மனிதர்கள் வாழக் கூடிய புதிய கிரகம்

மனிதர்கள் வசிக்கும் சூழல் கொண்ட புதிய கிரகம் கண்டு பிடிப்பு பூமியைத் தவிர வேறு கிரகங்களில் மனிதர்கள் வாழ முடியுமா என்பது குறித்து பல ஆண்டுகளாகத் தொடர்ந்து ஆய்வு கள் நடத்தப்பட்டு வருகின்றன. இந்நிலையில் சூரிய குடும்பத்திற்கு வெளியே அதிக வெப்பமும், அதிக குளிரும் இல்லாமல் மனிதர்கள் வாழ்வதற்கு ஏற்ற ஏற்ற சூழ்நிலை உள்ள புதிய கிரகம் ஒன்று கண்டுபிடிக்கப்பட்டுள்ளது.

கலிபோர்னியா, சாண்ட குரூஸ் பல்கலைக்கழகம் மற்றும் வாஷிங்டன் கார்னிஜ் நிறுவனத்தைச் சேர்ந்த குழுவியனர் ஆய்வு செய்து சிவப்பு குள்ளனாக காட்சி தரும் நட்சத்திரகுடும்பத்தைச் சேர்ந்த கிளைஸ் 581 என்ற புதிய கிரகம் ஒன்றை தற்போது கண்டுபிடித்துள்ளனர்.

இது குறித்து சாண்டா குரூஸ் பல்கலைக்கழகத்தைச் சேர்ந்த ஸ்டீவன் வோட் கூறியதாவது:? பசுபிக் கடலில் உள்ள ஹவாய் தீவில் உள்ள கெக் தொலைநோக்கி மூலம் விண்வெளியில் சிவப்பு குள்ள நட்சத்திரத்தையும் அதன் சுற்று வட்டப்பாதையில் வலம் வரும் கிரகங்களையும் 11 ஆண்டு களாக ஆய்வு செய்து வருகிறோம். அதிக வெப்பம் உள்ள கோள்களோ அல்லது அதிக குளிர் உள்ள கோன்களோ உள்ளனவா என ஆய்வு செய்யப்பட்டது.

இந்நிலையில், அதிக வெப்பமோ அல்லது அதிக குளிரோ இல்லாமல், உயிரினங்கள் வாழ்வதற்கு ஏற்ற சூழ்நிலை உள்ள புதிய கிரகம் ஒன்று இருப்பது ஆய்வில் தெரிய வந்துள்ளது. இந்தப் புதிய கிரகம் கிளைஸ் 581 என்று அழைக்கப்படு கிறது. துலா ராசி விண்மீன் நட்சத் திரக் கூட்டத்தில் இடம்பெற்றுள்ள இந்தக் கிரகம், பூமியில் இருந்து 20 ஒளி ஆண்டுகள் தொலைவில் உள்ளது. இதுவரை 500 நட்சத்திர குடும்பங்கள் அறியப்பட்டுள்ளன.

இதில், சூரிய குடும்பத்திற்கு அருகில் உள்ள நட்சத்திரக் குடும்பம் இது பால்வெளி மண்டலத்தில் காணப் படும் கிரகங்களில், இந்த கிளைஸ் 581 கிரகத்தில் மனிதர்கள் வாழ்வத ற்கு ஏற்ற சூழ்நிலை உள்ளது. குளிர்ந்து வரும் சிறிய நட்சத்திரத்தை ஆறு கிரகங்களில் ஒன்றாக இந்தக் கிரகம் சுற்றி வருகிறது. இது பூமியைப் போல் மூன்று அல்லது 4 மடங்கு பெரியது. தனது வட்டப்பாதையில் 37 நாட்களுக்கு ஒரு முறை சுற்றி வருவதாகக் கணக்கிடப்பட்டுள்ளது.

இந்தக் கிரகத்தில் 31 முதல் 15 பாகை செல்சியஸ் வெப்பநிலை இருக்கலாம் என்று மதிப்பிடப்பட் டுள்ளது. சூரியனைப் பாரத்தபடி புதன் கிரகம் சுற்றி வருவது போல், இந்தக் கிரகத்தின் ஒரு பகுதி அதன் சூரியனை பார்த்தபடி சுற்றி வருகிறது. இதனால் இந்தக் கிரகத்தின் ஒரு பகுதி வெப்மாகவும், ஒரு பகுதி குளிராகவும் உள்ளது.

எனவே, இந்த இரண்டு பகுதிகளுக்கு இடைப்பட்ட இடத்தில் பூமியைப் போன்ற சூழ்நிரல நிலவுகிறது. ஈர்ப்பு சக்தி மற்றும் பாறைகள் ஆகியவை பூமியில் உள்ளதைப் போன்று காணப் படுகிறது. எனவே, இந்தக் கிரகத்தின் மேற்பரப்பிலும் நீர் இருக்கலாம் என்று கருதப்படுகிறது. இவ்வாறு ஸ்டீவன் வோட் கூறியுள்ளார்.

எவ்வளவு தூரத்தில் உள்ளது? இந்தக் கிரகம் எவ்வளவு தூரத்தில் உள்ளது தெரியுமா? பூமியில் இருந்து 172 டிரில்லியன் கி. மீ. தூரத்தில் உள்ளது. அதாவது 172 க்கு பின்னால் 12 பூச்சியங்களைச் சேர்த்தால் வரும் எண்தான் இந்தத் தூரம்.

இந்தத் தூரத்தை கடக்க ரொக்கெட் ஒன்ற ஒளியின் வேகத்தில் சென்றால் 20 ஆண்டுகள் பயணம் செய்ய வேண்டும். அப்போதுதான் இந்தக் கிரகத்தை அடைய முடியும். ஒளியின் வேகத்தில் செல்லும் எந்த வாகனமும் இதுவரை கண்டுபிடிக்கப்படவில்லை.