செனட்டின் ஒரு பகுதி மற்றும் பல முக்கியமான பொறுப்புகள் ஆகியவற்றிற்கான தேர்தல்கள் நடக்கும் போதும் இந்த வாக்குப்பதிவைத் தாண்டுவதில்லை என்று இன்றைய தினம் சேர்த்துக் கூற விரும்புகிறேன். அதேவேளையில், புரட்சிகர பொலிவாரிய அரசைக் கவிழ்க்க மலை போல் பொய்களைக் குவிக்க தங்கள் ஊடகங்களை ஏன் பயன்படுத்துகிறார்கள் என்று நான் கேள்வி எழுப்பினேன். அமெரிக்கர்கள் விரும்புவதெல்லாம் வெனிசுலாவின் எண்ணெய் வளம் தான். வெனிசுலாவின் நாடாளுமன்றத் தேர்தல் நடந்து கொண்டிருந்த போது, தேசிய அச்சு ஊடகங்கள், வானொலி மற்றும் தொலைக்காட்சிகளின் உதவியோடு சில அற்பமான நபர்கள் வெனிசுலாவில் பத்திரிகை சுதந்திரம் இல்லை என்று கூறிக் கொண்டிருந்தார்கள்.

தனது இலக்குகளில் சிலவற்றை எதிரிகள் அடைந்து விட்டார்கள். பொலிவாரிய அரசுக்கு நாடாளுமன்றத் தில் மூன்றில் இரண்டு பங்கு ஆதரவு கிடைப்பதைத் தடுத்துவிட்டது அதில் ஒன்றாகும். சொல்லப்போனால் பெரிய வெற்றி கிடைத்து விட்டது என்று பேரரசு நம்புகிறது. ஆனால் நான் அதற்கு நேர்மாறான கருத் தைக் கொண்டிருக்கிறேன். செப்டம்பர் 26 அன்று வெளியான தேர்தல் முடிவுகள் பொலிவாரியப் புரட்சிக்கும், அதன் தலைவராக இருக்கும் ஹியூகோ சாவேஸுக்கும் வெற்றி கிடைத்துள்ளதாகவே நான் கருதுகிறேன். இந்த நாடாளுமன்றத் தேர்தல்களில் வாக்களித் தவர்களின் எண்ணிக்கை எப்போதும் இல்லாத அளவிற்கு 66.45 விழுக்காடாக உயர்ந்துள்ளது. தனது பல மனைத்தையும் பிரயோகித் தும்கூட நாடாளுமன்றத் தில் சோசலிஸ்ட் கட்சிக்கு 165 இடங்களில் 96 இடங் கள் கிடைப்பதை பேரரசால் தடுக்க முடியவில்லை. பெரும் எண்ணிக்கையில் இளைஞர்கள், பெண்கள் மற்றும் மக்கள் தொண்டர்கள் என்று பலரும் நாடா ளுமன்றத்திற்குள் நுழைந் துள்ளார்கள் என்பது குறிப்பிடத்தக்கது.

நிர்வாக அதிகாரம், நாடாளுமன்றத்தில் பெரும்பான்மை மற்றும் சோசலிசத்திற்கு ஆதரவாகப் போராடக்கூடிய லட்சக்கணக் கான மக்கள் என்று பொலிவாரியப் புரட்சிக்கு ஆதரவு இருக்கிறது. வெனிசுலாவில், புரட்சியால் அரண்டு போயுள்ள சில சிறிய கட்சிகளை ஒன்றிணைத்து அதை நம்பி அமெரிக்காவால் இயங்க முடியும். சிலியில் அலெண்டேவுக்கு என்ன செய்தார்களோ அல்லது நமது அமெரிக்கக் கண்டத்தின் பல நாடுகளில் என்ன செய்தார்களோ அதை வெனிசுலாவில் அவர்களால் செய்ய முடியாது. வெனிசுலாவின் ராணுவத் திற்கு சரியான வகையில் கல்வி புகட்டப்பட்டுள்ளது. விடுதலை வீரர் என்பதன் உண்மையான அர்த்தத்துடன் அதற்கு உதாரணமாக இயங்குகிறார்கள். அத்தகையவர்கள் வெல்ல முடியாதவர்கள். எனக்கிருக்கும் அரையாண்டு கால அனுபவம் இல்லாமல் இதை இவ்வளவு தெளிவாக என்னால் பார்த்திருக்க முடியாது.