தமிழாராய்ச்சியின் தனிநாயகம்

இலங்கை, யாழ்ப்பாணத்தில் உள்ள கரம்பனில் 2. 8. 1913 ல் பிறந்த தனிநாயகம் அடிகளின் இயற்பெயர் நாகநாதன். இவர் கிறிஸ்தவ சமயத்தை தழுவியபோது ஏற்றுக்கொண்ட பெயர் சேவியர் ஸ்தனிஸ்லாஸ் என் பதாகும். ஆரம்பக் கல்வியை ஊர் காவல்துறை புனித அந்தோணியார் கல்லூரியிலும், இடைநிலைக்கல் வியை யாழ்ப்பாணம் புனித பத்திரி சியார் கல்லூரியிலும், கொழும்பில் தத்துவவியலில் கலைமாமணிப் பட்டத்தையும் (1934), அண்ணா மலைப் பல்கலைக்கழகத்தில் முது கலைமாமணிப் பட்டத்தையும், லண்டனில் கலாநிதிப் பட்டத்தையும் பெற்றார்.

தமிழ் நாட்டில் நெல்லை மாவட் டத்தில் உள்ள வடக்கன்குளம் புனித தெரசாள் உயர்நிலைப்பள்ளியில் துணைத்தலைமையாசிரியராகப் பணியாற்றினார், இங்கு இருந்த போது பண்டித குருசாமி சுப்பிர மணிய ஐயர் என்பவரிடம் தமிழ் பயின்றார். பின்னர் இலங்கைப் பல் கலைக்கழகத்தில் தமிழ் விரிவுரையா ளராகப் பணியாற்றினார். 1961 இல் மலேசியா சென்று மலாயா பல்கலைக் கழகத்தில் 1969 வரை இந்தியக் கல்வி யாய்வுகள் துறையிலே தலைமைப் பேராசிரியராகப் பணிபுரிந்தார். அங்கிருந்து ஓய்வு பெற்றபின் ஓராண்டு காலம் பாரிசில் பிரான்சுக் கல்லூரியி லும், ஓராண்டு காலம் நேப்பிள்ஸ் பல்கலைக்கழகத்திலும் சிறப்புப் பேராசிரியராகப் பணியாற்றினார்.

தமிழ்க் கல்ச்சர் என்ற ஆங்கில காலாண்டிதழை ஆரம்பித்து அதன் ஆசிரியராக 1951-1959 வரை இருந்தார். அதன் மூலம் அகில உலகத்திலு முள்ள தமிழ், திராவிட ஆர்வலரை ஒன்று சேர்க்க முற்பட்டு பெரும் வெற்றியும் கண்டார். 1961 இல் சென்னையில் தமிழ்ப் பண்பாட்டுக் கழகம் என்ற அமைப்பைத் தோற்று வித்தார். தமிழிலும் ஆங்கிலத்திலும் பல ஆய்வுக் கட்டுரைகளையும் 137 நூல்களையும் எழுதி வெளியிட்டார்.

மலேசியாவில் பணி புரியும் காலத் தில் உலகத் தமிழாராய்ச்சி நிறுவனத் தின் தோற்றுநர்களில் ஒருவராக இருந்து செயற்பட்டார். அதன் முதல் மாநாட்டினை 1966, ஏப்ரல் 16 - 23 தேதிகளில் மலேசிய அரசின் துணை யோடு பிரம்மாண்டமான முறையில் மலேசியத் தலைநகர் கோலாலம் பூரில் நடத்தினார். பின்னர் சென்னை யில் நடந்த இரண்டாவது உலகத் தமிழாராய்ச்சி மாநாட்டில் பிரதம விருந்தினராகக் கலந்து கொண்டார்.

அடிகளார் இறப்பதற்கு நான்கு மாதத்திற்கு முன்னர் ஏப்ரல் 1980 இல் தந்தை செல்வா நினைவுப் பேருரையை கொழும்பில் நிகழ்த்தி னார். அதே ஆண்டு மே மாதம் வேல ணையில் பண்டிதர் கா. பொ. இரத்தி னம் அவர்கள் எழுதிய தமிழ்மறை விருந்து நூல் வெளியீட்டு விழாவில் பங்கேற்றார். அதன்பின், பெரிதும் உடல் நலிவுற்ற தனிநாயகம் அடிக ளார், 1980 செப்டம்பர் 1 மாலை 6.30 மணியளவில் உயிர் நீத்தார்.